TOHFA E NIKAH

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_01*     

   *╰•∽––∽–∽–∽–∽–∽–∽–∽•╮*

                   

         *Nikah Ki Zarurat Aur Kaise Karen*

*·•●✿ Mazhabe Islaam fitrat ke tamaam taqaazon ko sharai hudood mein reh kar poora karne ki taaleem deta hai aur us ka tareeqa aur saleeqa sikhaata hai. Nikaah bhi insaani fitrat ka ahem taqaaza hai, agar is rishta-e-nikaah ko sahi taur par qaaim kiya jaaye aur us ki zimmedaariyon ko sahi taur par ada kiya jaaye, to phir us mein mashgool hona nafl ibaddaton se bhi badh jaata hai*

*◆ Rasoolullah ﷺ ka irshaad hai: jis bande ne nikaah kiya, us ne apna aadha deen poora kar liya, ab use chaahiye ke baqiya aadhe ke baare mein Allah Ta'ala se dare* *Sho'bul imaan: 5486)*

*◆ Isi Liye Qur'aan-e-Majeed ne Bahot si jagah Nikah ki targeeb di hai, Allah Ta'ala ne is ko ambiya ki sunnat aur un ka tareeqa qaraar diya hai, chunaanche*

*◆ Qur'aan mein hai: Haqeeqat yeh hai ke ham ne tum se pehle bhi bahot se Rasool bheje hain, aur unhein biwi bachhche bhi ata farmaaye hain. (Sura e Ra'ad: 38*

*◆ Nikaah ki bahot saari sunnatein hain, jin Mein se chand yahaan zikr ki jaati hain*

*(1) Saadgi ke Saath Nikah Karen.(Musnade Ahmed: 54529*

*(2) Masjid Mein Nikah Karen. (Tirmizi: 1089)*

*(3) Juma ke Din Nikah Karen.*

 *📓Albahrur raaiq:2/83, Kitabun Nikaah*

*(4) Nikah Ke Waqt Khutba-E-Nikah Padhen.* *📓Tirmizi: 1105*

*(5) Waleema Karen.* *

*📓 Bukhaari: 2048*

    *NEXT PART  (02) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(02)*     

   *╰•∽––∽–∽–∽–∽–∽–∽–∽•╮*

                   

         *Nikah Karne Ke Faide Aur Na Karne Ke Nuqsanat*

*·•●✿ Nikah ki Wajah Se aadmi Bahot se gunaahon se bach jaata hai aur pur sukoon zindagi naseeb hoti hai, chunaanche Qur'aan-e-Kareem mein Allah Ta'ala ne farmaaya*

*◆ Aur us ki ek nishaani yeh hai ke us ne tumhaare liye tum hi mein se biwiyaan paida kiyen, taake tum unke paas jaakar sukoon haasil karo, aur tumhaare darmiyaan muhabbat aur rahmat ke jazbaat rakh diye.*

*(📗Sura-e-Room: 21)*

*◆ Allah Ta'ala nikah ki barkat se nikah karne waale ko maaldaar bana deta hai, Qur'aan mein Allah Ta'aa farmaate hain*

*◆ Tum mein se jin (mardon ya aurton) ka is waqt nikah naa ho, unka bhi nikah karawo aur tumhare gulaamon aur baandiyon mein se Jo nikah ke qaabil hon unka bhi, agar woh tangdast hon, to Allah apne fazl se unhein gani (maaldaar) kardega aur Allah bahot wus'at waala hai, sab kuch Jaanta hai*

*(📓Sura-e-Noor: 32)*

*◆ Wus'at (Saari cheezein hone) ke baawajood nikah na karne waale ko Allah ke Rasool ﷺ ne shaitaan ka bhai aur bure logon mein shumaar kiya hai, ek hadees mein hai ke Rasulullah ﷺ ke paas ek shakhs aaya, jise ikaaf kaha jaata tha, Rasulullah ﷺ ne us se poocha aye ikaaf..! kya tumhari biwi hai*

*◆Unhon ne kaha nahin, Aap ne poocha: kya baandi hai..? unhon ne kaha nahin, Aap ﷺ ne farmaaya: jab ke tum Allah ke fazal se maaldaar aur tandurust bhi ho, unhon ne kaha: ji haan..! to Aap ﷺ ne farmaaya: ki tab to tum shaitaan ke bhai ho, agar tum isaai hote, to unke paadri hote aur agar tum ham mein se hoto jo ham karte hain waisa hi karo, kyun ke hamara tareeqa nikah karna hai, tum mein badtareen log woh hai, jo gair shaadi shuda hain aur tumhare murdon mein badtareen murde woh hain, Jo bagair nikaah ke mar gaye*

*(📓Musnade Ahmed: 21450, Sho'bul Imaan: 5480)* 

    *NEXT PART  (03) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(03)*     

   *╰•∽––∽–∽–∽–∽–∽–∽–∽•╮*

                   

         *Nikaah Mein Kiya Kiya Cheezein Zaroori Hai*

*·•●✿ Nikaah sahi hone ke liye nikaah ki majlis mein do sharai gawaahon ki maujoodgi mein ladka aur ladki ki taraf se ijaab wa qabool hona zaroori hai warna nikaah nahein hoga, saal ke kisi bhi maheene mein shaadi karne mein koi harj nahein hai, awaam mein yeh baat mash'hoor ho gayi hai ke safar ke maheene mein nahoosat hai aur is maheene mein shaadi be barkati aur museebaton ka sabab hoti hai, haalaanke Islaam mein na koi maheena manhoos hai aur na hi kisi maheene mein shaadi karne se mana kiya gaya hai*

*◆ Hazrat Abu Huraira Raziyallahu Anhu se riwaayat hai ki Rasoolullah Sallallahu Alaihi Wasallam Ne Farmaya bimaari khud ba khud ek doosre ko nahein lagti, bad shigooni ki koi haqeeqat nahein hai, aur na hi murdon par ullu bolte hain aur na hi safar ke maheene mein koi nahoosat hai*

*(📓Bukhari: 5707)* 

    *NEXT PART  (04) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(04)*     

   *╰•∽––∽–∽–∽–∽–∽–∽–∽•╮*

                   

         *Shaadi Mein Gair Sharai Cheezon Aur Fuzool Kharchi Se Bacho*

*·•●✿ Aaj kal shaadi biyaah ke mauqe par khaane ke liye (buffet System) ka riwaaj chal pada hai, jis mein log khade khade balke chalte huwe khaate peete rehte hain, haalaanke Hadees mein khade khade khaane peene se bahot sakhti ke saath roka gaya hai, Hazrat Anas Raziyallahu Anhu bayaan karte hain ke Rasulullah ﷺ ne khade ho kar paani peene se mana kiya hai.*

*◆ Is par Hazrat Anas Raziyallahu Anhu ke shaagird Hazrat Qataada ne poochha ke khade ho kar khaana kaisa hai? Hazrat Anas Raziyallahu Anhu ne jawaab diya ke khade ho kar khaana, khade ho kar peene ke muqaable mein aur bhi ziyaada bura aur ganda amal hai Muslim*

*◆ Isi Tarah Log Nikaah Mein khushi Zaahir karne ke liye naach gaana aur band baaja wagaira cheezon ka ehtimaam karte hain, yeh saari cheezein shari'at ke khilaaf aur haraam hain neez Allah aur us ke Rasool ko sakht naapasand hai, Rasulullah ﷺ ki be'sat ka ek maqsad gaane baaje ke aalaat ko mitaana bhi tha, chunaanche ek Hadees mein*

*◆ Rasulullah ﷺ Ne farmaaya: Allah ne mujhe saari makhlooqaat ke Liye rahmat wa hidaayat ka sar chashma bana kar bheja hai aur mujhe hukm diya hai ke main har tarah ke baajon, dhoL taashon, naqqaaron aur saarangi ko mita doon*

*(📓Musnade Ahmed: 22218)* 

    *NEXT PART  (05) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(05)*     

   *╰•∽––∽–∽–∽–∽–∽–∽–∽•╮*

                   

         *Waleeme Mein Har Tarah Ke Logon Ko Zaroor Shareek Karen*

*·•●✿ Waleeme ke liye qarz Lena aur apni wus'at se ziyaada kharch karna mana hai, neez maaldaaron ko daawat dene ke saath nek logon, ulma, huffaaz, aur is ke alawaa miskeenon aur gareebon ko bhi zaroor daawat dein, kyun ke jis daawat mein sirf maaldaaron ko daawat di jaaye aur gareebon ko shareek na kiya jaaye, ise badtareen khaana qaraar diya gaya hai, chunaanche ek Hadees mein hai*

*◆ Badtareen khaana us waleeme ka khaana hai jis mein maaldaaron ko daawat di jaaye aur gareebon ko chhod diya jaaye, aur jis shakhs ne daawat-e-waleema qabool na ki, us ne Allah aur Uske Rasool ki naa farmaani ki*

*-📓Bukhari: 5177)*

*◆ Sirf dikhlaawe aur fakhr ke taur par aur ek doosre se aage badhne ke liye waleema karna, us mein aisi aaraaish wa numaaish karna ke sunnat ka door door tak naam wa nishaan na ho, aise khaane se bhi door rehna chaahiye, ek Hadees mein hai ke Rasulullah ﷺ ne fakhr aur dikhlaawa karne waalon ka khaana khaane se mana farmaaya hai*

*(📓Abu Dawud: 3754)*

    *NEXT PART  (06) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(06)*     

   *╰•∽––∽–∽–∽–∽–∽–∽–∽•╮*

                   

              *BIWI KE HUQOOQ*

*·•●✿ Biwiyon ke bahot se huqooq hain, jin mein sab se pehla haq maher hai, maher ada na karne par Hadees mein bahot sakht waeed aayi hai, chunaanche Rasoolullah ﷺ ne farmaaya: Jo shakhs kisi aurat se nikaah kare aur yeh niyyat rakhe ke us ke maher mein se use kuch nahein dega, to woh zaani ho kar marega*

*(📓Kanzul Ummaal: 44706)*

*◆ Shohar ke liye dunya mein biwi se badhkar koi hamdard aur mohsin nahein hai, woh us ke ghar ka intizaam sambaalti hai, us ke bachchon ki achchhi aur behtareen parwarish karti hai, shohar ke maal ki hifaazat karti hai, shohar ko chaahiye ke biwi ke saath pyaar wa muhabbat waali zindagi guzaare, us ki jaaiz zarooriyaat ko poora karne ki koshish kare, agar biwi ki taraf se koi galti aur kotaahi ho jaaye, to laan taan aur maar peet ke bajaaye darguzar se kaam Len, Ek Hadees mein*

*◆ Rasoolullah ﷺ ne irshaad farmaaya: Aurat pasli ki tarah hai, agar tum us ko seedha karoge, to tod doge, lihaaza (jaise tedhi pasliyaan kaam de rahi hain) un se un ke tedhepan ke saath faaida uthaate raho*

*(Bukhari: 5184)*

*◆ Apne kaarobaar, office ya kisi bhi zaroorat se baahar jaana ho to waapas aane par sab se muskuraate huwe chehre ke saath milein. Aaj kal is masroofiyat waale daur mein aksar aisa hota hai ke aksar wa beshtar log din bhar ghar se baahar rehte hain aur der raat waapas aate hain aur so jaate hain, yeh tareeqa theek nahein hai, is se zindagi pheeki pad jaati hai Hadees mein hai ke Rasulullah ﷺ ka yeh ma'amool tha ke woh rozaana Asr ke baad apni har ek biwi ke ghar jaate aur un se mulaaqaat farmaate*

*(📓Bukhaari: 5268)* 

    *NEXT PART  (07) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(07)*     

   *╰•∽––∽–∽–∽–∽–∽–∽–∽•╮*

                   

              *BIWI KE HUQOOQ*

*·•●✿ Biwi Apne Shohar ki gair Maujoodgi mein khud apni hifaazat kare, kabhi kisi Gunaah mein mubtala na ho aur shohar ke maal wa saamaan ki hifaazat Kare Hadees shareef mein hai ke: Biwi apne shohar ke ghar ki nigehbaan hai* 

*📓(Bukhari: 893)*

*◆ Allah Taala ne shohar ko bada martaba ata farmaaya hai, is liye shohar ko raazi aur khush rakhna ibaadat aur sawaab ka kaam hai aur us ko naakhush aur naaraaz karna bahot bada gunaah hai, is liye biwi ko chaahiye ke jaaiz kaamon mein shohar ki itaaat kare, ek Hadees Mein Rasoolullah ﷺ farmaaya: Jo aurat is haal mein mare ke us ka shohar us se raazi ho, woh Jannat mein Jaayegi*

*(📓Sho'bul imaan: 8744)* 

    *NEXT PART  (08) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(08)*     

   *╰•∽––∽–∽–∽–∽–∽–∽–∽•╮*

                   

         *Maa Baap Bahu Aur Saas Sasur Ke Huqooq*

*·•●✿ Nikaah ho jaane ke baad biwi apne maa baap, bhai bahen aur poora khaandaan chhod kar apne shohar ke ghar aati hai, us ghar mein us ke liye har shakhs ajnabi hota hai, lihaaza shohar ke gharwaalon ko chaahiye ke woh bahu ke saath achchha bartaao karein aur bahu ke liye bhi zaroori hai ke jab tak khusar aur saas zinda rahein, un ki khidmat kare aur is mein apni izzat samjhe aur jab maike jaaye, to apne maa baap ki khidmat aur jaaiz kaamon mein un ki itaa'at wa farmaanbardaari karti rahein, kyun ke*

*◆ Rasoolullah Sallallahu Alaihi Wasallam Sallam ne farmaaya: Woh tumhaari jannat aur dozakh hain*

*(📓Ibne Maaja: 3662)*

*◆  Yaani agar tum maa baap ki khidmat karke un ko raazi rakhoge to jannat paaloge aur agar un ki naafarmaani karke unhien naaraaz karoge, to phir tumhaara thikaana dozakh mein hoga. Lihaaza ladka aur ladki donon shaadi ke baad maa baap ka khaas khayaal rakhein*

    *NEXT PART  (09) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(09)*     

   *╰•∽––∽–∽–∽–∽–∽–∽–∽•╮*

                            

*·•●✿ Miya Biwi Ke Ta, Alluqaat ke baare mein*

*Shohar ko chaahiye ke nayi naweli dulhan ke saath pyaar wa muhabbat bhari baatein kar ke us ki ajnabiyat ko khatm kare aur us ko apni taraf maail kare. Hadees paak ka mafhoom hai ke miyaan biwi aapasi ta'alluqaat ke waqt kuch cheezon ka khaas khayaal rakhein, apne kamre ko saaf suthra aur khushbu se mu'attar rakhein, Dua padhein, agar yaad naa ho to Bismillah padh lein, chaadar Wodh lein, Baa-wazu rahein aur kisi se uska tazkira naa karein*

    *NEXT PART  (10) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

   

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(10)*     

   *╰•∽––∽–∽–∽–∽–∽–∽–∽•╮*

                          

*·•●✿ Aulaad Ke Huqooq*

*◆ Maa Baap Ki Ye Zimmedaari hai ke woh bachchon ko deeni taaleem dein, un ki behtareen tarbiyat karein aur un ke andar aakhirat ki fikr paida karein,*

*◆ Qur'aan-e-Kareem mein Allah Ta'ala farmaate hain: Tum apne aap ko aur apne ghar waalon ko (jahannam ki) aag se bachaao, jis ka eindhan insaan aur patthar honge*

 *(📓Sura-e-Tahreem: 6)*

*◆ Aulad ke haq mein Allah se duaaein maangte rahiye, maa apne bachche ko doodh pilaaye, maa ke doodh mein bachche ke liye na sirf bharpoor vitamins hain balke us ki har har boond mein Be-misaal taaqat aur bachche mein paida hone waali bimaariyon se ladne ki bharpoor quwwat hoti hai, bachche ko doodh pilaane se maa zehani bimaariyon aur cancer jaise khatarnaak amraaz se bach jaati hai, Qur'an mein bachchon ko doodh pilaane ki targeeb di gayi hai*

*Allah Ta'ala farmaate hain: Aur maayein apne bachchon ko poore 2 saal tak doodh pilaayein.*

*(📓Sura-e-Baqara: 233)*

*◆ Aaj kal dekha gaya hai ke maayein bachchon ka doodh bahot jaldi band kar deti hain, is ki wajah se woh apne bachche par zulm karti hain, powder waale aur jaanwar ke doodh se maa ka doodh kayi darja behtar hai jo qudrati hai aur khaas insaanon ke liye banaaya gaya hai, jis se bachcha poori zindagi tandurust rehta hai aur us ka dimaag bhi behtareen banta hai* 

    *NEXT PART  (11) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(11)*     

   *╰•∽––∽–∽–∽–∽–∽–∽–∽•╮*

                            

*·•●✿ Nikaah Karna Ambiya Ki Sunnat Hai.*

*◆ Nikaah insaan ki ek fitri zaroorat hai, is mein bahot saare deen wa dunya ke faaide hain, yahi wajah hai ke nikaah ka riwaaj shuru din se raha hai, aur yeh Ambiya Alaihi Salaam ki sunnat bhi hai.*

*◆ Qur'aan-e-Kareem mein Allah Ta'ala farmaate hain: Haqeeqat yeh hai ke ham ne Aap se pehle bhi bahot se Rasool bheje hain aur unhein biwi bachche bhi ata farmaaye hain*

 *(📗Sura-e-Ra'ad: 38)*

*◆ Is Aayat se maaloom huwa ke Ambiya ne shaadiyaan ki hain. Lihaaza nikaah ek fitri zaroorat hone ke saath Ambiya ki sunnat bhi hai*

    *NEXT PART  (12) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

 

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(12)*     

   *╰•∽––∽–∽–∽–∽–∽–∽–∽•╮*

                            

*·•●✿ Rishta Tey Karne Mein Deendaari Ka Khayaal Rakhein*

*◆ Aaj log jab rishte ka intikhaab karte hain, to bahot saari cheezon ko dekhte hain, ilm wa fazal, maal wa daulat, mu'aashre mein maqaam wa martaba, ek doosre ka husn wa Jamaal aur na jaane kin kin cheezon par nazar daalte hain, magar Rasulullah ﷺ ne rishte ke intikhaab ke silsile mein asal me'yaar deendaari ko bataaya hai.*

*◆ Hadees mein Aap ﷺne naseehat karte huwe farmaaya: Aurton se 4 wujoohaat ki bina par shaadi ki jaati hai, ek us ki daulat ko dekh kar, doosra us ke khaandaan ko dekh kar, teesra us ke husn wa jamaal ko dekh kar aur chautha us ke deen ko dekh kar. Pas tum deendaar aurat ke saath shaadi kar ke kaamyaab ho jaao*

*(📓Abu Daaood: 2047)*

*◆ Lihaaza rishta karte waqt sab se pehle dekhna chaahiye ke jis se rishta kiya ja raha hai woh deendaar hai ke nahein, agar woh deendaar hai to us se nikaah kar Lena chaahiye*

 

    *NEXT PART  (13) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(13)*     

   *╰•∽––∽–∽–∽–∽–∽–∽–∽•╮*

                            

*·•●✿ Nikaah Mein Fuzool Kharchi Se Bacho*

*◆ Aaj har khushi ke mauqe par fuzool kharchi karne ka aam riwaaj ban chuka hai aur shaadi ke mauqe par to be tahaasha maal kharch karte hain, daawate waleema karna beshak masnoon hai, magar us mein fuzool kharchi karna bilkul galat hai, ham log apne gharon ki sajaawat mein itna maal zaaye kar dete hain ke jis ko agar achchhi jagah istemaal kiya jaaye, to deen ka bahot bada kaam ho sakta hai. magar log is ko nahein samajhte. Beja sajaawat mein maal sarf karna na sirf fuzool kharchi hai, balke Allah ke diye huwe maal wa daulat ki na qadri bhi hai, Allah Ta'ala ne Qur'an-e-Kareem mein 22 jaghon par mukhtalif andaaz mein fuzool kharchi se bachne ki hidaayat di hai Ek jagah irshaad hai: Apne maal ko behuda kaamon mein na udaao, yaqeen jaano ke jo log behuda kaamon mein maal udaate hain, woh shaitaan ke bhai hain aur shaitaan apne parwardigaar ka bada na shukra hai*

*(📓Sura-e-Isra: 26, 27)*

*◆ Neez qayaamat ke din har shakhs ko hisaab dena padega ke Allah ne us ko jo daulat ata ki Thi, us ko kahaan sarf kiya*

*◆ Rasoolullah Sallallahu Alaihi Wasallam Ne Farmaya Qayaamat ke din insaan ke qadam apne rab ke saamne se us waqt tak nahein hat sakeinge, jab tak ke us se paanch sawaal na karliye jaayein. Us ki umar ke baare mein ke us ko kahaan khatm kiya, us ki jawaani ke baare mein ke us ko kahaan ganwaaya, maal kahaan se kamaaya aur kahaan kharch kiya aur apne ilm par kitna amal kiya*

*📓Tirmizi: 2416*

*Huzoor ﷺ ne irshaad farmaaya: Bila shuba sab se ba barkat nikaah woh hai jis mein kharch kam se kam ho*

*(📓Musnade Ahmed: 24529)*

*Lihaaza ham gaur karein ke jab Allah us din ham se hamaari daulat ke baare mein sawaal kareiga, to ham kya jawaab deinge'* 

 

    *NEXT PART  (14) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(14)*     

   *╰•∽––∽–∽–∽–∽–∽–∽–∽•╮*

                            

*·•●✿ Nikah Mein Sabse Batareen Rasam Jahez ka Lein Dein hain*

*◆ Nikaah mein sab se badtareen rasm jahez ka len den hai, ulama ne likha hai ke nikaah ke mauqa par ladke ya ladki waale ki taraf se maher ke alaawa kisi aur cheez ka mutaalba karna aur us ka lena dena rishwat hai aur rishwat shareeat mein haraam hai*

*(📓Shaami: 2/503, Baabul maher)*

*◆ Jahez hi woh laanat hai jis ki wajah se aaj hamaare mu'aashre mein ladkiyon ko ek bojh samjha jaane laga hai, jahez ka saamaan na hone ki bina par gareeb bachchiyon ki shaadi nahein ho pa rahi hai aur woh sisak kar zindagi guzaar rahi hain, ladke waale sirf ummeed hi nahein rakhte balke poochte bhi hai ke jahez kitna milega? Warna ham rishta nahein kareinge aur jahez mein gaadi, palang, fridge aur furniture wagaira ka mutaalba karte hain. Isi mu'aasharati bigaad ka nateeja hai ke gareeb waalidain ke liye bachchiyon ka nikaah karna wabaale jaan ban gaya hai, phir us ki wajah se mu'aashre mein jo bigaad paida huwa hai aur ho raha hai, un se ham sab waaqif hain. Baharhaal aaj zaroorat hai ke jahez ke is riwaaj ko balke shaadi ke tamaam rasm wa riwaaj ko khatm karne ke liye ham sabhi Log aage aayein aur poori quwwat se unhein khatm karein aur shaadi ke islaami tareeqe ko riwaaj dein, jis mein har shakhs ke liye aasaani hi aasaani hai*

 

    *NEXT PART  (15) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

 💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(15)*     

   *╰•∽––∽–∽–∽–∽–∽–∽–∽•╮*

                            

*·•●✿ Waleeme Ki Dawat Sunnat Hain*

*◆ Kisi insaan ko munaasib rishta mil jaana aur nikaah ka ho Jaana; yaqeenan Allah Ta'ala ki ek badi ne'mat aur khushi ki baat hai, is liye is ne'mat par Allah ka shukr aur apni khushi ka izhaar hona chaahiye, isi maqsad se waleema ko sunnat qaraar diya gaya hai. Hazrat Anas (Raz) bayaan karte hain Nabi-e-Kareem ﷺ ne Hazrat Abdul Rahman bin Auf (Raz) (ke jism ya kapde) par (zaafraan ka) zard nishaan dekha, to un se poochha ke yeh kya hai? unhon ne kaha ke main ne ek aurat se shaadi kar Ii hai aur khajoor ki ek guthli ke wazan ke baraabar sona us ka maher muqarrar kiya hai. Aap ﷺ ne farmaaya: Allah tumhein mubaarak kare, waleema ki daawat karo, agarche ek bakri hi zabah karke sahi!. Daawate waleema mein sirf maaldaar logon ko hi bulaana aur un hi ko daawat dena bahot bura hai, balke is daawat mein gareeb logon ko bhi shareek karna chaahiye*

*◆ Hazrat Abu Huraira (Raz) se riwaayat hai ke Rasoolullah ﷺ ne farmaaya: Us waleema ka khaana bahot bura hai jis mein sirf ameeron ko bulaaya jaaye aur zarooratmand gareebon ko chhod diya jaye*

 *(📓Bukhari: 5177)* 

    *NEXT PART  (16) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(16)*     

   *╰•∽––∽–∽–∽–∽–∽–∽–∽•╮*

                            

*·•●✿ Maher Biwi Ka Haq Hai Jis Ko Khush'Dili Se Adaa karna Allah Ka Hukum Hai*

*◆ Islaam mein shohar ke zimme biwi ke kayi huqooq waajib kiye hain, jin mein se ek bada haq maher ada karna bhi hai Qur'aan mein Allah Ta'ala farmaata hai: Aur aurton ko un ke maher khushi se diya karo*

*(📓Sura-e-Nisa: 4)*

*Aur Ek Hadees mein..!*

*◆ Hazrat Aaisha (RA) farmaati hain ke mujhe Rasulullah ﷺ ne hidaayat di thi ke main aisi aurat ko us ke shohar ke hawaale na karoon ke jise apne maher mein se kuch bhi na mila ho.* *Mo'jame Sageer: 108*

*◆ Is ke alaawa aur bhi kayi Aahaadees hain, jin mein Nabi-e-Kareem ﷺ ne maher ada karne ki taakeed farmaayi hai; lihaaza jin shoharon ne abhi tak apni biwiyon ko maher ada nahein kiya hai, woh jald se jald use ada karne ki koshish karein, aur maher ke silsile mein buri niyyat se bachein kyun ke ek Hadees mein*

*◆ Rasulullah ﷺ ne irshaad farmaaya: Jis shakhs ne kisi aurat se nikaah kiya, maher bhi mut'ayyan kiya lekin dil mein ada karne ki niyyat nahein hai to woh zaani hai*

*(📓Sunan-e-Kubra Baihaqi: 14782, Abu Huraira (RA)*

*◆ Is Hadees mein kitni sakht waeed bayaan ki gayi hai, is liye maher ke silsile mein hamaari niyyat saaf suthri honi chaahiye, aur Allah ka hukm samjh kar use ada karna chaahiye*

 

    *NEXT PART  (17) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(17)*     

   *╰•∽––∽–∽–∽–∽–∽–∽–∽•╮*

                            

*·•●✿ Shohar ka Biwi Par kitna haq hai, is ka andaaza Huzoor ﷺ ke is irshaad se Lagaaya ja sakta hai ke*

*◆  Aap ﷺ ne farmaaya: Agar main kisi ko kisi Makhlooq ke Liye Sajde ka Hukum karta, To Aurat ko Hukum Deta ke Woh Apne Shohar ko sajda Karein*

*(📓Tirmizi: 1159)*

*◆ Insaan sajda usi ko karta hai jo Bada azeemushshaan Aur buzrug wa bartar hota hai, Allah ke alaawa kisi ko sajda karna choonke naajaaiz aur haraam hai, isi liye Aap ﷺ ne biwiyon ko sajde ka hukm to nahein diya, magar Aap ﷺ ka yeh andaaz saaf bata raha hai ke aurat par kisi ke nikaah mein aa jaane aur us ki biwi ban jaane ki wajah se Allah ke baad sab se bada haq us ke shohar ka ho jaata hai, use chaahiye ke us ki farmaanbardaari mein koi kami na kare. Kisi ke haq ko bayaan karne ke liye is se ziyaada muassir aur koi andaaz nahein ho sakta, jo is Hadees mein Rasulullah ﷺ ne shoharon ke huqooq bayaan karne ke liye ikhtiyaar kiya hai*

    *NEXT PART  (18) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

               

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(18)*     

   *╰•∽––∽–∽–∽–∽–∽–∽–∽•╮*

                            

*·•●✿ Bachche Ki Paidaaish Ke Waqt Kaan Mein Azaan Wa Iqaamat Kehna Sunnat Hai*

*◆ Aulaad chaahe Ladka ho ya Ladki Allah ki ek azeem ne'mat aur bahot qeemti tohfa hai, is par Allah ka shukr ada karna chaahiye, lihaaza jab kisi ke yahaan bachcheki paidaaish ho, to us ko chaahiye ke bachche ke daayein kaan mein azaan aur baayein kaan mein iqaamat kahe. Chunaanche*

*Hazrat Hasan (RA) jab paida huwe, to Allah ke Nabi ﷺ ne un ke daayein kaan mein azaan aur baayein kaan mein iqaamat kahi thi*

 *(📓Sho'bulimaan: 8620)*

*Ek doosri Hadees mein...*

*◆ Rasoolullah Sallallahu Alaihi Wasallam Ne Farmaya Jis ke yahaan bachche ki paidaaish ho, to woh bachche ke daayein kaan mein azaan aur baayein kaan mein iqaamat kahe, (aisa karne se) bachcha ummus sibyaan naami bimaari se mehfooz ho jaata hai.*

*(📓Sho'bulimaan : 8619)*

*Ummus'sibyaan bachchon ki ek qism ki bimaari hai, jo mirgi ki tarah hoti hai* 

 

    *NEXT PART  (19) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

 💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(19)*     

   *╰•∽––∽–∽–∽–∽–∽–∽–∽•╮*

                            

*·•●✿ Bachche Ki Taraf Se Aqeeqa Karna Sunnat Hai*

*◆ Allah ke Rasool Sallallahu Alaihi Wasallam Ne Farmaya Har bachcha apne Aqeeqa ke ewaz rahan hai (yaani aafaton se us ki salaamati aqeeqa karne par mouqqoof hai, lihaaza paidaaish ke) saatwein din us ki taraf se jaanwar zabah kiya jaye, usi roz us ka naam rakha jaye aur us ka sar moonda jaye Abu Dawud: 2838*

*Hazrat Ali (Raz) farmaate hain ke Nabi-e-kareem (ﷺ) ne Hasan (Raz) ki taraf se aqeeqa mein ek bakri zabah ki aur farmaaya: Aye Faatma! is ke baal utarwaa do aur baalon ka wazan karke utni hi chaandi khairaat kardo. Hazrat Ali (Raz) kahte hain ke main ne un baalon ko wazan kiya to ek dirham ya us se kuch kam ke baraabar huwe us ke baraabar chaandi sadqa kar di gayi*

*(📓Tirmizi: 1519)*

*Aqeeqa karne se bachcha balaaon aur aafaton se mehfooz ho jaata hai, Aqeeqe ka gosht rishtedaaron, padosiyon aur gareebon mein taqseem karne se un sab ki duaayein bachche ko milti hain, un ke dilon mein bachche ke liye mohabbat paida hoti hai, ek doosre se raabta hota hai, bhaichaargi ka paighaam milta hai; lihaaza ham Logon ko bhi apne bachchon ka aqeeqa karna chaahiye*

 

    *NEXT PART  (20) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(20)*     

   *╰•∽––∽–∽–∽–∽–∽–∽–∽•╮*

                            

*·•●✿ Har Ladki Ko Sasuraal Mein Rehne Ka Tareeqa Seekhna Chaahiye*

*◆ Ladki jab baalig ho jaati hai, To us Ki maa baap us ki shaadi ki fikr karte hain aur achchha gharaana aur daamaad talaash kar ke us ki shaadi kar dete hain. Jis ghar mein woh dulhan ban kar jaati hai, use sasuraal kaha jaata hai, ab yahi ladki ka ghar hai, yahin use zindagi guzaarna hai, is liye har ladki ko sasuraal mein rehne sehne ka tareeqa aur saleeqa seekhna chaahiye. Qur'aan wa Hadees mein maa baap, bhai, bahen, khaala, maamu wagaira ke rishton ke saath saath sasuraali rishton; saas, sasur, devar, nand ka bhi zikr kiya gaya hai. Jis se hamein hidaayat milti hai ke jis tarah ham par apne maa baap ki izzat, ghar ke badon ka ehtiraam aur bachchon aur chhoton ke saath shafqat ka muaamla karna zaroori hai, isi tarah apne sasuraali rishtedaaron ke saath bhi adab wa ehtiraam aur muhabbat wa shafqat ka muaamla karna zaroori hai.*

*◆ Hadees-e-Paak mein Rasulullah ﷺ ne farmaaya: Jo hamaare chhoton par rahem na kare aur hamaare badon ki izzat na kare, woh ham mein se nahein hai* 

*(📓Tirmizi: 1919)* 

 

    *NEXT PART  (21) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(21)*     

   *╰•∽––∽–∽–∽–∽–∽–∽–∽•╮*

                            

*·•●✿ Nikaah Fitri Khawaahish Poori Karne Ka Aasaan Raasta Hai*

*◆ Islam Na To Jinsi Taskeen ke Liye mard wa aurat ke darmiyaan kisi bhi tarah ke na jaaiz wa haraam ta'alluq ki ijaazat deta hai aur na hi jinsi taskeen ke jazbe ko sire se mana karta hai, balke apni iffat wa paak-daamni ki hifaazat aur tawaalud wa tanaasul ke liye Islam insaan ko ek darmiyaani raah apnaane (yaani nikaah karne) ka hukm deta hai, taake us ki iffat wa ismat bhi mehfooz rahe aur naslon ka silsila bhi chalta rahe.*

*◆ Allah Ta'ala irshaad farmaate hain: Us ki (Allah ki qudrat ki) nishaaniyon mein se ek nishaani yeh bhi hai ke Us ne tumhaare liye tum hi mein se biwiyaan paida kiyen, taake tum un ke paas jaakar sukoon haasil karo aur tumhaare darmiyaan muhabbat aur rahmat paida kardi* 

*(📓Sura-e-Room: 21)*

 

    *NEXT PART  (22) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(22)*     

   *╰•∽––∽–∽–∽–∽–∽–∽–∽•╮*

                            

*·•●✿ Shaadi ke Mauqe Par Chhuhaare Taqseem Karna Sunnat Hai*

*◆ Nikaah ek khushi ka mauqa hota hai, aise khushi ke mauqe par Islam ne jaaiz hudood me rehte huwe khushi ka izhaar karne ki ijaazat di hai, nikaah ke baad chhuhaare taqseem karna sunnat hai, chunaanche*

*◆ Hazrat Aaisha Raziyallahu Anha se riwaayat hai ke Rasulullah ﷺ ne apni baaz aurton se nikaah kiya to khajoor lutaayi thi* 

*(📓Sunane kubra baihaqi: 15079)*

*◆ Agar masjid ki be-adabi wagaira ka andesha ho to chhuhaare lutaane ke bajaaye taqseem karna behtar hai* 

 

    *NEXT PART  (23) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(23)*     

   *╰•∽––∽–∽–∽–∽–∽–∽–∽•╮*

                            

*·•●✿ Gaane Aur Music Sunne Se Zameen Mein Dhansne Aur Pattharon Ki Baarish Ke Azaab Mein Mubtala Ho Sakte Hain*

*◆ Aaj kal music aur gaana itna aam ho gaya hai ke koi mehfil aur khushi ka mauqa gaane aur music se khaali nahein hota, us ke bagair to saara maza pheeka samjha jaata hai. Shaadi biyaah mein bhi yahi haal hai, naach gaane aur music ke bagair shaadi ko na mukammal aur adhoora samjha jaata hai, haalaanke yahi cheez Allah ki naaraazgi aur gusse ka sabab hai. Ek hadees mein*

*◆ Rasoolullah ﷺ ne gunaah ke bahot se kaam zikr kiye aur us ki wajah se sakht tareen azaab ki waeed sunaayi, un me se kuch gunaah yeh bhi bataaye ke log apni biwi ki farmaanbardaari karein aur apni maa ki naafarmaani karein aur doston ko qareeb karein aur baap ko door karein, gaane waaliyaan aur gaane baaje aam ho jaayein, sharaabein pi jaayein to us waqt surkh aandhiyon, zalzalon, zameen mein dhansaaye jaane, shaklein bigaad diye jaane aur patthar barasne ka intizaar karo aur doosri nishaaniyon ka intizaar karo, jo is tarah pe darpe aayeingi, jaise koi haar kaat diya jaai aur us ke daane pe darpe girein.*

 *(📓Tirmizi: 2211)* 

    *NEXT PART  (24) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(24)*     

   *╰•∽––∽–∽–∽–∽–∽–∽–∽•╮*

                            

*·•●✿ Biwi Ke Saath Achchha Bartaao Karne Waala Sab Se Achchha Insaan Aur Kaamil Mo'min Hai.*

*◆ Insaan apne akhlaaq ki wajah se achchha ya bura hota hai, jin ke akhlaaq achchhe honge, woh shareef aur achchha insaan kehlaayega aur jin ke akhlaaq bure hoonge to woh bura aadmi kehlaayega, har aadmi ka apni biwi ke saath zindagi mein ziyaada waasta padta hai, is liye jab aadmi apni biwi ke saath achchha bartaao karta hai to yeh is baat ki daleel hai ke woh achchhe akhlaaq waala aadmi hai. Yahi wajah hai ke*

*◆ Aap ﷺ ne Farmaaya:* *Tum mein sab se behtareen woh log hain jo apni biwiyon ke saath achchha bartaao karte hain. (Tirmizi: 1162)*

*◆ Ek Hadees mein Rasulullah ﷺ ne Farmaaya:* *Musalmaanon mein sab se kaamil imaan waala woh hai, jis ke akhlaaq achchhe hoon aur biwi bachchon aur doosre ghar waalon ke saath lutf wa muhabbat ka muaamla karta ho* 

*(📓Tirmizi: 2612)*

    *NEXT PART  (25) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(25)*     

   *╰•∽––∽–∽–∽–∽–∽–∽–∽•╮*

                            

*·•●✿ Shohar Ko Biwi Ke Kaamon Mein Bhi Haath Bataana Chaahiye*

*◆ Shohar par biwi ke bade ehsaanaat hain, woh 9 maheene us ke bachche ko pet mein rakhti hai phir takleef ke saath us ke bachche ko janam deti hai aur phir paida hone ke baad us ke bachche ko doodh pilaati hai aur tarbiyat karti hai, ghar ke kaamon ko anjaam deti hai aur shohar ke maal wa asbaab ki nigraani karti hai, us ke alaawa aur bhi doosre kaam karti hai, lihaaza shohar ko us ke kaamon mein bhi haath bataana chaahiye, Hamaare Nabi ﷺ bhi ghar ke kaam kar liya karte the; Chunaanche*

*◆ Hazrat Urwa (RA) ne Ummul Mo'mineen Hazrat Aaisha (RA) se poocha ke jab Rasulullah ﷺ aap ke yahaan tashreef farma hote, to kya kaam karte the.? to Hazrat Aaisha (RA) ne jawaab diya ke Aap ﷺ apne kapde khud see lete aur apna joota durust kar lete the aur doosre woh tamaam kaam karte the, jo kaam doosre log apne gharon mein karte hain*

*(📓Musnade Ahmed: 24903)*

 

    *NEXT PART  (26) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(26)*     

   *╰•∽––∽–∽–∽–∽–∽–∽–∽•╮*

                            

*·•●✿ Shohar Ko Khush Rakhne Ka Badla Jannat Hai.*

*◆ Jis Hadees mein kisi khaas amal par jannat ki khush khabri di jaaye, to us ka matlab yeh hota hai ke yeh amal Allah ko mehboob hai, us ka sila jannat hai aur us ka karne wala jannati hai, chunaanche ek Hadees mein*

*◆ Hazrat Umme Salma (RA) se riwaayat ke Rasulullah ﷺ ne farmaaya: Jo aurat is haalat mein duniya se jaaye ke us ka shohar us se raazi aur khush ho to woh jannat mein jaayegi.*

*(📓Tirmizi: 1161)*

*Ek Dusri Riwaayat Mein*

*◆ Rasulullah ﷺ ne farmaaya: Aurat jab paancho waqt ki namaaz padhe, Ramzaan ke roze rakhe, apni izzat wa aabru ki hifaazat kare aur shohar ki farmaanbardaar rahe, to phir (use haq hai ke) woh jannat ke jis darwaaze se chaahe, daakhil ho jaye.*

*(📓Hilyatul auliya li Abu Nuaim: 1104)*

*◆ Is Hadees mein khaas taur se yeh baat yaad rakhne ke qaabil hai ke is mein biwi ke liye shohar ki itaa'at ko namaaz, roza aur zina se hifaazat ke saath zikr kiya gaya hai, is mein is baat ki taraf ishaara hai ke shari'at ki nigaah mein jis tarah in arkaan wa faraaiz ko ada karna ahem hai, aise hi shohar ki farmaanbardaari karna aur us ke saath achchhe akhlaaq se pesh aana bhi ahem hai*

 

    *NEXT PART  (27) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(27)*     

   *╰•∽––∽–∽–∽–∽–∽–∽–∽•╮*

                            

*·•●✿ Bachchon Ki Deeni Wa Akhlaaqi Tarbiyat karna; Waalidain Ki Sab Se Badi Zimmedaari Hai*

*◆ lslaam ne maa baap par bachchon ke ta'alluq se jo zimmedaariyaan daali hain, un mein sab se badi zimmedaari yeh hai ke un ki deeni taaleem wa tarbiyat ki fikr karein, yeh bahot hi ahem zimmedaari hai, jis mein zara si gaflat bachche ke mustaqbil ke liye bade khatre ki baat ho sakti hai. Is baare mein waalidain ne agar bachche ki deeni taaleem wa tarbiyat mein gaflat ki aur us ke nateeje mein bachcha bad deen aur bad akhlaaq ho gaya, to waalidain is ke zimmedaar hai aur us ka gunah un hi ko hoga aur aakhirat mein is baare mein un se sawaal hoga. Lihaaza is silsile mein khaas fikr aur tawajjoh ki zaroorat hai, isi deeni taaleem wa tarbiyat ki ehmiyat ke peshe nazar*

*◆ Rasoolullah ﷺ ne farmaaya: Apne bachchon ko zabaan kholne ke baad sab se pehle kalima "Laa Ilaaha Illallaah" kahelwaao. (Sho'bul Imaan : 8649)*

*◆ Is Hadees se maaloom huwa ke sab se pehle bachchon ko tauheed yaani Allah Ta'ala ke ek hone ki taaleem dena zaroori hai phir aahista aahista Islaam ki doosri bunyaadi baatein sikhaayi jaayein, agar shuru hi se is tarah tarbiyat hogi, to bada hone ke baad un ki tarbiyat aur aasaan ho jaayegi.*

*◆ Hazrat Abdullah bin Abbas (Raz) kehte hain ke Huzoor ﷺ se Sahaaba-e-Kiraam (Raz) ne poochha ke ya Rasulullah! yeh to hamein maaloom hai ke aulaad par baap ke kya huqooq hain, magar khud baap par aulaad ke kya huqooq hain? Aap ne farmaaya: Un par haq yeh hai ke bachche ka achchha naam rakhe aur un ki achchhi tarbiyat kare. (Sho'bul Imaan: 8658)*

*◆ Aur ek riwaayat me hai ke jab woh baalig ho jaaye to us ki shaadi karaade, us ki shaadi nahi karaayi aur woh gunaah me mubtala ho gaya to us ka gunaah baap par hoga. (Sho'bul Imaan: 8666)*

*◆ Tirmizi shareef mein ek riwaayat hai: Rasulullah ﷺ ne farmaaya: kisi baap ne apni aulaad ko achchhe aadaab sikhaane se behtar koi tohfa nahein diya. (Tirmizi: 1952)*

*◆ Ibne Maaja mein ek Hadees hai: Hazrat Anas (RA) se riwaayat hai ke Rasulullah ﷺ ne farmaaya: Apni aulaad ka ikraam karo (yaani un ko amaanat samajh kar un ki qadr karo aur un ko bojh na samjho) aur un ko achchha adab seekhaao*

*(📓Ibne Maaja: 3671)* 

 

    *NEXT PART  (28) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(28)*     

   *╰•∽––∽–∽–∽–∽–∽–∽–∽•╮*

                            

*·•●✿ Saas Wa Khusr Ka Adab Wa Ehtiraam Karo*

*◆ Saas aur khusr ka adab har haal mein apne waalidain ki tarah karo, har waqt un ko khush rakhne ki koshish karo chaahe tum ko takleef ho ya raahat, un ki marzi ke khilaaf ek qadam bhi na chalo. Zubaan se koi aisa lafz mat nikaalo jis se un ko takleef ho. Jab un se koi baat karo, to aise alfaaz istemaal karo jo buzurgon ke liye istemaal kiye jaate hain, saas tum ko agar kisi muaamle mein tambih kare to khaamoshi se sun lo. Palat kar jawaab na do, agar koi kaam karne ke liye doosre se kahe to tum aage badh kar use anjaam de do. Khusr ko jab khitaab karna ho, to is tarah mukhaatab karo jaise apne buzurgon ko khitaab karti ho. Jahaan tak ho sake un ke aaraam wa raahat ki koshish karti raho, kisi zaroorat se baahar jaana ho, to apne shohar ya khusr ya saas se ijaazat le kar jaao, ijaazat dein to jaao, warna mat jaao. Shohar ko bhi chaahiye ke apne khusr wa saas ka adab wa ehtiraam kare, un ka khayaal rakhe aur un ko apne maa baap ki tarah samjhe*

    *NEXT PART  (29) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

   💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(29)*     

   *╰•∽––∽–∽–∽–∽–∽–∽–∽•╮*

                            

*·•●✿ Ghar Ke Kaam Khud Karein*

*◆ Rasoolullah ki nek biwiyaan aur paakiza betiyaan aur sahaabiyaat gharelu kaamon ko mukammal taur par anjaam dete thein aur apne shoharon ke gharon ki raani ban kar izzat ki zindagi guzaarte thein. Un ki zindagi tamaam Aurton ke Liye namoona hai, is liye har aurat ko un ki zindagiyon ka mut'aala karna chaahiye aur unki Raah par chalne waali khaandaan ki Badi, Boodhi Aurton se ghar chalaane ka fun seekhna chaahiye. Hazrat Faatima (RA) jo Rasoole khuda ﷺ ki pyaari beti aur jannat ki aurton ki sardaar hain. Hamesha ghar ke kaam kaaj apne haath se kartein aur kabhi ghar ki chaar deewaari ko unhon ne apne liye tang na samjha, na gharelu kaamon mein kabhi zillat mehsoos ki, mubaarak haathon se chakki peestein, mashak se paani bhar kar laatein, ghar mein jhaadu detain aur khaana tayyaar kartein, lihaaza aurtein apne ghar ke kaam anjaam dein* 

    *NEXT PART  (30) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(30)*     

   *╰•∽––∽–∽–∽–∽–∽–∽–∽•╮*

                            

*·•●✿ Nikaah A'lal Elaan Masjid Mein Karna Masnoon Hai, Aur 2 Gawaahon Ka Hona Waajib Hai.*

*◆ Nikaah se pehle behtar hai ke ladka aur ladki ya un ke ghar waale ek doosre ko dekh lein, taake is naye rishte par har ek ko itminaan rahe, nikaah chori chhupe nahein karna chaahiye, balke us ka elaan hona chaahiye, isi liye masjid mein nikaah karna sunnat hai, taake basti ya muhalle ke ziyaada se  ziyaada log is ko jaan jaayein*

*◆ Huzoor ﷺ ne farmaaya: Is nikaah ka elaan karo aur nikaah masjid mein karo. (Tirmizi: 1089)*

*◆ Nikaah se pehle khutba dena bhi masnoon hai, us ke baad ladka ya ladki 2 gawaahon ki maujoodgi mein nikaah ka ijaab wa qabool karlein. Isi tarah nikaah gawaahon ki maujoodgi mein hona zaroori hai, gawaahi ke liye chaahe 2 mard hoon ya 1 mard aur 2 aurtein.*

*◆ Rasulullah ﷺ ne farmaaya: Jo aurtein apna nikaah gawaah ke bagair (chori chhupe) kar lein woh zina karne waali hain.*

*(📓Tirmizi: 1103)* 

 

    *NEXT PART  (31) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(31)*     

   *╰•∽––∽–∽–∽–∽–∽–∽–∽•╮*                   

         

*·•●✿  Halki Phulki Cheezon Se Bhi Waleeme Daawat Ho Sakti Hai*

*◆ Waleeme ke liye zaroori nahein hai ke kisi badi daawat ka intizaam kiya jaye, balke mukhtasar aur halki phulki cheezon se bhi waleeme ki sunnat poori ho sakti hai, chunaanche*

*◆ Hazrat Anas Raziyallahu Anhu kahte hain ke Rasulullah ﷺ ne apni kisi biwi ke nikaah par aisa waleema nahein kiya jaisa ke Hazrat Zainab binte Jahash (Raziyallahu Anha) ke nikaah ke mauqe par kiya, poori ek bakri zabah karke waleema kiya*

*(Bukhari: 5168)*

*◆ Matlab yeh hai ke Aap ﷺ ne apni biwi Hazrat Zainab binte Jahash (Raziyallahu Anha) ke nikaah par ek poori bakri zabah kar ke nikaah kiya, magar doosri biwiyon ke nikaah par Aap ﷺ ne is se bhi mukhtasar aur halke taur par waleema kiya*

*Chunaanche riwaayaton mein aata hai ke baaz biwiyon ke nikaah par sirf 2 sair Jau mein waleema kar diya aur baaz ke nikaah par chand khajoorein aur kuch paneer aur makkhan par waleema kiya. Is se ham andaaza laga sakte hain ke waleema ki daawat sunnat to hai magar is daawat ka intizaam bhi bahot aasaan hai*

    *NEXT PART  (32) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(32)*     

   *╰•∽––∽–∽–∽–∽–∽–∽–∽•╮*                   

         

*·•●✿  Biwi Ki Achchhaiyon Ko Hamesha Apne Saamne Rakhna Chaahiye*

*◆ Hazrat Abu Huraira Raziyallahu Anhu se riwaayat hai ke Rasulullah ﷺ ne farmaaya: Aurat ko pasli se paida kiya gaya hai, aur woh tujh se kabhi seedhi nahi chal sakti; lihaaza agar tu us ke andar tedhaapan hote huwe us se faaida uthaana chaahta hai to uthaale aur agar tune use seedha karne ki koshish ki, to tu use tod dega aur us ka todna talaaq hai*

*(📓Muslim: 3643)*

*◆ Is Hadees se maaloom huwa ke aurat ki fitrat mein qudrati taur par tedhaapan hota hai, is liye kabhi us se koi kotaahi aur chook ho gayi to use nazarandaaz karna chaahiye aur us ko kosne ke bajaaye us ki achchhaiyon aur khoobiyon ko saamne rakh kar hansi khooshi zindagi guzaarni chahiye* 

    *NEXT PART  (33) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(33)*     

   *╰•∽––∽–∽–∽–∽–∽–∽–∽•╮*                   

         

*·•●✿  Biwi Ke Rishtedaaron Ke Saath Bhi Achchha Bartaao Karna Chaahiye*

*◆ Aurat ke maa baap, bhai bahan aur doosre rishtedaar; shohar ke bhi rishtedaar hote hain, lihaaza jis tarah se shohar par apne rishtedaaron ke saath achchha bartaao karna zaroori hai, isi tareeqe se biwi ke rishtedaaron ke saath bhi sila rahmi aur achchha muaamla karna shohar par zaroori hai*

*◆ Qur'aan mein Allah Ta'ala farmaate hain: Apne waalidain ke saath achchha sulook karo aur rishtedaaron ke saath bhi*

*(📓Sura-e-Nisa: 36)*

    *NEXT PART  (34) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(34)*     

   *╰•∽––∽–∽–∽–∽–∽–∽–∽•╮*                   

         

*·•●✿  Jaaiz Kaamon Mein Shohar Ki Farmaabardaari Karna Waajib Hai*

*◆ Biwi par sab se pehla haq shohar ka hai, is liye har jaayez kaam mein us ki itaa'at aur farmaabardaari karna zaroori hai. Qur'aan wa Hadees ne mukhtatif andaaz mein shohar ke is haq ko waazeh farmaaya hai, chunaanche*

*◆ Rasoolullah ﷺ ne farmaaya: Agar koi shohar apni biwi ko hukm de ke woh laal pahaad se kaale pahaad par aur kaale pahaad se laal pahaad par (patthar) muntaqil kare to biwi ko aisa karna chaahiye.*

*(📓Ibne Maaja: 1852)*

*◆Doosri Hadees mein Nabiye Kareem ﷺ ka irshaad hai: Aurat jab paanchon waqt ki namaaz padhe aur Ramzaan ke roze rakhe aur apni sharmgaah ki hifaazat kare aur apne shohar ki itaa'at kare, to woh jannat ke darwaazon mein se jis darwaaze se chaahe daakhil ho jaye.*

*(📓Majmauz zawaaid: 7635)* 

    *NEXT PART  (35) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(35)*     

   *╰•∽––∽–∽–∽–∽–∽–∽–∽•╮*                   

         

*·•●✿  Bachchon Ke Saamne Apna Amli Namoona Pesh Keejiye*

*◆ Bachche nafsiyaati taur par apne maa baap ke taur tareeqe, un ke akhlaaq wa aadaat aur un ke aamaal wa kirdaar se bahot kuch seekh sakte hain, woh agar nek kaam kareinge, to bachche nek kaam seekheinge aur agar woh bure kaam kareinge, to bachche buraai karna seekheinge. Misaal ke taur par ek jhoot hi ko le lijiye, ham agar jhoot boleinge, to hamaare bachche bhi jhoot bolna seekheinge. Aksar aisa hota hai ke ham bachche ko behlaane aur phuslaane ke liye apne qareeb bulaate hain aur mahaz jhoot bol kar us ko kuch dene ka ishaara karte hain, haalaanke kuch dene ka iraada nahein hota, yeh bhi jhoot hai, is se bachna chaahiye*

*◆ Hazrat Abdullah bin Aamir (Raz) kehte hain ke ek din Rasoolullah ﷺ hamaare ghar tashreef farma the, meri waalida ne mujhe bulaaya aur kaha: Yahaan aa mein tujhe ek cheez doongi. Aap ﷺ ne farmaaya: Tum use kya dena chaahti ho? Waalida ne kaha: Main us ko khajoor dena chaahti hoon. Aap ﷺ ne farmaaya: Agar tum us ko kuch na detein, to tumhaare aamaal naame mein ek jhoot likha jaata*

*(📓Abu Dawood: 4991)* 

    *NEXT PART  (36) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

   

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(36)*     

   *╰•∽––∽–∽–∽–∽–∽–∽–∽•╮*                   

         

*·•●✿  Bachchon Ke Akhlaaq Shuru Hi Se Durust Karne Ki Koshish Karein*

*◆ Akhlaaq insaan ka zewar hai, Islaam ne akhlaaq par bahot ziyaada zor diya hai Ek hadees mein Aap ﷺ ka irshaad hai: Imaan waalon mein sab se kaamil Imaan waala woh shakhs hai jis ke akhlaaq sab se achchhe hon Tirmizi: 1162*

*◆ Neez ek Hadees mein Aap ﷺ ne farmaaya: Baap apne bachche ko jo cheezein tohfe mein deta hai, un mein sab se afzal tohfa achchha adab seekha dena hai*

*(📓Tirmizi: 1952)*

*◆ Apne bachchon ki shuru hi se akhlaaqi tarbiyat karein, akhlaaq se mut'aalliq chhoti chhoti baatein un ko sikhaayein, misaal ke taur par kabhi gareebon ko kuch dena ho to kabhi kabhi bachchon ke haathon se dilwaayein, is se bachchon ke andar bhi gareebon ke ta'alluq se hamdardi paida hogi. Aur hamesha bure akhlaaq se unhein rokte rahein, is mein zarra baraabar kotaahi na karein, warna aage chal kar un ke akhlaaq ko durust karna bahot mushkil hoga* 

    *NEXT PART  (37) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(37)*     

   *╰•∽––∽–∽–∽–∽–∽–∽–∽•╮*                   

         

*·•●✿  Sasuraal Waalon Ke Saath Pyaar Wa Muhabbat Se Rahein*

*◆ Miyaan biwi ka rishta ek aisa rishta hai ke saari umar isi mein basar karna hai, agar donon ka dil mila huwa hai, to is se badh kar koi ne'mat nahein, is liye jahaan tak ho sake biwi apne shohar aur us ke ghar waalon ko khush rakhne ki koshish kare, jo kaam saas nandein karti hain*

*◆ Uske karne se sharm wa aar na kare balke woh kaam un se lekar khud kare, agar sasuraal mein koi baat naagawaar aur buri lage to maaike mein aakar chugli na kare, sasuraal ki zara zara si baat aakar maa se kehna buri baat hai, is se aapas mein ladaai jhagde hote hain, jab tak saas sasur zinda rahein,*

*◆ Unki khidmat aur farmaabardaari ko apna akhlaaqi farz aur us mein apni izzat samajhna chaahiye aur shohar ko us ke maa baap se alag karne ki koshish nahein karna chaahiye, chhoton ke saath shafqat aur muhabbat aur badon ke saath izzat wa ehtiraam ka muaamla karna chaahiye. Nand, devraani, jethaani ke saath apni behnon ki tarah bartaao karo.*

*◆ Chhoti ho to chhoti behnon ki tarah bartaao karo. Jaisa bartaao un ke saath karogi waisa hi bartaao woh tumhaare saath kareingi. Aapas mein ek doosre ki buraai na karo. Kisi mein koi aib ya buraai dekho to doosre se us ka zikr na karo. Kisi ki buraai us ke peeth peechhe karna geebat hai aur geebat bahot bada gunaah hai. Geebat hi se aapas mein ladaai jhagde hote hain ke ham galat thodi keh rahi hain! Us mein woh buraai maujood hai, yaad rakho!*

*◆ Geebat to naam hi isi ka hai ke kisi ki peeth peechhe us mein maujood buraai ka zikr kiya jaaye aur agar us mein buraai nahein hai aur phir ki jaaye to woh bohtaan hai aur yeh geebat se bhi bada gunah hai. Jo bachche bachchiyaan tumhaare khusar ki ya un ke qareebi rishtedaaron ki aulaad hoon, un ke saath nihaayat shafqat wa maherbaani se pesh aao. Jo tumhein padhna likhna aata ho woh un ko sikhaati raho, Is se bukhl na karo, Is se tumhaara dil bhi behlega aur un ko bhi padhna likhna aajaayega* 

    *NEXT PART  (38) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(38)*     

   *╰•∽––∽–∽–∽–∽–∽–∽–∽•╮*                   

         

*·•●✿  Sab Log Ek Doosre Ke Huqooq Ada Karne Ki Koshish Karein*

*◆ Islaam ne har shakhs par ek doosre ke kuch huqooq aur zimmedaariyaan rakhi hain, maslan: biwi par shohar ka haq hai, shohar par biwi ka haq hai, maan baap par aulaad ke huqooq hain, aulaad par waalidain ke huqooq hain wagaira. Har shakhs apne huqooq aur apni zimmedaariyon ko ada karne ki koshish kare, jab ham aisa karne lageinge, to phir ghar mein khud hi sukoon wa itminaan aur aaraam wa raahat ka maahaul banega*

*◆ Rasoolullah ﷺ ne farmaaya: Yaad rakho tum mein se har ek zimmedaar hai aur tum se apni zimmedaari ke baare mein poochha jaayega, pas logon ka haakim zimmedaar hai aur us se us ki zimmedaari ke baare mein sawaal kiya jaayega, aadmi apne ghar waalon ka zimmedaar hai, is se un ke baare mein sawaal kiya jaayega, aurat apne shohar ke ghar aur us ki aulaad ki zimmedaar hai aur us se us ki zimmedaari ke baare mein poochha jaayega. Gulaam apne aaqa ke maal ka zimmedaar hai aur us se us ke baare mein sawaal hoga. To yaad rakho, tum mein se har ek zimmedaar hai aur us se us ki zimmedaari ke baare mein poochha jaayega*

*(Muslim: 4723)* 

    *NEXT PART  (39) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(39)*     

   *╰•∽––∽–∽–∽–∽–∽–∽–∽•╮*                   

         

*·•●✿  Nikaah Roohaani Taraqqi Mein Rukaawat Nahein Balke Roohaani Taraqqi Ka Ek Zariya Hai*

*◆ Kuch mazhab waale yeh samajhte hain ke nikaah roohaani zindagi ki taraqqi mein zabardast rukaawat hai, is liye woh aurton se door reh kar zindagi guzaarte hain aur isi mein apni aakhirat ki kaamyaabi samajhte hain, islaam ne is khayaal ko bhi galat qaraar diya*

*◆ Bukhari shareef ki riwaayat hai ke ek martaba 3 sahaaba-e-kiraam Raziyallahu Anhum Huzoor ﷺ ki ibaadat ka haal maaloom karne Aap ﷺ ki azwaaje mutahharaat ke ghar tashreef laaye, jab un ko Aap ﷺ ki ibaadat ke mut'alliq bataaya gaya, to use un logon ne bahot kam samjha aur aapas mein kehne lage ke Huzoor ﷺ ke muqaable mein hamaari kya haisiyat hai? Aap ﷺ ke agle pichhle tamaam gunaah Allah ne maaf kar rakhe hain. Phir un mein se ek ne kaha ke main hamesha saari raat namaazein padhoonga. Doosre ne kaha main hamesha din mein roze rakha karoonga aur iftaar nahein karoonga. Teesre ne kaha: main aurton se alag rahoonga aur kabhi nikaah nahein karoonga, itne mein Huzoor ﷺ un ke paas tashreef le aaye (Aap ko poori baat bataayi gayi phir) Aap ﷺ ne un se poochha: Kya tum hi logon ne aisa aisa kaha hai? kaan khol kar sun lo Allah ki qasam! main tum sab logon se ziyaada Allah se darta hoon aur main tum sab logon se ziyaada parhezgaar hoon, (is ke bawajood) main roza bhi rakhta hoon aur iftaar bhi karta hoon, namaaz bhi padhta hoon aur sota bhi hoon aur nikaah bhi karta hoon. Suno! Jis ne mere raaste se hat kar zindagi guzaarne ka iraada kiya, woh ham mein se nahein* 

*(📓Bukhari: 5063)*

*◆ Is hadees se maaloom huwa ke nikaah taqwa wa parhezgaari, aakhirat ki kaamyaabi aur insaan ki roohaani taraqqi mein rukaawat nahein, balke woh bhi aala darje ki parhezgaari aur aakhirat ki kaamyaabi ka ek zariya hai*

    *NEXT PART  (40) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(40)*     

   *╰•∽––∽–∽–∽–∽–∽–∽–∽•╮*                   

         

*·•●✿  Maal Wa Daulat Ko Zaaye Aur Barbaad Karna Allah Ko Pasand Nahein Hai*

*◆ Insaan yeh samajhta hai ke maal wa daulat yeh mahaz us ki mehnat ka nateeja hai, isi liye shaadi biyaah aur doosri taqreebaat mein dil khol kar fuzool kharchi karta hai, lekin yaad rakhiye ke insaan ka yeh khayaal galat hai, maal wa daulat ka milna mahaz Allah ka fazl-o-karam hai, woh jis ko chaahta hai bharpoor maal wa daulat se nawaaz deta hai, goya yeh maal wa daulat Allah ki taraf se us ke paas amaanat hai, isi liye fuzool kaamon mein maal udaana Allah ki ne'mat ki naaqadri bhi hai aur fuzool kharchi bhi aur Allah ko fuzool kharchi sakht na pasand hai.*

*◆Qur'aan-e-Kareem mein Allah Ta'ala farmaate hain: Yaad rakho ke Allah fuzool kharchi karne waalon ko pasand nahein karta.*

*(Sura-e-A'raaf: 31)*

*◆ Rasoolullah ﷺ ne farmaaya: Allah Ta'ala ne tumhaare liye 3 cheezon ko naapasand kiya, qeel wa qaal (beja bahas wa mubaahasa) ko, maal zaaye karne ko, aur beja sawaalaat ko*

*(📓Bukhari: 1477)*

    *NEXT PART  (41) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(41)*     

   *╰•∽––∽–∽–∽–∽–∽–∽–∽•╮*                   

         

*·•●✿  Khade Hokar Khaana Peena Bahot Bura Hai, Khaana Baith Kar Khaana Sunnat Hai*

*◆ Aaj kal sab se ziyaada Naapasandeeda aur makrooh tareeqa yeh chal pada hai, jo Aksar shaadi biyaah ke mauqe par nazar aata hai ke khaane ke liye Buffet System rakha jaata hai, jis mein table wagaira par mukhtalif qism ke pakwaan saja diye jaate hain aur daawat mein aane waale log wahaan aakar khade khade balke chalte huwe khaate peete reahte hain aur isi ko fashion aur taraqqi ka zariya samajhte hain, isi tarah khade khade ya chalte huwe khaana darasal jaanwaron ka tareeqa tha, jis ko ab bahot se insaan bhi apna rahe hain, yeh saraasar Islaami tehzeeb ke khilaaf hai, is tareeqe ne to khaane peene ke baare mein shari'at ki jitni hidaayaat thein, sab ko kuchal kar rakh diya hai, Hadees mein khade khade khaane peene se bahot sakhti ke saath roka gaya hai.*

*◆ Hazrat Anas Raziyallahu Anhu bayaan karte hain ke Rasulullah ﷺ ne khade ho kar paani peene se mana kiya hai, is par Hazrat Anas Raziyallahu Anhu ke shaagird Hazrat Qataada ne poochha ke khade ho kar khaana kaisa hai? Hazrat Anas Raziyallahu Anhu ne jawaab diya: "ذَلِكَ أَشَرُّ وَأَقْبَثْ" yaani khade hokar khaana, khade hokar peene ke muqaable mein aur bhi ziyaada bura aur ganda amal hai.* *(MusLim: 5275)*

*◆ Neez Nabiye Kareem ﷺ ne farmaaya: Main is tarah khaata hoon jis tarah gulaam khaata hai aur is tareeqe se peeta hoon jis tarah gulaam peeta hai*

*(📓Kanzul Ummal: 40708)*

*◆ Aur zaahir hai ke gulaam apne maalik ke saamne aise tareeqa par khaata peeta hai ke jis mein takabbur aur badaai ki thodi si bhi jhalak nazar nahein aati balke tawaazo paayi jaati hai aur yeh baith kar khaane se hi haasil ho sakti hai, isi liye Rasulullah ﷺ baith kar khaana khaate the, lihaaza maaloom huwa ke sunnat tareeqe ke mutaabiq baith kar khaana khaana shareefon ki aadat hai. is liye hamein bhi sunnat ki ittiba karte huwe baith kar khaana chaahiye* 

    *NEXT PART  (42) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(42)*     

   *╰•∽––∽–∽–∽–∽–∽–∽–∽•╮*                   

         

*·•●✿ Shohar Par Biwi Ke Khaane, Rehne Aur Pahenne Ka Intizaam Karna Waajib Hai..*

*◆ Hazrat Jaabir Raziyallahu Anhu se riwaayat hai ke hajjatul wida ke mauqe par Nabiye Kareem ﷺ ne irshaad farmaaya: Tum par biwiyon ka rizq aur un ka libaas achchhe tareeqe par waajib hai* 

*(📓Muslim: 3009)*

*◆ Hadees mein rizq aur libaas se muraad khaane peene, pahenne oudhne aur rehne ka intizaam karna hai; lihaaza shohar ki zimmedaari hai ke apni haisiyat ko saamne rakh kar biwi ke liye khaane peene, pahenne wodhne aur rehne ka intizaam kare aur kuch jaib kharch bhi us ko de, taake woh use apni zaroorat ki cheezon mein kharch kar sake. Qur'aan mein Allah Ta'ala ne shoharon ko yeh hukm diya hai ke woh apni wus'at ke mutaabiq biwiyon par kharch karein, chunaanche*

*Qur'aan mein hai: Har wus'at rakhne waala apni wus'at ke mutaabiq kharch de*

*(Sura-e-Talaaq: 7)* 

    *NEXT PART  (43) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(43)*     

   *╰•∽––∽–∽–∽–∽–∽–∽–∽•╮*                   

         

*·•●✿ Biwi Ki Deeni Taaleem Ka Intizaam Karna Zaroori Hai...*

*◆ Aaj ke maahaul aur mu'aashre mein education aur dunyawi taaleem ka riwaaj aam hai, shahar ho ya dihaat; koi jagah is se khaali nahein, lekin deeni taaleem ka aksar wa beshtar ilaaqon mein naam wa nishaan nahein hai, biwi ke saath saalon balke poori zindagi guzar jaati hai, lekin shohar us ki deeni taaleem ki taraf tawajjoh nahein deta, lihaaza shohar ki zimmedaari hai ke us ki deeni taaleem ka nazm kare, chunaanche*

*◆ Allah ke Rasool ﷺ ne farmaaya: Teen log aise hain jin ko dohra sawaab milta hai, (un mein se) ek shakhs woh hai ke jis ke paas baandi ho aur woh use achchhe aadaab wa akhlaaq sikhaaye aur achchhi taaleem de phir use azaad karke us se nikaah kar le, to us ke liye do ajr hai.*

*(📓Bukhari: 97)*

*◆ Is Hadees se yeh maaloom huwa ke jab baandi ko taaleem dene par ajr wa sawaab hai, to biwi ko deeni taaleem dene par is se ziyaada sawaab milega, lihaaza ham apne apne gharon mein deeni taaLeem ka nazm karein*

    *NEXT PART  (44) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(44)*     

   *╰•∽––∽–∽–∽–∽–∽–∽–∽•╮*                   

         

*·•●✿  Shohar Ki Ijaazat Ke Bagair Ghar Se Baahar Na Jaana*

*◆  Shohar ka Aurat par ek haq yeh hai ke woh shohar ki ijaazat ke bagair aam haalaat mein ghar se baahar na nikle, is ke baare mein bhi Qur'aan, Hadees mein sakht taakeed waarid huwi hai; chunaanche*

*◆ Allah Ta'ala ka irshaad hai: Apne gharon mein thehri raha karo aur (gair mardon ko) banaao singhaar dikhaati na phiro jaisa ke pehle jaahiliyat mein dikhaaya jaata tha*

*(📓Sura-e-Ahzaab: 33)*

    *NEXT PART  (45) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

  

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(45)*     

   *╰•∽––∽–∽–∽–∽–∽–∽–∽•╮*                   

         

*·•●✿  Jab Shohar Apni Zaroorat Poori Karne Ke Liye Bulaaye, To Use Poora Kare*

*◆ Rasoolullah ﷺ ne farmaya: Agar kisi mard ne apni biwi ko apne bistar par bulaya lekin usne aane se inkaar kar diya aur mard us par gussa ho kar so gaya to subah tak farishte us aurat par laanat karte rahte hain*

*(📓Bukhari: 3237)*

*Isi tarah ek aur Hadees mein hai ke*

*◆ Rasoolullah ﷺ ne farmaya: Jab shohar (husband) apni biwi ko apney bistar ki taraf bulaye aur wo aaney se inkaar kar de to farishtey subah tak us par laanat bhejtey hain*

*(📓Bukhari: 5193)* 

    *NEXT PART  (46) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(46)*     

   *╰•∽––∽–∽–∽–∽–∽–∽–∽•╮*                   

         

*·•●✿  Ek Doosre Ki Galtiyon Ko Maaf Karne Ka Mizaaj Banaayein*

*◆ Ghar mein sukoon ka maahaul banaane ke liye zaroori hai ke ghar mein aakar kisi se kuch chhoti moti galti ho jaye, to us ko maaf kardiya karein aur sab ke saath akhlaaq se pesh aayein, apne akhlaaq ko jaanchne ka asal me'yaar ghar hi hai*

*◆ Rasulullah ﷺ ne farmaaya: Imaan waalon mein sab se kaamil Imaan waala woh shakhs hai jis ke akhlaaq sab se achchhe hon aur tum mein sab se achchhe log woh hain, jo apni biwiyon ke haq mein akhlaaq ke etibaar se sab se achchhe hoon*

*(📓Tirmizi: 1162)*

*◆ Baat baat par gussa hona, daraana, dhamkaana Islaami akhlaaq ke bhi khilaaf hai aur is se gharwaalon mein bhi bagaawat aur chid chidaapan paida ho jaata hai aur ghar ka saara sukoon barbaad ho jaata hai* 

    *NEXT PART  (47) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(47)*     

   *╰•∽––∽–∽–∽–∽–∽–∽–∽•╮*                   

         

*·•●✿  Maa Bachche Ko Baawazu Ho Kar Zikr Karte Huwe Doodh Pilaaye*

*◆ Bachche ko paidaaish ke baad sab se pehli zaroorat maa ke doodh ki hoti hai, maa ka doodh bachche ko pilaana sirf bachche ke liye hi nahein balke khud maa ke liye bhi intihaayi faaidamand hota hai, is se maa sihatmand rehti hai aur saath hi is se bachche ke saath unsiyat paida hoti hai, maa ko is haq ki adaaigi mein kotaahi nahein karna chaahiye, apni zimmedaari balke apna farz samajh kar bachchon ko doodh pilaayein.*

*◆ Doodh pilaate waqt maa ko chaahiye ke woh baawazu ho, bismillaah padh kar pilaaye, doodh pilaate waqt zabaan se Allah Ta'ala ka zikr jaari rakhe aur dil wa dimaag ko paakiza aur saaf rakhe kyun ke us ki zabaan se nikle huwe alfaaz aur us ke dili jazbaat bachche par zaroor asar andaaz hote hain. Haan agar maa bimaar ho ya bahot kamzor ho aur us ka doodh bachche ko nuqsaan karta ho, to kisi aisi nek aur deendaar aurat ka intikhaab kare jis ka doodh bachche ke jism ke liye mufeed ho* 

    *NEXT PART  (48) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(48)*     

   *╰•∽––∽–∽–∽–∽–∽–∽–∽•╮*                   

         

*·•●✿  Rasoolullah ﷺ Bachchon Ki Behtareen Tarbiyat Karte The*

*◆ Rasoolullah ﷺ ke paas jo bachche rehte the, Aap ﷺ un ki bahot achchhi tarbiyat kiya karte, un ko achchhe akhlaaq sikhaate, un ki chhoti chhoti baaton par nazar rakhte, aur jo baat bhi galat nazar aati, us ki islaah kiya karte the*

*◆ Hazrat Umar bin Abi Salma Huzoor ﷺ ki parwarish mein the, ek martaba yeh Aap ﷺ ke saath khaana kha rahe the, islaami tareeqa yeh hai ke khaana apne* *saamne se khaaya jaaye, magar yeh idhar udhar se kha rahe the, jab Aap ne un ko dekha to toka aur kaha: Aye ladke Allah ka naam lekar khaao, apne daayein haath se khaao aur apne saamne se khaao. Hazrat Umar bin Abu Salma kehte hain ke us ke baad se main isi tareeqe par khaana khaata raha* 

*(📓Bukhari: 5376)*

*◆ Lihaaza ham bhi apne bachchon ki behtareen tarbiyat karein* 

    *NEXT PART  (49) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(49)*     

   *╰•∽––∽–∽–∽–∽–∽–∽–∽•╮*                   

         

*·•●✿  Nikaah Mein Der Karne Ki Wajah Se Aulaad Gunaah Mein Mubtala Ho Gayi To Us Ka Gunaah Baap Par Hoga*

*◆ Jab aulaad shaadi ki umar ko pahonch jaayein, to jald az jald un ki shaadi kar deni chaahiye, agar shaadi mein taakheer ki wajah se aulaad galat raaste par chal padi, to us ka gunaah baap ko hoga*

*◆ Ek Hadees mein Rasoolullah ﷺ ne irshaad farmaaya: Jis shakhs ke paas koi aulaad ho, to chaahiye ke woh us ka achchha naam rakhe aur use adab sikhaaye aur jab woh baalig ho jaaye to us ka nikaah kar de, agar aulaad baalig ho gayi aur us ka nikaah na kiya, jis ki wajah se woh gunaah mein mubtala ho gayi to us ka gunaah baap hi par hoga*

*(📓Sho'bul imaan: 8666)*

*◆ Aaj jawaan ladke aur ladkiyon ki waqt par shaadi na hone ki wajah se mu'aashre mein tarah tarah ke gunaah aur badkaariyaan phail rahi hain, phir un ke gunaah aur badkaari mein mubtala hone ke baad maa baap un ko koste rehte hain, haalaanke aulaad ke gunaah mein mulawwis hone ke zimmedaar khud maa baap hi hain. Lihaaza har maa baap apne naujawaan bachchon ka nikaah jald az jald kara dein* 

    *NEXT PART  (50) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(50)*     

   *╰•∽––∽–∽–∽–∽–∽–∽–∽•╮*                   

         

*·•●✿  Kuch Khaana Aur Kuch Phenk Dena Bhi Fuzool Kharchi Hai*

*◆ Khaana Allah ki taraf se ek qeemti ne'mat hai aur is qeemti ne'mat ki qadar karna bahot zaroori hai, beshumaar mauqo par fuzool kharchi hoti hai aur un mein sab se ziyaada afsoosnaak fuzool kharchi khaane ke silsile mein hoti hai, ham shaadi biyaah, kisi party ya deegar mauqo par khaana khaane jaate hain, to kuch khaate hain aur kuch yun hi zaaye kar dete hain aur us ko ham naye daur ka fashion samajhte hain, jab ke dunya mein laakhon log do niwaalon ke liye bhi taraste hain, is se bachne ki sakht zaroorat hai*.

*◆ Allah Ta'ala farmaate hain: Khaao aur piyo, aur fuzool kharchi mat karo, yaad rakho ke Allah fuzool kharch logon ko pasand nahein karta.* *(Sura-e-Aaraaf: 31)*

*◆Rasoolullah ﷺ ne farmaaya: Jab tum mein se kisi ka luqma gir jaaye, to use saaf karke kha le aur us ko shaitaan ke liye na chhode*

*(Muslim: 5303)*

*◆Hazrat Umar Farooq Raziyallahu Anhu kehte hain ke khoob pet bhar kar khaane peene se bacho, kyun ke is se sihat barbaad hoti hai, bimaari paida hoti hai aur namaaz mein susti paida hoti hai. Thoda kam khaao piyo, is se sihat bahot achchhi rehti hai aur israaf aur fuzool kharchi se bhi koson door raho*

*(📓Al darul Mansoor: 3/445)*

    *NEXT PART  (51) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(51)*     

   *╰•∽––∽–∽–∽–∽–∽–∽–∽•╮*                   

         

*·•●✿  Apne Kaarobaar, Office Ya Kisi Bhi Zaroorat Se Baahar Jaana Ho To Waapas Aane Par Sab Se Muskuraate Huwe Chehre Ke Saath Milein*

*◆ Islaam ki ek Ahem taaleem yeh hai ke jab bhi kisi se mulaaqaat ho to us se muskuraate huwe milein aur sab ko salaam karein, ghar pahonchne par sab ko salaam karne se ghar mein barkat hoti hai.*

*◆ Rasoolullah ﷺ ne Hazrat Anas Raziyallahu Anhu ko naseehat karte huwe farmaaya: Beta! Jab tum apne ghar waalon ke paas jaao to salaam karo, yeh tumhaare liye barkat ka sabab hai aur tumhaare ghar waalon ke liye bhi.*

*(Tirmizi: 2698)*

*Ek Hadees mein Aap ﷺ ne farmaaya: Har bhalaayi sadqa hai, aur bhalaayi hi mein se hai ke tum apne bhai se muskuraate chehre ke saath mulaaqaat kare.* 

*(📓Tirmizi: 1970)*

*◆Dar asal is tarah ghar mein daakhil hone se saari badgumaaniyaan door ho jaayeingi aur aap ki muskuraahat se sab ka dil khush hoga.*

    *NEXT PART  (52) In'Sha ALLAH*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂

💐💐💐

   *BISMILLAHIRRAHMANIRRAHEEM*

     *❉ ╤╤╤╤╤╤╤╤ ✿ ╤╤╤╤╤╤╤╤ ❉*

     

             *🌹TOHFA E NIKAH 🌹*

   *╭•∽–∽–∽–∽–∽–∽–∽–∽–∽•╮*

                  *PART NO_(52)*     

   *╰•∽––∽–∽–∽–∽–∽–∽–∽•╮*                   

         

*·•●✿  Apne Ghar Waalon Ke Saath Kuch Na Kuch Waqt Zaroor Guzaarein*

*◆ Aaj kal is masroofiyat waala daur main aksar aisa hota hai ke aksar o bashtar log din bhar ghar se baahar rahta hain aur der raat waapas aate hain aur so jaate hain, yah tareeqa theek nahein hai, is se zindagi pheeki pad jaati hai, shaam ko ghar jaldi lautein aur apne ghar waalon ke saath kuch waqt guzaarain aur biwi bachchon ki dildaari ka saamaan faraaham karain*

*◆ Hadees mein hai ke Rasoolullah ﷺ ka yeh maamool tha ke woh rozaana Asar ke baad apni har ek biwi ke ghar jaate aur un se mulaaqaat farmaate* 

*(📓Bukhari: 5268)*

    *Alhamdulillah Post Mukammal*

•─━━━━━══════━━━━━─•

    → *ƑOƦWΑƦD TO ALL GROUPS*

     ━═─────────────────═━

🫂🫂