💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (52)*
➖➖➖➖➖➖➖➖➖➖
*✿●•· Rukhsati ke liye baarat le kar jana aur ladki waalo ka khane ka intizaam karna*
*✦ Nikah aur rukhsati ka behtreen tareeqa ye hai ke masjid me nikah kiya jaaye, phir nikah ke baad ladki ko uske maharim ke zariye dulhe ke ghar pahuncha diya jaaye, Aur agar dulha aur uske ghar wale ja kar Dulhan Ko le aaye to ye bhi Jaaiz hai, isi tarah agar khilafe shar'ee umoor se bachte hue ladke ke khandaan ke chand afraad ijtimayi surat me ladki ki rukhsati karwa kar le aaye, is ki bhi gunjaish hai,Basharat ye ke shar'ee sharait yani parde ka Ahtamaam ho ,ikhtilaat, musici wagera aur tamam rusumaat se bacha jaaye,ba waqte rukhsati sadgi ikhtiyaar karna behtar hai, aur khurafaat aur na jaaiz kamo se ijtinaab laazim hai, garz islami mijaaz ye hai ke jitni saadgi aur be takallufi se aadmi zimme dari se sabaq dosh ho ye zyada behtar aur qabil e sataish hai, isme mezbano ke liye bhi aasani hai, aur mehmano ki bhi rahat hai*
*Post Jari hai*
*(📗Fatawa mehmoodiyah 12/142)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (53) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (53)*
➖➖➖➖➖➖➖➖➖➖
*✿●•· Rukhsati ke liye barat ka le kar jana aur ladki walo ka khane ka intizaam karna*
*✦ Rukhsati ke liye ba Qayda barat ka le jana Rasoolullah ﷺ aur Ashabe Rasoolullah Rz se sabit nahi, aur mojuda zamane me to rukhsati ke liye bahoot sare umoor ko lazim samjha jata hai, Maslan ladki ki rukhsati ke liye ba Qayda barat ka Ahtamaam karna, kayi logo ko le jana aur ladki walo se khane ka intezaam wagera karwana, aur usme bahoot se mufsidaat paaye jaate hain, isliye murawwja tareeqe par khurafat Maslan musci, mard o zan ikhtilaat, aur kayi rusumaat ki adaygi ke sath barat ke ahtimaam se ijtinaab lazim hai*
*✦ Niz nikah ke moqe par ladki walo ki taraf se khane ka saboot kisi sahi hadis se to nahi is liye is tarah ki dawat karna walime ki tarah sunnat nahi hai, han agar koi namud o numaaish se bachte hue kisi Qism ka mutalba aur khandani dabau ke bagher apni khushi wa raza mandi se, apne aa'izza aur mehmano ko khana khilaye to ye mehmano ka Ikraam hai, aur is tarah ka khana khana barat walo ke liye Jaiz hai, aur agar ladki wale isko lazim samjhe aur uske Ahtamaam ke liye qarze liye jaate ho to aisi dawat karna jaiz nahi hoga*
*(📗Fatawa mehmoodiya 12/142)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (54) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (54)*
➖➖➖➖➖➖➖➖➖➖
*✿●•· Nikah ke moqe par masjid me chuware taqseem karna ya uchalna*
*✦ Wazeh rahe ke nikah ke moqe par agar baaham tanazo ka andesha na ho to chuware ya koi khushk mithayi taqseem karna ya unko lutana dono durust aur mubah hain, agar nikah ka aqd masjeed me ho to tarteeb se taqseem kar diya jaaye take ek mubah kaam se masjid ki be adabi ka gunah na ho, fiqhi ibarat se is amal ka mubah hona malum hota hai, jesa ke "la ba'as" lafaz is par dalalt karta hai, baqi Jin riwayat me aqd nikah me chuware lutane ka zikr hai, wo intihayi zaeef hai, us riwayaat se is amal ke sunnat hone par Aitadaal karna durust nahi hai, Imam bayhaqi Rehmatullah Alaihi farmate hain ke chuware lutane se Mutalliq jo riwayat manqul hai wo sab zaeef hain*
*(📓Fatawa Hindiya 5/345)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (55) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (55)*
➖➖➖➖➖➖➖➖➖➖
*✿●•· Hindu ki shadi me shirkat ka hukm*
*✦ Hindu ki shadi ki dawat ke moqe par agar puja, gana bajana aur deegar gunah na hon to khane ki dawat me shirkat karna mubah hai, lekin agar dawat ke moqe par koi gunah ho raha ho to dawat me shirkat Jaaiz nahi*
*Kifayatul mufti me hai*
*✦ Lekin ghair muslim ke har ijtime ka ye hukm nahi hai, unki shadi biyah ki taqreeb me shirkat mubah hai, isi tarah shadi biyah ki taqreeb me khana ya hadiya qubool karna mubah hai*
*( 📗Fatawa jamiya banuri town karachi 144107200710)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (56) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (56)*
➖➖➖➖➖➖➖➖➖➖
*✿●•· Nikah Padhane Ka Tareeqa*
*✦ Nikah Padhane Ka Tareeqa Ye Hai Ke Sabse Pahle Nikah Ke Mauqe Par Padha Jane Wala Khutba Padha Jaye Uske Baad Ladki Se Ijaab Karwane Ke Liye Kaha Jaye Ke maine Itni Miqdaar Maher Ke Iwaz Falani (Ladku Ka Naam) Binte Fulane (Ladki Ke Walid ka Naam)Ke Saath Apka Nikah Kara Diya hai. Kiya Apko Qubool hai? Phir Jab Ladka Kahde Ke "Qubool hai" To Nikah Khawa Ladki ki Taraf Se Muqarrarah Wakeel ki Wakalat Milne ki Tasdiq karne ke baad Usse kahe ke Maine Fulani binte Fula (Jisne apko Apne Nikah ka Wakil Banaya hai) ka Nikah itni Miqdaar e maher ke Iwaz fula ibne fula se kar diya hai Kiya aapko Qubool hai? Aur ladki khud Majlis me Mojud ho to Usse kahe ke Maine aapka Nikah itni Miqdaar e maher ke Iwaz Fula ibne fula se kar diya kiya apko Qubool hai? jaise hi ladka ya uska wakil "Qubool hai kahde" to Nikah Mun'aqid ho jayega*
*Post Jari hai*
*(📚 Darrul Mukhtar Ma'a Raddul Mukhtar 03/09)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (57) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (57)*
➖➖➖➖➖➖➖➖➖➖
*✿●•· NIKAH PADHNE KA TAREEQA*
*✦ Ayjab o qubool mein ye tarteeb lazim nahin hai,Pahle ladki ya uske wakeel se Ayjab aur ladke se ba'ad mein qubool bhi karwaya ja sakta hai,Neez nikah khwan ye bhi kar sakta hailadki ya uske wakeel se ikhtiyar le kar ladke se yun kahde ke "maine fulana bint fulan ka nikah aapke sath kar diya" Aur ladka kahe ke maine qubool kiya, isse bhi nikah mun'aqid hojayega, isi tarha agar ladka ya ladki donon hi apna ikhtiyar nikah khwan ko supurd kardein,Aur nikah khwan gawahon ke rubaru ek hi jumle mein yun kahde "maine fulana bint fulan ka nikah fulan bin fulan ke sath kar diya" to isse bhi nikah mun'aqid hojayega.*
*Faydah:nikah ka ek mukhtasar khutba agli post mein mulaheza hon*
*📚hawala:*
*▪️al Darul mukhtar ma'a raddul mukhtar 3/9*
*▪️fatwa jamia banoori town karachi 144111201126*
*(Post By Muhammad Ateeq)*
*Checked By Mohd: Shadab Nadvi*
*NEXT PART (58) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (58)*
➖➖➖➖➖➖➖➖➖➖
*✿●•· Munh Dikhai Par Diya Hua Saman Ya Haar, Maher Kehlayga ya Nahin?*
*✦ Ladki ko Munh dikhai ke Waqt Shohar ki Janib Se Ya iske sasural walon ki janib se khushi ke taur par kuch dena jayez hai, koi shar'ai qabahat nahin,bashart ye ke shar'ai hadood ka khayal rakha jaye aur iski haisiyat aam tohfa ki tarha hai, illa ye ke maher ki wazahat kardi jaye..*
*✦ Lehaza shohar ne munh dikhai ke waqt jo haar biwi ko diya who agar maher ada karne ke irade ya sarahat se diya to is se maher ada hogya; kyun ki aam taur par is mauqe par tohfe tahayef diye jate hain, maher maqsood na ho to u'rf ke a'itebar se ise tohfa gift samjha jayega.*
*📗Hawala*
*• Ad Darul mukhtar m'a darul muhtar kitab un nikah 3/153 sa'eed*
*• Fatwa jamia banoori town Karachi 144112200006*
*(Post By Muhammad Ateeq)*
*Checked By Mohd: Shadab Nadvi*
*NEXT PART (59) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (59)*
➖➖➖➖➖➖➖➖➖➖
*✿●•· Nikah ke Mun'aqid Hone ke liye Majlise Nikah Me Mojud Logo Me se Do ki Tayyun Ka Hukm*
*✦ Baaz Ilaqo me ye Tarteeb hai ke Nikah ke in'iqaad ke Waqt Khaas Logon me Se Do Aadmiyon ko Nikah ke Gawah Ke Taur Par Namzad karte Hain is Hawala se Masla ye hai ke Nikah ke Muqarrar hone ke liye aisa karna Zaruri nahi Balke Majlise Nikah me Maujud Log Jo Ijaz wa Qabool ko Sunle Khud ba Khud Nikah ke Gawah Ban Jayenge Han Do Gawahon Ki Tayyun e Aam Taur Se Nikah Name me Namo ke Andaraj Zarurat Padhne par Gawahi Dene ke liye Kiye jaate hain Aur aisa karna bhi Durust Hai*
*(📚 Fatawa Jamia Binnauri Town Karachi 144109201217)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (60) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (60)*
➖➖➖➖➖➖➖➖➖➖
*✿●•· Bacche Ki Paidaish Ke Kitne Arse Baad Humbistari karna Durust Hai?*
*✦ Bacche Ki Paidaish Ke Baad Jab Nifaas Ki Muddat Guzar Jaye Uske Baad Humbistari Ke Liye Sharee'at e mutahharah me koi Tahdeed Nahi iska Madar Biwi ki Tarbiyat aur Uski Bashashat par Hoga Jab Biwi Ki Tabiyat Is Qabil Ho Jaye Ke uske Saath Humbistari ki jaye. us Waqt Biwi se Humbistari karna Durust hoga Behtar hoga ke Is muamle me Tabiba se Raye li Jaye*
*faqat Wallahu Aalam*
*Faida Nifaas ke masail ke liye Bahshti zewarYa kisi aur kitab ka Mutala kiya jaye*
*(📓 Fatawa Jamia Binnauri Town Karachi 144108200249 )*
*(Post By Muhammad Ateeq)*
*Checked By Mohd: Shadab Nadvi*
*NEXT PART (61) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (61)*
➖➖➖➖➖➖➖➖➖➖
*✿●•· Do Biwiyon Ko Ek Saath Ikatthe Kar ke Humbistari karna?*
*Sharam o haya Islaam ka Buniyadi Aur Imtiazi Wasf hai. Iman o Haya ko Lazim Malzoom Qarar Diya Gaya hai. Agar Ek Uth Jaye To Dusri Ke Uth Jaane Ka Khatra hai Lihaza Do Biwiyon ke Saath ek Waqt Me Ikattha kar ke Humbistari karna Haya ke Khilaf Aur Makrooh E Tahreemi hai*
*✦ Neez, Aurat Ke Liye Bhi Dusri Aurat ka Satar Shadid Zarurat ke Baghair Dekhna Jaiz Nahi Hai. Lihaza Ek Biwi Dusri Biwi ka Satar Dekhe To Iski Qabahat Badh Jayegi Isliye Fuqaha e Ikraam Rahmatullahi Alaihim Ne Likha hai Ke Apne Biwi ke Saath Samjh Daar Bache ke Samne Ya Andhe Ya Sokan Ya Bandi ke Samne Jima karna mana aur Makrooh hai*
*(📓 Darrul Mukhtar Wa Hashiya Ibn E Aabideen 03/208_ Fatawa Jamia Binnauri Town Karachi 144111200293 )*
*(Post By Muhammad Ateeq)*
*Checked By Mohd: Shadab Nadvi*
*NEXT PART (62) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (62)*
➖➖➖➖➖➖➖➖➖➖
*✿●•· Biwi ka alag rihaish ka mutalba karna*
*✦ Alaihidah rihaish biwi ka haq hai, aur uska intizaam usulan shohar ke zimme hai, na ke sasural ke zimme, taham biwi ko mustaqil aur alag rihaish dene ke muamle me sharee'at ne shohar ki istita'at aur haisiyat ko malhooz rakha hai agar shohar zyada maal daar hai aur uski istita'at hai ke wo mustaqil toor par alahida ghar ka intezam kare biwi bhi shareef aur aala khandaan se talluq rakhti hai to biwi ko alag ghar ke mutalbe ka haq hoga, lekin shohar ki hesiyat ko madde nazar rakh kar darmiyane darje ke ghar ka intizaam karna hoga*
*✦ Aur agar shohar itni istita'at nahi rakhta hai ke mukammal taur par juda ghar se sake to ghar me se ek esa juda mustaqil kamra jiska bait ul khala, bawrchi khana alag ho, aur aurat ki zaruriyaat ko kafi ho jaaye, jisme wo apna maal o asbaab tala laga kar rakh sake, kisi aur ki usme dakhal andazi na ho, zimmedari ki adayegi ke liye kafi hai*
*(📓Durre mukhtaar ma'a Raddul mukhtaar 3/601)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (63) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (63)*
➖➖➖➖➖➖➖➖➖➖
*✿●•· Zina Ke Baad Nikah ka Hukm*
*✦ Nikah Se Pahle Ajnabi Ladki Se Baat Cheet Karna. Mulaqat Karna Jaiz Nahi Hai Aur Usse Humbistari karna(Zina Shadid Gunah hai) Agar Kisi Shakhs Se Ye sar Zad Ho To Sakht Gunah ka kaam kiya. Is par Khub Tauba Wa Isteghfaar Karni Chahiye Ta ham Zina ke baad usi Ladki se Zani Ya Ghair Zani ka Nikah Durust Hai. Phir Agar Zina ki Wajah Se Hamal Thahar Gaya Ho Aur Zani se hi Nikah hua To Humbistari Karna Halat e Hamal Mein bhi Durust Hai Aur Agar Ghair Zani Se Nikah hua To Jab Tak Baccha Paida Na Ho Us Waqt Tak Jima Aur Widayu Jima Na Jaiz hai*
*(📓 Darrul Mukhtar Ma'a Raddul Mukhtar 04/141 )*
*(Post By Muhammad Ateeq)*
*Checked By Mohd: Shadab Nadvi*
*NEXT PART (64) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (64)*
➖➖➖➖➖➖➖➖➖➖
*✿●•· Biwi Ka Waledin Se Mulaqat ka Haq Kitne Din Baad Hai?*
*✦ Shohar ke Liye Jaiz Nahi ke Wo Apne Biwi ko Apne Waldein Se Baat Cheet karne Ya Mulaqat se Mana Kare. Mulaqat karne Se Tafseel Ye hai ke Agar Waledein uske Paas Aa sakte hain To Mulaqat karke Chale Jaye Aur Agar Unke Liye Mumkin na Ho To Hafte me Ek baar Beti Unse milne Jaa sakti Hai. Lekin Aane Jane ka Kharcha Biwi Apne Shohar se Legi Waldein se Mutalba Karna jaiz Nahi. ta ham Lekin agar Wo Apni Raza wa Khushi se De To Iski Bhi Gunjaish hai. ta ham. Agar Wo Dusre Shaher Me Rahte ho Aur har Hafte aamad o Raft Mushkil ho ya Shohar Kharcha Bardasht Na kar sakta ho to Shohar ko ba Qaida Gunjaish munasib waqfe ke baad Mulaqat ke Liye bhejna Chahiye'*
*(📓 Fatawa Hindiya 11/415 )*
*(Post By Muhammad Ateeq)*
*Checked By Mohd: Shadab Nadvi*
*NEXT PART (65) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (65)*
➖➖➖➖➖➖➖➖➖➖
*✿●•· Jahaiz ki Shar'ee haisiyat*
*✦ Nikah insani fitrat ke ek zaruri taqaze ko jaiz tariqe se pura karne ka behtreen zariya hai, aur agar us jaiz tareeqe par rukawate aaid ki jaaye ya usko mushkil banaya jaaye to uska laazmi natija be rah rawi ki surat me namudaar hota hai, is liye ke jab koi shakhs apni fitri zarurat ko pura karne ke liye Jaaiz raaste band paayega to uske dil me na jaaiz rasto ki talab paida hogi, jo anjam e kaar muaashre ke bigad ka zariya banegi, hadis shareef me hai ke Rasoolullah ﷺ ne irshad farmaya "agar koi aisa shakhs tumhare paas rishte ka paigham bheje jis ki deen dari aur akhlaaq ko tum pasand karte ho to uska nikah kara do, agar aisa nahi karoge to zamin me bada fitna aur wasi fasad ho jaayega ( tirmizi)*
*(📓Fatawa Jamia Binnauri Town Karachi 144107200648)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (66) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (66)*
➖➖➖➖➖➖➖➖➖➖
*✿●•· Jahaiz ki Shar'ee haisiyat*
*✦ Islaam ne nikah ko jitna aasan banaya hai, mojuda muashrati dhanche ne use utna hi mushkil bana diya hai, nikah ke ba barkat bandhan par be shumar rusumaat, taqribaat, aur fuzul ikhrajaat ke aise bojh laad diye gaye hain, ke ek gareeb balke mutawassit aamdani wale shakhs ke liye bhi wo ek na qabile taskhir pahad ban kar reh gaya hai, aur usme aksar aur besh tar aisi rusumaat ma irtiqaab kiya jata hai jinka islaam se koi talluq nahi, balke wo hinduwaana rasmain hain, aur gair aqwam se mushabihat ki mumaniyat be shumar ahadis me warid hui hai, hadis e mubarka me hai, " sab se ba barkat nikah wo hai jis me sab se kam mashaqqat ( kam kharcha) ho*
*(📓Fatawa Jamia Binnauri Town karachi 144107200648)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (67) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (67)*
➖➖➖➖➖➖➖➖➖➖
*✿●•· Jahaiz ki Shar'ee haisiyat*
*✦ Jahaiz ke baare me ba'az log Ifraat o tafreet ke shikar hue hain, Jahaiz ke baare mein mu'tadil fatwa ye malum hota hai*
*✦(1) Agar waldain Baghair jabar o iqrah ke aur bagair namud o numaish ke apni haisiyat ke mutabiq ladki ko tohfa dete hain, to isme koi Harj nahi hai, aur ladki uski malik hogi*
*✦ (2) Agar Jahaiz ke naam par ladke walo ke mutalba karne par ya muashrati dabao ki wajha se mehaz rasam puri karne ke liye ladke walo ko saman dena pade, aur mazkurah saman dene me bacchi ke waldain ki raza mandi bhi na ho to aisi surat me ladke walo ke liye aisa Jahaiz lena na jaiz hai, aur agar aisa Jahaiz bacchi ke hawale kar bhi diya gaya to bacchi hi uski malik hogi,aur uski ijazat ke Baghair mazkurah Jahaiz ke saman ko ladke walo ke liye istemaal karna halal nahi hoga*
*✦(3) Ladke walo ki taraf se jehaiz dene ka dabau ya Jahaiz ka mutalba karna shr'an durst nahi hai*
*(📓Fatawa Jamia binnauri town karachi 144107200648)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (68) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (68)*
➖➖➖➖➖➖➖➖➖➖
*✿●•· Saal Ke Kisi Bhi Mahine Me Nikah kiya Ja Sakta hai?*
*✦ Sharee'at mutahharah Me Nikah ke Liye Koi Khas Waqt Ya kisi Khas Din Ki Qaid Nahi Hai Aur na Kisi mahine Ya Din Nikah karna mana hai. Balke Saal bhar Me Har Waqt Nikah Kiya Jaa Sakta hai. Lihaza Jo Log Safar Ke Mahine Me Nikah Ko Manhus Khayal Karte Hain Wo Ghalti Par Hain. is Tarah Ramzan ul Mubarak Me Bhi Din Aur Raat Kisi Bhi Waqt Nikah karna Jaiz Hai. Albatta Din Me Roze ki halat Me Izdiwaji Talluq Qayam Karna Jaiz Nahi*
*(📚 Fatawa Jamia Binnauri Town Karachi 144107200334)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (69) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (69)*
➖➖➖➖➖➖➖➖➖➖
*✿●•· Biwi Ka Naraz Ho Kar Kayi Saal Maike Me Baith Jaane Se Nikah Ka Hukm*
*✦ Shadi Ke Baad Shohar Biwi ke Naan O Nafqa aur Rihaish Ka BandoBast bhi kar Raha ho To Biwi ka Bila Wajah se Shohar se Naraz Ho kar Shohar se Dur Rahna aur Shohar ke Bulane ke Bawajood Na aana Sakht Gunah hai Hadees e Mubaraka me Aisi Aurat ke Bare Me Sakht Waeed aayi hai Aur Jo Aurat Shohar ki Farma Bardaari Aur Itaa'at kare Uski Badi Fazeelat Bayan ki Gayi hai. Taham Awam me jo Ye baat Mashhoor h ke Biwi ka Kayi Saal Alag Rahne se Nikah Khatam ho Jata h Aisi koi Baat Sharee'at Me Mazkoor nahi h Lihaza Jab tak Nikah khatm karne ke Asbaab meb se koi Sabab Mojud na hua ho to mahaz alag Rahne Aur maike me Kayi Saal Guzarne Se Nikah par Koi Asar Nahi Padta*
*(📚 Fatawa Jamia Binnauri Town Karachi 144107200192)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (70) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (70)*
➖➖➖➖➖➖➖➖➖➖
*✿●•· Nikah Se Pahle Ladki ko Ek Nazar Dekhne Ka Hukm*
*✦ Jab Kisi Jagah Nikah Karne ka Pukhta Irada Ho To Nikah Se Pahle Ladka Ladki ka Ek Dusre Ko Ek Martaba Baraye Ras Dekh Lena Behtar hai. Hadees Shareef Me Is Dekhne Ko Shadi Ke Baad Muhabbat Ka Sabab Bataya Gaya Hai. Lekin ye Dekhna Shar'an Zaroori Nahi Sirf Ghar Ki Khawateen Dekhle To Ye Bhi kafi hai. Wazeh Rahe ke Sirf Ek Nazar Dekhne ki Ijazat Hai Tanhayi Me Mulaqat Ya Bar bar Dekhne ka Mutalba karne Neez Dono Ki Baat Cheet Karwane Ki Shar'ee Ijazat Nahi Jin Zaruri umur Ke Hawala se Tasalli Matloob ho Wo Ghar ki Khawateen ke zariye Karli jaye*
*( 📚 Abu Dawood 2082_ Darrul Mukhtar Ma'a Raddul Mukhtar 06/370)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (71) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (71)*
➖➖➖➖➖➖➖➖➖➖
*✿●•· Dusri Shaadi karne ke Liye Biwi Ki Ijazat Lena*
*✦ ek Waqt Me Ek se zyada (Chaar Tak) Shadiyon ke Liye Shar'an Itni baat Zaruri hai ke shadi karne wala Tamam Biwiyon ke Jismani Wa mali Huqooq ada karne Aur unke Darmiyan wajib Huqooq me BaraBari Par Qudrat Rakhta ho Pahli Biwi ya kisi se Ijazat lena Ya use Ittala dena Shr'an Zaruri Nahi hai. Taham Behtar ye hai ke pahli Biwi ko Raza mand kar ke dusri shadi kare take Aainda zindagi me Sukoon Aur itminaan Mile Aur dusri Shaadi ka Maqsad Puri Tarah Hasil Ho (Quran e Kareem me Irshad e baari Ta'ala hai)*
*فانکحوا ما طاب لکم من النساء مثنی و ثلاث و رباع فان خفتم الا تعدلوا فواحدة*
*✦ Tarjuma: Tum Nikah Karo Un Aurton Se Jo Tumhe Pasand Ho Do Do Teen Teen Aur Chaar Chaar Phir Agar Tumhe Andesha Ho ke Barabri Nahi Kar Sakoge To Ek hi Aurat Par Iktafa karo*
*(📚 Surah An Nissa 03_ Fatawa Jamia Binnauri Town Karachi 1441062200686)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (72) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (72)*
➖➖➖➖➖➖➖➖➖➖
*✿●•· Halale Ki Niyat Se Nikah Karne Ka Hukm*
*Halale Ki Niyat Se Nikah Karne Ki Do Surtein Bayan Ki Gayi Hain*
*✦ (1) Jo Nikah Halale Ki Shart Ke Saath Kiya Jaye. Agar Nikah Mein Is Baat Ka Taslzkiraa Kiya Jaye Ke Humbistari Ke Baad Shohar Talaq Dega Ya Zawjain Ko Ya Ya Teesre Shakhs Ko Ilm Ho ke Aisa Kiya Jayega To Aisa Nikah Hadees ke Ru Se Mahboob Lanat hai. Taham Iske Bawajood Agar Nikah Kar Liya Gaya To Halale Ki Shart ki tahqeeq ke baad Aurat Pahle Shohar ke Liye Halal Ho Jayegi.*
*✦ (2) Agar Baghair Kisi Shart Ke Mahaz Halale Ki Niyat Se Nikah kiya. Yani Zawjain Ko Aapas Me Ek Dusre Ki Niyat ka Ilm Na hua Aur Nahi Kisi Teesre Shakhs Ko Ilm ho. Balke Kisi Musalman ke Ghar ko Aabad Karne Ki Niyat Se Nikah kiya To Ye Nikah Bila karahat Jaiz hai.*
*(📚 Darrul Mukhtar Ma'a Raddul Mukhtar 05/47_ Ahsanul Fatawa 05/154)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (73) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (73)*
➖➖➖➖➖➖➖➖➖➖
*✿●•· Nikah misyaar/ aarzi nikah ka hukm*
*✦ Sharee'at me nikah ke maqasid darj zail hain*
*1. Imaan ki hifazat aur gunaho se bachau*
*2. Khush gawar Izdiwaji zindagi*
*3.khandani Nizam ki hifazat*
*4. awlaad ka husool*
*5. Acche mahol me baccho ki tarbiyat aur accha mahol usi waqt mil sakta hai jab baccho ko Maa'n aur baap dono ki tawajjo aur muhabbat hasil ho*
*✦ Nikah misyaar se mazkura bala maqasid hasil nahi ho sakte, kyunke un maqasid ka husool tab mumkin hai, jab miya biwi ek hi ghar me rahe*
*✦ Neez is tariqe se nikah ke aam hone ki hamare muaashre par darj zail manfi asarat murattab honge*
*1.mard Shehwat puri karne ke liye ye aqad karenge aur aurat awlaad ki zimmedari nahi uthayengi jisse khandani Nizam tabah ho jaayega*
*2. Aurtein mardo ke hatho khilona ban kar rah jayengi, Jin ke huqooq aur Kifalat ka koi zimmedari nahi rahega*
*(Post Jari hai)*
*(📓Fatwa Jamia binnauri town karachi 144012201363)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (74) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (74)*
➖➖➖➖➖➖➖➖➖➖
*✿●•· Nikah misyaar/ aarzi nikah ka hukm*
*✦(3) Mard ki nigrani na hone ki wajah se aurat ka gunah me mubtala hone ka andesha rahega*
*✦ (4) Talaq ki sharah Badh jaayegi, Kyunki aurat jab ek baar apne naan o nafqe se dast bardar hogi to zarurat ke waqt mutalbe ki surat me ikhtilaf hoga aur Phir talaq ki nobat aayegi*
*✦ (5)Naan o nafqe ka bojh aurat par padega, jiske husool me uski iffat ko shadid khtraat lahiq honge*
*✦(6) Nikah aur zina me ek bunyadi farq ye hai, ke zina ka irtikaab chup kar kiya jata hai, jab ke nikah me sare aam karne ka hukm diya gaya hai, Rasoolullah ﷺ ke farmaan ka mafhum hai ke nikah alal Elan kiya karo*
*✦ Darj bala mafasid ke sath sath ye nikah ambiya A s, sahaba Ikraam Rahimuhullah Ta'ala anhum, salaf e salihin, aur jamhur ummat ke tariqe ke bhi khilaaf hai*
*Go ke iske kuch fawaid bhi apni jagah honge, lekin chunke uske nuqsanaat Fawaid se kahin zyada hain aur nuqsanaat bhi aise hain jo kisi bhi Qaum ki khandani tabahi aur naslo ke khatm hone ka sabab ban sakte hain, jesa ke aaj kal Europe aur america ke muaashre ko un mafasid ka samna hai, is liye is tariqe se nikah ki ijazat Qat'an nahi di ja sakti*
*(📓Fatwa Jamia binnauri town karachi 144012201363)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (75) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (75)*
➖➖➖➖➖➖➖➖➖➖
*✿●•· Kya Drama serial me nikah karne se nikah ho jata hai?*
*Drame me kiye jane wale nikah se Maqsood recording aur Hikayat hoti hai, aur dekhne walo ke nazdeek bhi ye baat maruf hoti hai ke Maqsood nikah nahi, balke recording aur hikayat hai, isliye drame me pehle drame Nigar farzi kahani likhta hai, aur drama me kaam karne wale us farzi kahani ki akkasi karte hue uski hikayat karte hain, lihaza drame me scrept ki naqal se nikah Mun'aqid nahi hoga,agarche haqiqi naam se bhi ho*
*Albatta agar drame me kaam karne wale ladka ya ladki ne nikah hi ki niyat se alfaz ada kiye ho, aur gawaho ki mojudgi me ijab o qubool kar liya ho, aur ladki kisi aur ki mankuha na ho to nikah Mun'aqid ho jayega*
*(Fatawa Jamia binnauri town karachi 144105200839)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (76) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (76)*
➖➖➖➖➖➖➖➖➖➖
*✿●•· Nikah me kufu aur ghair kufu ki tafseel*
*★ Kufu ke mayne hai: hamsar, ham palla, barabar, nikah ke baab me kufu ka matlab ye hai ke ladka deen, diyanat, maal o nasab, pesha aur talim me ladki ke ham palla( ya us se badh kar) ho, usse kam na ho, aur kifa'at me mard ki janib ka atbaar hai, yani ladke ka ladki ke ham palla hona zaruri hai, ladki ka ladke ke barabr hona zaruri nahi hai*
*★ Lihaza agar ladka aur ladki nasab,maal,deendari,sharafat aur peshe me ek dusre ke ham palla ho, to ye dono ek dusre ke kufu qarar payenge, unka bahami razamandi ke sath nikah durust hai, aur agar ladka aur ladki ke darmiyan mazkura bala tafseel ke mutabiq barabri na ho to ghair kufu me nikah hoga, phir agar wali ( Walid ya dada wagera) aur aurat ke rishte par razi ho khwah wo rishta ham sar na bhi ho to bhi nikah jaiz hai, aur agar aurat awliya ki ijazat aur razamandi ke bagair gair kufu me nikah kar le to awlaad paida hone se pehle tak awliya ko Adalat ke zariye ye nikah faskh karane ka haq hota hai*
*★ Mazkura umur (nasab,pesha aur maal wagera) me barabri ki kya had hai? Aur kifayat kaha mu'tabar hai? Is ki tafseel ke liye kutube fiqah wa fatawa ka mutaala kar liya jaaye*
*(📓 Raddul mukhtaar ma'a Raddul mukhtaar 3/86 Saeed)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (77) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (77)*
➖➖➖➖➖➖➖➖➖➖
*✿●•· Mehram Aur Na Mehram Rishtein Daro Ki Tafseel*
*✦ Jis Mard Wa,Aurat Ke Darmiyan Nasabi Rishta Ya Razai Rishta Ya Azwaji Rishte Ki Wajah Se Hamesha Ke liye Nikah Haram Ho Wo Aapas Me Mehram Hai: Ba Alfaaz Tamam Usool(Yani Walid Dadi.Nani Wagaira Upar Tak)aur Furu (Yani Beti Pota Nawasi Wagaira Niche Tak) Mehram Hain. Isi Tarah Bahen Aur bahen Ki Aulaad (Yani Bahen Ki Beti Pota nawasi Wagaira) Isi Tarah Bhai ki Aulaad (Beti Pota Nawasi Wagaira) phupi Aur khala Bhi Mehram me Shamil hain. isi Tarah Biwi Ki Maa'n (Khush Daman/Saas) Aur Uski Dadi Nani Wagaira. Biwi ki Beti (Jo Kisi aur Shohar se Ho Aur Aapke Zer e Kifalat ho) Jabke Biwi se Sohbat Ki Ho. Walid ki Mankooha (Jisko Hamare Urf Me Sauteli Maa'n Kaha Jata hai) Aur bete ki Mankooha (Biwi) Bhi Mehram Me Se Hai. Tamam Rishte Agar Razai Ho To Inka bhi Yahi Hukm hai'*
*(📚 Darrul Mukhtar Ma'a Raddul Mukhtar 03/28)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (78) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (78)*
➖➖➖➖➖➖➖➖➖➖
*✿●•· Wo Rishtedaar Jinse Parda Farz Hai Aur Jin Se Farz Nahi?*
*★ Wo Afraad Jinse Aurat Ka Parda Nahi Hai Ye hain*
*★ (1) Baap (2) Bhai (3) Chacha (4) Mamu (5) Shohar (6) Sasur (7) Beta (8) Pota (9) Nawasa (10) Shohar Ka Beta (11) Damad (12) Bhatija (13) Bhanja (14) Musalman Aurtein (15) Kafir Bandi (16) Aise Afraad Jinko Aurton ke Bare Me Koi Ilm Nahi Maslan Chote Bache hai Jinko Abhi Ye Samjh nahi ke Aurat Kiya hai. Jaise Mard Aur Aurat Me Farq hi Na Malum Ho Na Mehram Rishtedaar yani Wo Rishte Jinse Parda Farz hai. Darj Zail Hain:*
*★(1)Khala Zaad (2)Mamu Zaad (3) Chacha Zaad (4) Phupi Zaad (5) Dewar (6) Jeth (7) bahnoyi (8) Nandoyi (9)khalu (10)Phupa (11)Shohar ka Chacha (12)Shohar ka mamu (13) Shohar ka khalu(14) Shohar ka Phupa (15) Shohar ka Bhatija (16) Shohar ka Bhanja*
*(📚 Surah An Noor Aayat 31_ Wa Fatawa Jamia Binnauri Town Karachi 144004201430)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (79) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (79)*
➖➖➖➖➖➖➖➖➖➖
*✿●•· Meher ki do qisme aur thoda thoda mehar ada karne ka hukm*
*✦ Meher ki do qisme hain: ek mu'ajjal aur dusri muajjal, mu'ajjal se Murad wo Mehr hota hai jisko nikah ke foran baad ada karna wajib ho jata hai, aur Biwi ko nikah ke fori baad uska mutalba karne ka haq hota hai, jab ke muajjal se Murad wo Mehr hota hai, jiski adaygi nikah ke baad fori wajib na ho, balke uski adaygi ke liye koi khas waqt muqarrar ki gayi ho ya uski adaygi ko mustaqbil me biwi ke mutalbe par moquf rakha gaya ho,agar koi khas miyad muqarrar ki gayi ho to biwi ko us muqarrar waqt aane se pehle us mehr ke mutalbe ka haq nahi hota, aur agar biwi ke mutalbe par moquf rakha gaya ho to jab bhi biwi mutalba karegi us waqt shohar ke zimme ye mehr ada karna lazim ho jayega, lekin agar mehr muajjal ke liye na to koi khas miyad rakhi gayi ho ya na hi biwi ke mutalbe ko miyad banaya gaya ho, to fir us surat me uski adayegi talaq ya mout ki wajah se furqat ke waqt lazim hogi, mehr ka mu'ajjal ya muaajal muqarrar karna jawzain ki aapas ki raza mandi par moquf hota hai, chahe sara mehr mu'ajjal muqarrar kiya jaaye, chahe sara ka sara muajjal muqarrar kiya jaaye aur agar chahe to mehr ke kuch hisse ko mu'ajjal te kiya jaaye aur kuch hisse ko muajjal te kiye jaaye, isi tarah mu'ajjal hone ki surat me ya muajjal ka waqt aa jane ki surat me biwi thoda thoda kar ke mehar usool karne par bitaybe khatir razi ho to chunke ye biwi ka haq hai, lihaza shohar is tarah bhi mehr ada kar skta hai*
*(📓Fatawa Jamia Binnauri Town Karachi 144105200061)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (80) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (80)*
➖➖➖➖➖➖➖➖➖➖
*✿●•· Nikah me Dulha Aur Dulhan ki Wilayat ka Zikr*
*✦ Nikah Me Wilayat Se Maqsud Tareef Hoti hai. Lihaza Dulha Aur Dulhan Me Se Jo bhi Majlise Nikah Me Maujud Ho Aur Khud Ijaab O Qubool kare Ya uska Wakil Uski Taraf Ishara kar ke Ijaab O Qabool kare To is Surat Me Nikah ki Majlis Ke Gawahon Ke liye Dulha Dulhan ki Wilayat Janna Zaruri Nahi Yani Majlise Aqd Me Unka Naam Lena Zaruri Nahi.*
*✦ Albatta Dulha Aur Dulhan Me Se jo Bhi Majlise Aqd Me Maujud na Ho Ya Maujud Ho. Lekin Na To Khud Ijaab O Qubool kare Aur na hi Unki Taraf Ishara Kare ke Ijaab O Qubool kiya jaye to is Surat Me Unke Naam ke Saath Wilayat ka Zikr bhi Zaruri Hai*
*(📚 Darrul Mukhtar Ma'a Raddul Mukhtar 15/03)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (81) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (81)*
➖➖➖➖➖➖➖➖➖➖
*✿●•· Shadi Ki Pahli Raat Nafil Padhne Ka Hukm?*
*★ Shar'ee Taur Par Shabe Zufaf Ke liye Alag se Koi Namaz Muqarrar Nahi. Albatta Ye Jaiz hai ke Dulha Do Raka'at Salatul Hajat Ki Niyat Se padh kar Khair o Barkat. mawafiqat wa Muhabbat rishte ke baqa wa dawam neik aulaad ki husool ki dua kare Aur Ye Nawafil Har Jagah Padhna Jaiz hai neez Is Raat Nawafil Padhne ka Shar'ee Koi Tareeqa Makhsus Nahi.*
*✿●•· Na paki ki Halat Me Nikah Hoga Ya Nahi?*
*★ Nikah Mun'aqid Hone Ke Liye Aurat Ya Mard Ka Paak Hona Shart Nahi Hai Lihaza Agar Aurat Halat e Haiz Me ho To Nikah Mun'aqid Ho Jayega Albatta Jab tak Paak na Ho Jaye Us Waqt tak Humbistari karna Haram hai.*
*(📚 Fatawa Jamia Binnauri Town Karachi 144012201886)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (82) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (82)*
➖➖➖➖➖➖➖➖➖➖
*✿●•· Allah Ta'ala Ko Gawah Bana Kar Nikah Karna?*
*★Nikah Muqarrar Hone Ke Liye Dulha wa Dulhan Ki Janib Se Ijaab Wa Qabool Karte Waqt Shar'ee Gawahon (Do Mard Ya Ek Mard Aur Do Aurtein)ka Mojud Hona Shar'ee Zaruri Hota Hai. Phir Gawahon Ki Gair Mojudgi Me Allah Ko Gawah Bana Kar Ladka Ladki Ijaab Wa Qabool Karne Se Shar'ee Nikah Mun'aqid Nahi Hoga'*
*(📚 Darrul Mukhtar Ma'a Raddul Mukhtar 01/178)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (83) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (83)*
➖➖➖➖➖➖➖➖➖➖
*✿●•· Maher Ada Kiye Bagair Biwi Se Qurbat ka Hukm*
*★ Maher Aurat Ka Haq hai Aur Sharee'at Ne Iski Jaldi Ayadgi Ki Takid Ki Hai Lihaza Agar Kul Maher e Muajjal Hoto Aurat ko Ye Haq Hasil hai ke Wo Mahr Se Ayadgi Se Qabil Shohar ko Huqooq ki Ayadgi se Rok Sakti Hai Aur Shohar ko jabran ka Haq Nahi Lekin Agar Aurat maher e Muajjal hone Ke Bawjud Fauri Adaygi ka Mutalba nahi Karti Balke Raza Mandi se Huqooq e Zawjiyat Ada karne Deti Hai To Isme Koi Harj Nahi Hai. aur bilfarz Is Surat Me Shohar Jabran Talluq Qayam bhi Karta Hai To Bhi Ise Zina Nahi kaha Jayega Albatta Wo Shakhs Jisne Kisi Aurat Se Nikah kiya Aur Maher e Muqarrarah ho. Lekin us Shakhs ki Niyat mahr Ada karne ki Nahi hai To aisa Shakhs Aurat ke Saath Bagair maher ke Humbistari Karke zani Shumar Kiya Jayega Chunache musannaf Ibne Abi Shaiba ki Riwayat Me hai:*
*Tarjuma : Jo Shakhs Kisi Aurat Se Nikah Kare Aur Mehr Ada Karne Ki Niyat Na Rakhta Ho To Wo Allah Ke Nazdeek Zaani Hai*
*(📚 Bada'ees Us Sanay 05/468)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (84) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (84)*
➖➖➖➖➖➖➖➖➖➖
*✿●•· Mazeed baccho ki khawaish na hone ki wajah se reham band karana*
*✦ Shariyate mutahharah me nikah ke minjumla agraaz wa maqasid me se ek aham maqsad tawlid wa tanasul hai, aur aulaad ki kasrat matlub aur Mahmud hai, yahi wajah hai ke hadis e mubaraka me zyada bacche janne wali se nikah karne ki targeeb di gayi hai, lihaza is khatre ke peshe nazar ke bacche zyada honge to unke muaash ka intezam kese hoga,family planning karna haram hai, Isi Tarah kasrate aabadi ki wajah se pedaish ko Mehdood karna nizame khuda wandi me dakhal andazi hai, isilye Allah Ta'ala ne jitni bhi jaan daar makhlooq peda ki hai, sab ke liye rizq ka wada farmaya hai, han Uzr ki bina par ya baccho ki tarbiyat aur nigah dasht ki garz se munasib waqfa karna jaiz hai, aur is liye aarzi toor par mani'e Hamal ka aisa tariqa aur tadbeer ikhtiyar karna durust hai, jis se waqti taur par Hamal roka jasake, is tor par ke jab chahe dobarah tawalid wa tanasul ka silsila jari rakha ja sakta ho*
*✦ Baqi opretion kar ke bacche dani niklana ya nas bandi karwana ya aisa koi tariqa apnana jisse bacche paida karne ki salahiyat bilkul khatm ho jaaye, Shar'an jaiz nahi hai, Ahadis e mubaraka me iski mumaniyat hai, neez ye mansha e shariyat kr ke khilaf hai, Nizam e khuda wandi me dakhal andazi aur kufran e nemat hai, Faqat wallahu aalam*
*(📓 Fatawa Jamia Binnauri Town karachi 144012200039)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (85) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (85)*
➖➖➖➖➖➖➖➖➖➖
*✿●•· Nikah Ke Wali Aur Wakil Me Farq*
*★ wali Aur. Wakil Shar'ee Wa Fiqhi Istalahat Hain, Jo Ek hi Fard Me Bhi Jama Ho Sakte Hain Yani Ek hi Shakhs Wali Aur Wakil Dono Ho Sakta hai. Aur Ye Bhi Mumkin hai ke Dono Alag Alag Ho Wali Vilayat Se hai. Aur Vilayat Sar Parasti Ko Kehte Hain. Nikah Me Dulhe Ya Dulhan ka wali Us Dulha ya Dulhan ka wo sarparast hai Jisko Sharee'at ne Sar Parast Muqarrar kiya hai. Yani Agar Beta ho(Maslan Kisi Bewa Ya mutllaqa ka Nikah Ho Raha Ho)To Sabse Pahle Vilayat bete Ko Hasil Hogi Agar wo na Ho to Pote ko. Agar wo Na ho Ya Kisi Kunwari ka Nikah Ho Raha ho To Baap Wali hoga. Wo Na Ho to Dada.Agar Wo bhi na Ho To Saga Bhai. Aur Agar Wo bhi na Ho to. Baap Sharik Bhai. Aur Agar Wo bhi Na ho To Saga bhai ka Beta.(Bhatija) Aur agar Wo na Ho To Baap Sharik bhai Ka beta. Aur Agar Wo na Ho to Saga Chacha Agar Wo bhi na Ho to Chacha ka beta. Vilayat ki Wahi TarTeeb hai Jo Miraas Me Asba binafasihi Hoti hai- Asba Us Qareebi Khooni Rishtedaar Ko kahte Hain Jisse Rishta me Aurat Ka Wasta Darmiyan Me Na Aata ho Wo Darja Badarja Wali Banta Hai*
*post Jaari hai*
*(Post By Muhammad Ateeq)*
*Checked By Mohd: Shadab Nadvi*
*NEXT PART (86) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (86)*
➖➖➖➖➖➖➖➖➖➖
*✿●•· Nikah Ke Wali Aur Wakil Me Farq*
*★ Wakil Wakalat Se hai Aur Wakalat Kahte Hain Kisi ka Muamla Uske Numainde Ki Haisiyat Se Anjaam Dena Ya Pesh Karna. Nikah Me Dulhe Ya Dulhan ka Wakil Wo Shakhs hota hai Jisko Dulhe ya Dulhan ne Apna Nikah Karane ki Ijazat Di ho. Umuman Dulha Majlise Aqd Me Maujud Hota Hai Aur Apna Aqd Khud Anjaam Deta hai Isliye Wali Aur Wakil ki Zarurat Nahi hoti. Albatta Baaz Surton Me Iski Zarurat ho Sakti hai. Jab ke Ladki ke Liye Parde Wagaira ke Shar'ee Ahkaam Aur Fitri Haya ki Wajah Se Dulhan Aqd e Nikah ki Majlis Me Hazir bhi Nahi hoti Aur Apna Aqd Khud Anjaam Bhi Nahi Deti. Lihaza uske Liye wali Aur Wakil ki Zarurat Hoti hai. Ab Nikah me Wali Aur Wakil Dono Ek hi Shakhs Ho sakte Hain. Yani Ladki ka Baap Jo Shar'ee Taur Par Az khud wali/ Sar Parast hota hai Wahi Nikah ke Aqd ki Anjamdahi Ke Liye Dulhan Ki Taraf Se Wakeel Ban Jaye Iski Bhi Ijazat Hai, Aur Ye Bhi Mumkin Hai Ke Ladki Ke Walid (Wali) Ki Maujudgi Mein Kisi Aur Ko Aqd E Nikah Ka Muamla Anjam Dene Ka Wakeel Bana Diya Jaye,Maslan: Walid Ki Maujudgi Mein Chacha Ya Bhai Ko Nikah Ka Wakeel Bana Diya Jaye Iski Bhi Ijazat Hai,Is Tafseel Se Ye Bhi Maloom Ho Gaya Ke Dulhe Ya Dulhan Ka Wali To Shar'ee Taur Par Tai Hai, Yaani Wilayat Ghair Ikhtiyaari Muamla Hai Jabke Wakeel Banana Dulhe Ya Dulhan Ke Apne Ikhtiyaar Mein Hai.*
*(📚 Fatawa Jamia Binnauri Town Karachi 144010200769)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (87) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (87)*
➖➖➖➖➖➖➖➖➖➖
*✿●•· Unain (Jo Humbistari par Qadir Na ho) ki zawja ka Hukm*
*✦ Agar Kisi Khatun Ka Nikah Kisi Aise Shakhs Ke Saath kiya Gaya Jo Huqooqe Zawjiyat Ada karne Ki Taqat bilkul Nahi Rakhta Aur Khalwat e sahiha Payi gayi To: Agar Shohar bila Shart Talaq De To Aurat Ko Pura Mahar Milega Agar Shohar Talaq Na De To Aurat Ko Khula Lene ka Bhi Haq Hasil hai: Yani Maher Maaf kar ke Shohar ko Talaq Dene Par Aamada kare. Aur Agar Wo Talaq Dene par Aamada na ho. Aur Huqooq ki Zawjiyat Ada Kiye Bagair Aurat ki Iffat O Asmat ka Taqaza Dushwar Ho. To Aurat ko Chahiye ke Adalat me Apna Muqadma Pesh kare Aur Uske Hukm Aur Shar'ee Tareeqe Ke Mutabiq Apna Nikah khatam kare.*
*Unain Se Aazadi Hasil Karne Ka Tafseel Tareeqa ye Hai:*
*Next Post*
*(Post By Muhammad Ateeq)*
*Checked By Mohd: Shadab Nadvi*
*NEXT PART (88) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (88)*
➖➖➖➖➖➖➖➖➖➖
*✿●•· (Unain) Jo Humbistari Par Qadir Na Ho Usko Biwi Ka Hukm*
*★ Mazkura Aurat Musalman Judge ya Qazi ki Adalat Me Dawa dayar kare Ke Mera Shohar Unain Hai Aur aaj Tak usne Ek Martaba Bhi Mera Haq Ada Nahi Kiya. Isliye Mein Iske Saath Rahna Nahi Chahti Muhje Shar'ee Usulon ke Mutalliq Iske Nikah se Alehda Kar diya jaye. Qazi Shohar se Is baat ki Tahqeeq kare Aur Wo khud Qabool kare ke Wo aaj Tak is Aurat Se Wati Par Qudrat nahi Paa saka To Use Ek Saal Ilaaj ki Muhlat dega. Aur Ek Saal Ilaaj ke Baad Bhi ifaqa na ho Aur ek Martaba bhi Wati par Qudrat na ho to Aurat Dobara Qazi ki Adalat Me dawa dayar kare Aur Uske Saath Rahne par Raza mand na ho to Qazi Shohar se is baat ki Tahqeeq kare mard Aurat ki Baat Qabool karta ho to Qazi Mard ko kahe ke use Talaq de ke alehda karde Agar wo Talaq De To behtar. Warna Qazi Aurat ko Us Nikah se Alehda hone ka Ikhtiyaar de. Aur Aurat us Ikhtiyaar ko Qabool karke iis Nikah se Alehda ho jaye. Iske Baad Aurat Iddat guzar kar dusri Jagah Apna Nikah kar Sakti hai.*
*(📚 Darrul Mukhtar Ma'a Raddul Mukhtar 249/04)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (89) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (89)*
➖➖➖➖➖➖➖➖➖➖
*✿●•· Budhe Walid Ki Dusri Shaadi Karana*
*★ Budhe Walid Jiski Zawja Inteqal Kar gayi Ho To Uski Shadi Karwana Kisi Bewa Se Jaiz hai Agar Wo Budha Baap Khud Bhi Chahta Ho Ke Unka Khayal Rakhne Wala Ho To Isme Shar'ee Koi Harj Nahi. Balke Walid ko Khidmat Ki Zarurat Ho to Unki Dusri Shaadi Karwane Se Ghalat Rasam Wa Riwaz ka Khatma Bhi Hoga. Walid ki Itaa'at Aur Rahat Rasani ka Sawab Bhi Milega*
*(📚 Fatawa Jamia Binnauri Town Karachi 144010200357)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (90) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
💫💫💫
*BISMILLAHIRRAHMANIRRAHEEM*
*💧AHKAAM UN NIKAAH💧*
➖➖➖➖➖➖➖➖➖➖
*Post No (90)*
➖➖➖➖➖➖➖➖➖➖
*✿●•· Shadi ke Mauke Par Milne Walen Zewar Par Kiski Milkiyat hai?*
*★ (1) Jo Zewar Ladki shadi Me Apne Maa Baap ki Taraf Se Lekar aati hai.Us par Usi ki Milkiyat Hoti hai*
*★ (2) Khatoon Ko ladke Walen Ki Taraf Se Jo Zewar milte hain. agar wo Sarahat Ke Saath Batur e Gift diya gaya ho To Us par bhi Dulhan ki Milkyat hoti hai. Aur agar dete Waqt Ladke walon ki Taraf Se Istemaal ke liye Dene ki Sarahat kar di gayi ho ke ye Ye Zewar ladki ki milkiyat hai Tum Sirf Istemaal kar sakti ho. To Is Surat Me To Us par ladki ki Milkyat Sabit nahi hogi. Sarahat ke Mutabiq Asal malik ka tayyun kiya jayega.*
*★ (3) Agar dete Waqt Koi Shart na ki gayi ho. To is Surat me Ladki ke gharaane ke Urf ke Mutabiq Malik ka tayyun kiya jayega. Aur Agar Ladke walon ke yaha koi urf na ho to urf e aam ka Aitebar kar ke Un Zewraat ka malik ladki ko Qaraar Diya jayega*
*(📚 Fatawa Hindiya 327/01)*
*(Post By Muhammad Ateeq)*
*Checked By Mohd: Shadab Nadvi*
*NEXT PART (91) IN'SHA ALLAH*
•─━━━━━══════━━━━━─•
→ *ƑOƦWΑƦD TO ALL GROUPS*
━═─────────────────═━
🫧🫧🫧
http://ateeq123456.blogspot.com/2022/10/ahkaam-un-nikah.html
No comments:
Post a Comment