AHKAAM UL JANAZA

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 01*                              

           •┈┈┈┈••✦✿✦••┈┈┈┈•

*✿●•·Jab Maut Ka Waqt Qareeb Ho Jaye*

*★ Jab Kisi Ki Maut Ka Waqt Qareeb Ho To Usko Letane Ke Baare Mein Do Tareeqe Manqool Hain Pahla Tareeqa Ye Hai Ke chit Lita kar Panw Qible ki Taraf Kar Ke Sar Uncha Kar De Aur dusra Tareeqa ye hai ke Dayi Karwat Par Lita Kar Rukh Qible Ki Taraf Kar Diya Jaye Aur Iske Paas Baith Kar Zor Zor Se Kalma Padhe Take Tumhare Zubaan Se Sunkar Wo Khud Bhi Kalma Padhne Lage Aur Usko Kalma Padhne Ka Hukm Na Dein*

*★Kyunke Wo Bade Mushkil Waqt Me Hota Hai Na Malum Iske Munh Se Kiya Nikal Jaye Jab Wo Ek Dafa Kalma Padhle To Khamosh Ho Jaye Aur Ye Koshish Na Kare Ki Kalma Baar Baar Jaari Rahe Aur Padhte Padhte Ruh Nikle Kyunke Maqsad Sirf Itna hai ke Sabse Aakhri Baat Jab Iske Munh Se Nikle To Wo Kalma Hona Chahiye Albatta Kalma Padhne ke Baad Phir Duniya Ki koi Baat Cheet Kare To Dobara Iske Paas Kalma Padhiye Jab Wo Padh le To Khamosh Ho Jaye*

*( 📚 Bahashti Zewar 1/366)*

    *NEXT PART 02 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 02*                              

           •┈┈┈┈••✦✿✦••┈┈┈┈•

*✿●•· Halate Naz'a ki alamat aur kuch karne aur na karne ki batein*

*★ Halate Naz'a ki alamat ke bare me fuqaha e Ikraam ne likha hai ke jab sans ukhad jaaye aur jaldi jaldi chalne lage, tange dheeli pad jaaye, naak tedhi ho jaaye, kanpatiya baith jaaye, to samjho uski maut aagyi, us waqt kalma zor zor se padhna shuru karo*

*★ Surah Yaseen padhne se maut ki sakhti kam ho jati hai, mayyat ke sirhane ya aur kisi jagah baith kar surah Yaseen padhni chahiye*

*★ Us waqt aisi baatein aur aise umur se bachna chahiye jinse uska dil duniya ki taraf maail ho jaaye Kyunke ye waqt duniya se judayi aur Allaha Ta'ala ki baargah me hazri ka waqt hai, balke aisi baatein karni chahiye, jiski wajah se duniya se beraghbati paida ho jati hai, aise waqt me baal baccho ko samne lana ya maal dolat ki batein karna munasib nahi*

*(📔Beheshti zewar 366/1)*

    *NEXT PART 03 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 03*                              

           •┈┈┈┈••✦✿✦••┈┈┈┈•

*✿●•· Halate Naz'a Me Agar mayyat ke Munh Se kufr ki Baat Nikle To*

*★ Marte Waqt Agar mayyat ke munh se khuda Na khawasta kufr ki koi baat Nikle to uski taraf tawajjo na do, na uska charcha karo, balke ye smjho ke maut ki sakhti ki wajah se aqal thikane nahi rahi, is wajah se aisa hua, aur aqal thikane na hone ke waqt jo kuch ho jaaye wo maaf hai, aur Allah Ta'ala se uski bakhshish ki dua karte raho*

*(📔Baheshti zewar 366/1)* 

    *NEXT PART 04 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 04*                              

           •┈┈┈┈••✦✿✦••┈┈┈┈•

*✿●•·  Rooh Niklne ke Baad*

*★ Jab kisi shakhs ki Rooh Nikal jaaye To uske hath Panw seedhe kar do aur kisi kapde se uska Munh is tarah se bandho ke kapda thodi ke niche se nikal kar uske dono sire sar par le jaao aur girah laga do, take munh khula na reh jaaye, aur aankhe band kardo, aur dono pero ke anguthe mila kar bandh lo take tange Phailne na paaye, phir koi chadar udha do, aur nehlane aur kafnane me jahan tak ho sake jaldi karo*

*★ Mar jane ke baad uske paas kuch khushboo laga di jaaye aur haiz ya nifaas wali aurat aur jis par gusal Farz ho uske paas na rahe*

*(📔Baheshti zewar 367/1)* 

    *NEXT PART 05 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 05*                              

           •┈┈┈┈••✦✿✦••┈┈┈┈•

*✿●•· Mayyat ke paas tilawat*

*★ Mayyat ko Ghusl dene se pehle uske paas Qura'an shareef ki tilawat karne me ye tafseel hai, ke agar mayyat ko mukammal kapde se dhank diya jaaye to usme paas Qura'an shareef ki tilawat karne me koi Harj nahi hai, khwah Qura'an shareef utha kar tilawat ki jaaye bagair uthaye ki jaaye*

*★ Aur agar mayyat ko kapde se dhanka na gaya ho, to phir Ghusl dene se pehle mayyat ke qareeb tilawat karna makruh hai, Albatta tasbih wagaira padhi ja skti hai*

*★ Mayyat ko Ghusl dene ke bad khwah mayyat ke qareeb tilawat ki jaaye ya door, Behr surat jaiz hai*

*★ Jis kamre me mayyat ho uske alawa har jagah (gusal se pehle aur baad me) bagair karahiyat tilawat jaiz hai*

*(📔 Bahashti zewar 367/1)* 

    *NEXT PART 06 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

       *BISMILLAHIRRAHMANIRRAHEEM*

        *💭KAFAN DAFAN KE MASAIL💭*

                      *POST - 06*                              

           •┈┈┈┈••✦✿✦••┈┈┈┈•

*✿●•·.Ghusal Mayyat Ka Bayan*

  *★ Jab Kafan Dafan Ka Tamam Saman Muhayya Ho Jaye Aur Nahlana Chaho To Pehle Kisi Takht Ko Lubaan Ya Agarbatti Wagera Kisi Khushboo Daar Cheezon Ki Dhuni De Do (3 Dafa) Ya (5Dafa) Ya (7Dafa) Chaaron Taraf Dhuni De Kar Mude Ko Is Par Leta Do Aur Koi Mota Kapda Naaf Se Lekar Ghutno Tak Mayat Par Dal Do Take Badan Ka Ye hissa Chupa Rahe Iske Baad Mayyat Ke Kapde Utaar Do Nahlane ke Liye Aisi Jagah ka Intekhab Karo Jahan Se Paani Bahar Jaye Aur Aane Jaane Mein Kisi Ko Takleef Na ho*

*( 📚 Bahashti Zewar 1/367)*

    *NEXT PART 07 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

    🥼🥼🥼    

       *BISMILLAHIRRAHMANIRRAHEEM*

        *💭KAFAN DAFAN KE MASAIL💭*

                      *POST - 07*                              

           •┈┈┈┈••✦✿✦••┈┈┈┈•

*✿●•·.Ghusal Mayyat Ka Bayan*

 *mayyat ko ghusal dene ke liye sabse pahle kisi takht ya bade takhte ka intezam kar lein...usko agarbatti ya ood, looban waghera se teen dafa ya Paanch dafa ya saat dafa charon taraf dhooni de kar mayyat ko us par lita dein aur koi mota kapda naaf se lekar zaanon tak udhakr mayyat ke badan se kapde utaar le ( baayein tour ke mayyat ka satar bhi na khule aur kapda itna bareek na ho ke geela hone ke ba'ad satar nazar aaye) phir mayyat ko istanja karayein,Laikin uski raanon aur sharamgah ko hath na lagayein aur na uspar nigah daalein; balke apne hath mein koi mota kapda lapeit lein aur mayyat par jo kapda pada hai us ke andar hath daalkar istanja karayein....*  

          

                           *Hadees mein hai ke Nabi e Kareemﷺ ne hazrat Ali raziallahu anhu se farmaya:;ke ''''لا تبرز فخذك، "" ولا تنظر إلى فخذ حي ولاميت"" " (apni raan kisi ke samne na kholo aur na kisi Zinda ya murda ki raan ki taraf nazar karo).. neez hadees mein hai ke huzoor e paak ﷺ ki wisaal ke ba'ad jab hazrat Ali razi allahu anhu ne aapko ghusal diya to apne hathon par kapda lapeit liya tha,*, 

       *phir mayyat ko wazu karayein jaise namaz ke liye wazu Kiya jata hai...hazrat umme atiya razi allahu anha ki ladki ka inteqal hua to Nabi Kareem sallallahu alaihi wasallam ne un ko hukum diya ke pahle wazu ke a'aza se ghusal shuru karein magar kulli karane aur naak mein paani daalne ki zarurat nahin...haan agar mayyat haiz nifaas ya janabat ki halat mein hai to kulli karana aur naak mein paani dalna chahiye (us ka tareeqa ye hai ke naram kapda ya rooi geeli karke jis kadar sahooliyat se ho sake munh aur naak ka androoni hissa tar kar diya jaaye ) pahle chehra phir kohniyon sameit donon hath dhulaayein phir sar ka masah karayein phir pair dhulayein aur kapde ko tar karke daaton ko saaf kare aur naak ke surakhon Mein geela kapda pheir dein,naak, munh aur kaan Mein rooyi rakh dein; taake paani andar na jaane paaye, phir sar ko sabun waghera se achchi tarah dho dein, phir mayyat ko baayein karwat par litakar beiry ke patte daalkar pakaya hua paani neem garam teen dafa sar se paun tak daalein yahan tak ke who paani takht ko lage hue mayyat ke jism tak pahunch jaaye phir dahini karwat par litakar isi tarah teen martaba paani daalein, phir mayyat ko koi shaks apne badan se teik lagakar bithaye aur peit ko aahista aahista male aur dabaye agar najasat nikle to usko saaf karde, phir mayyat ko baayein karwat par litakar, kaafoor pada hua paani sar se pair tak teen dafa daalein aur kisi saaf kapde se badan ko saaf kar dein.*

*Hadees Mein hai ke hazrat nabi e Kareem sallallahu alaihi wasallam ne hazrat umme atiya razi allahu anha ki ladki ke inteqal par un ke ghusal ke baare Mein aurton ko hukum diya ke teen dafa ya panch dafa ya us se zyada us ko ghusal do aur ho sake to beri ke patton aur paani se ghusal do aur aakhri dafa kaafoor bhi us mein daal do*

*Mayyat ko ghusal dene wale ke liye mayyat ko ghusal dene ke ba'ad khud bhi ghusal karna zaroori nahin, Albatta ghusal karna mustahab hai aur isi tarha bahtar hai ke kapde bhi tabdeel karle, Taa'ham agar kapdon mein koi najasat na ho to kapde tabdeel karne ki zaroorat nahin,*  

                     

*📚Hawala:*

*▪️Mulkhas az tas'heel bahashti zewar 1/368 wa fatawa Jamia banoori town Karachi*

    *NEXT PART 08 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 08*                              

           •┈┈┈┈••✦✿✦••┈┈┈┈•

*✿●•· Ghusl ya kafan ke baad najasat niklne ki surat me dhone aur namaze janaza ka hukm*

*★ Mayyat ko Ghusl dene ke baad mayyat ke jisam se agar najasat nikal jaaye to usse gusal par koi faraq nahi padta, gusal Dobara dena zaruri nahi hai, Albatta agar kafan pehnane se qabl najasat nikli hai to uska dhona zaruri hai, aur agar takfin ke baad nikli hai to najasat ka dhona bhi zaruri nahi hai, isi halat me mayyat par namaze janaza padhna durust hai, ye hukm mayyat se nikalne wali najasat ka hai, kharij se najasat lag jaaye to to har haal me dhona zaruri hai*

*(📚Ahsanul fatawa 2/207)*

    *NEXT PART 09 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 09*                              

           •┈┈┈┈••✦✿✦••┈┈┈┈•

*✿●•· Murde ko Ghusl kon de*

*★ Behtar ye hai ke murde ko uska koi qareebi rishte daar nehalaye aur agar wo na nehla sake to koi deen daar neik shakhs nehlaaye*

*★ Agar koi mard mar gaya aur usko nehlane ke liye koi mard na ho to biwi ke alawah aur kisi aurat ke liye usko Ghusl dena Jaiz nahi, agarche wo aurat uski mehram hi kyun na ho, is surat me mayyat ko taymmum kara de, lekin uske badan ko haath na lagaye, balke apne haathon me dastane pehn kar tayammum karaye*

*(📚Behshti zewar 1/368)* 

    *NEXT PART 10 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 10*                              

           •┈┈┈┈••✦✿✦••┈┈┈┈•

*✿●•· Ghusl e Mayyat Se mutaliq Teen Aham Batein*

*★ Kisi ka khawind mar Gaya To uski biwi Ke Liye usko nehlana aur kafnana durust hai, aur agar biwi mar jaaye to khawaind ke liye usko Ghusl dena aur chuna bila kapde ke jaiz nahi hai, Albatta dekhna durust hai*

*★ Jo shakhs janabat ki halat main ho, ya aurat haiz ya nifaas se ho to wo murde ko na nehlaaye ke ye makruh hai*

*★ Agar nehlane me koi aib dekhe to kisi ko na bataye, agar khuda na khawasta mout ki wajah se chehra bigad gaya to uska chrcha karna Jaiz nahi, Albatta agar koi khullam khulla gunah karta tha to ibrat ke liye aisi baatein keh dena durust hai, agar koi acchi baatein dekhe jese chehre par nuraniyat ka hona to uska zahri karna mustahab hai*

*(📚Behshti zewar 369/1)*  

    *NEXT PART 11 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 11*                              

           •┈┈┈┈••✦✿✦••┈┈┈┈•

*✿●•· DOOB KAR MARNE WALE KO GHUSAL DENE KA HUKM*

 *★ Agar koi Shakhs dariya Mein doob kar mar gaya to nikalne ke baad usko Ghusl dena farz hai, Paani Mein doobna Ghusl ke liye kaafi na hoga isliye ke mayyat ko ghusal dena zindon par farz hai albatta agar Paani se nikalte Waqt Ghusl ki niyyat se usko harkat de di jaaye to Ghusl ho jayega, Isi tarah agar mayyat ke upar baarish baras jaaye Yaa aur kisi tareeqe se Paani se bheeg jaaye to usse ghusal na hua dobara dena farz rahega.*

*📚Hawala:*

*▪️Baheshti zewar 369/1*

    *NEXT PART 12 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 12*                              

           •┈┈┈┈••✦✿✦••┈┈┈┈•

*✿●•·. Na Mukammal Laash Ko Ghusl Dene ka Hukm*

 *★Na Mukammal Laash Ko Ghusl Dene ki chaar Surtein Hain*

 *★ Agar Kisi Aadmi Ka Sirf Sar Kahin Dekha gaya to Isko Ghusal Nahi Diya Jayega Balke Yunhi Dafan Kar Diya Jayega*

 *★ Agar Kisi Aadmi ki Aadhe Se Kam Laash Mile To Ghusl Nahi Diya Jayega Chahe Sar Ke Sath ho Ya Bagair Sar Ke*

 *★ Agar Kisi Aadmi Ka Aadhe Se Ziyada Laash Mile To Isko Ghusal Diya Jayega Chahe Sar Ke Sath Mile Ya Bagair Sar Ke*

 *★ Agar Kisi Aadmi Ka Aadha Jism Mile To Agar Sar Ke Sath ho To Ghusal Diya Jayega Agar Bagair Sar Ke Ho To Nahi Diya Jayega*

*(📚 Bahashti Zewar 1/369)*

    *NEXT PART 13 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 13*                              

           •┈┈┈┈••✦✿✦••┈┈┈┈•

*✿●•· Makhlut laasho ka hukm*

*★ Agar muslmano ki laashe kafir ki laasho me mil jaaye, aur koi tamiz baqi na rahe,to unsab ko Ghusl diya jaayega, aur agar imtiyaaz baqi ho to muslmano ki laashe alaheda kar li jaaye, aur sirf unhi ko Ghusl diya jaaye*

*★ Agar koi Mayyat kahin dekhi jaaye aur kisi alamat se ye malum na ho ke ye muslmaan tha ya kafir, to agar ye waqiya Darul islaam me hua ho, to usko gusal diya jaayega, aur uspar namaz bhi padhi jaayegi*

*(📚 Bahashti zewar 370/1)* 

    *NEXT PART 14 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 14*                              

           •┈┈┈┈••✦✿✦••┈┈┈┈•

*✿●•·. Musalman ke kafir rishtedar ko Ghusl dene ka hukm*

*★ Agar kisi musalman ka koi Aziz kafir ho aur wo mar jaye to iski Lash iske ham mazhab ko de di jaye, agar iska koi ham mazhab na ho ya ho magar Lena qubool Na kare to badraze mazburi wo musalman is kafir ko Ghusl de magar gair masnoon tareeqe se balke jis tarah najis cheez ko dhote hain isi tarah isko dhoye*

*(📚 Bahashti Zewar 1/370)*

    *NEXT PART 15 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 15*                              

           •┈┈┈┈••✦✿✦••┈┈┈┈•

*✿●•· Ghusl Dene walon ke liye Ujrat Lene Ka Hukm*

*★ Agar Ghusl Dene Walen Basti Mein Chand Aadmi Ho To kisi Ko Bhi Ujrat Par Laa Kar Mayyat Ko Ghusl Dilaya ja sakta Hai Lekin Puri Aabadi Me Ek Hi Shakhs Ghusal Ke Tariqe Ko Janta Ho To Phir Is Aadmi Ko Ghusl Dena Zaruri hai Aur Is par Ujrat Lena Jaiz Nahi Kyunke Is Surat Me Is Par Ghusl Dena Wajib hai*

*✿●•· Bacchi Wa Bacche Ko Ghusl Kon De*

*★ Agar Baccha Ya Bacchi itni Choti Hai ke Dekhne Se Shahwat Nahi Aati To Bacche Ko Aurtein Aur Bacchi Ko mard Bhi Ghusl De sakte hain Aur Agar itne Bade Ho ke Inko Dekhne Se Shahwat Hoti Ho To ladke Ko Mard Aur Ladki ko Aurtein Ghusl dein*

*(📚 Kitabul Masail 02/49)*

    *NEXT PART 16 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 16*                              

           •┈┈┈┈••✦✿✦••┈┈┈┈•

*✿●•· Ghusl dene walo ke liye chand hidayaat*

*★ Mayyat ko itne garam pani se na nehlaya jaaye jisse Zinda aadmi ko taqleef hoti ho, balke usko nehlane ke liye neem garam ya sada hi pani liya jaaye, is liye ke jis cheez se zindah aadmi ko taqleef hoti hai, usi se murdeh ko nehlana bhi durust nahi*

*★ Ghusl dene wala apne qareeb koi khushboo (agarbatti wagera jala kar) rakh le take mayyat ki badbu wagera Zahir na ho*

*★ Jis jagah Ghusl diya jaaye wahan pardah hona chahiye, aur zaaid aadmiyo ko wahan nahi rehna chahiye* 

*★ Mayyat ke baalo me na kanghi ki jaaye, na nakhun kaate jaaye, na kisi jagah ke baal kaate jaaye, balke jis tarah bhi ho usi halat par chod diya jaaye*

*★ Agar nehlate waqt koi aib dekhe Maslan chehra bigad gaya ho, ya kala ho gaya ho, to kisi se uska tazkirah na kare, han agr koi acchi alamat dekhe Maslan chhera ki nuraniyat ya khushboo to usko logo ke samne Zahir kar dena chahiye*

*(📚 Kitabul masail 2/50)* 

    *NEXT PART 17 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 17*                              

           •┈┈┈┈••✦✿✦••┈┈┈┈•

*✿●•· Masnoon Kafan*

 *★ Mardon Ko Teen Kapdo Me Kafan Sunnat Hai Ek Kurta Dusra Izaar Teesra chadar Ise Lifafa Bhi Kahte hain Aur Aurat Ko Panch Kapdon Me Kafan Sunnat Hai Kurta, Izaar, Odhni, Chadaar Aur Seena Band Izaar Sar Se Lekar Panw Tak Hona Chahiye Aur Chadar Isse Ek Haath Badi Ho Aur Kurta Gale Se Lekar Panw Tak Ho Lekin Isme Na Kali Ho Na Aastin Jabke Odhni Teen Haath Lambi Ho Aur Seena Band*

*( 📚 Bahashti Zewar 1/370)* 

    *NEXT PART 18 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 18*                              

           •┈┈┈┈••✦✿✦••┈┈┈┈•

*✿●•· Kafan Kaisa Ho*

*★ Kafan ka Kapda Usi Haisiyat Ka Hona Chahiye Jaisa Wo Murda Apne Zindagi Me Juma Wa Eidein Wagaira Ke Mauqe Par Istemal Karta tha Aur Aurat Apne Zindagi Mein Mayke Ya shadi Mein Jaane Ke Mauqe Par Istemal Karti Thi*

*✿●•· Kafan Ka Rang Kaisa Ho*

*★ Safed Kapda Kafan ke Liye Sabse Bhetar hai Albatta Naya Purana dhula hua sab bara bar hai* 

*( 📚 Kitabul Masail 02/56)* 

    *NEXT PART 19 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 19*                              

           •┈┈┈┈••✦✿✦••┈┈┈┈•

*✿●•· Masnoon Jaaiz aur makruh kafan*

*★ Mard ko teen kapdo ( izaar, Qamees, aur lifafah) me kafan dena masnoon hai, do kapde (izaar aur lifafah) me kafan dena jaiz hai, aur ek kapde me bila majburi ke kafan dena makruh hai*

*★ Aurat ko panch kapdo (izaar, Qamees, lifafah, odhni, aur seena band), me kafan dena masnoon hai, teen kapdo ( izaar, lifafah,aur odhni) me kafan dena jaiz hai, aur teen kapde se kam me kafan dena bila majburi ke makruh hai*

*(📚Baheshti zewar 1/370)*

    *NEXT PART 20 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 20*                              

           •┈┈┈┈••✦✿✦••┈┈┈┈•

*✿●•· Mard e mayyat ko kafnane ka tariqa*

 *★ Mard ko kafnane ka tareeqa ye he ke char payi par pehle lifafa bicha kar uspar izaar bicha de, Phir kurte ke pichle ka nisf hissa bichaye, aur upar ka baqi hissa samet kar sirhane ki taraf rakh de, phir mayyat ke satar ka khayal rakhte hue Ghusl ke takhte se aahista se utha kar uske biche hue kafan par leta de, aur qamees ka jo hissa sirhane ki taraf rakha tha, usko sar ki taraf ulat de, ke Qamees ka surakh gale main aajaye, aur pero ki taraf badha de, jab is tarah Qamees pehna chuke to Ghusl ke baad jo tehband mayyat ke badan par dala gaya tha wo nikal de, aur mayyat ke sar aur dadhi par atar wagera koi khushboo laga de, phir peshani, naak, dono hatheliyo, dono ghutno, aur dono paao par (yani aadmi Jin a'aza par sajdah karta hai) kafoor mal de, iske baad izaar ka baya palla mayyat ke upper laped de, phir daya lapete, yani baya palla niche rahe aur daya upar, phir lifafah isi tarah lapete ke baya palla niche rahe aur daya upar rahe, phir kapde ki katar le kar kafan ko sar aur paaon ki taraf se bandh de, aur beech me se kamar ke niche ka bhi ek katar nikal kar bandh de, take hawa ya hilne julne se khul na jaaye*

*(📚Ehkamul mayyat 83)* 

    *NEXT PART 21 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 21*                              

           •┈┈┈┈••✦✿✦••┈┈┈┈•

*✿●•· Aurat ko kafnane ka masnoon Tareeqa*

*★ Malhuz rahe ke mard ke kafan e sunnat me Qamees izaar aur chadar shamil hai, jab ke aurat ke kafan e sunnat me in teeno kapdo ke sath sath seena band aur sar ki audhni bhi shamil hai, aurat ko kafnane ka tareeqa ye hai ke char payi par pehle lifafa bicha kar us par izaar bicha de, phir kurta ka nichla nisf hissa bichaye aur upar ka baqi hissa samet kar sirhane ki taraf rakh de, phir mayyat ko satar ka khayal rakhte hue gusal ke takhte se aahista se utha kar uske biche hue kafan par leta de, aur qamees ka jo nichla hissa sirhane rakha tha usko sar ki taraf ulat de, ke qamees ka surakh gale me aajaye, aur pero ki Taraf badha de, jab is tarah qamees pehna chuke to Ghusl ke baad jo tehband jo mayyat ke badan par dala gaya tha wo nikal de, phir sar ke balo ke do hisse kar ke kurte ke upar seene par daal de, ek hissa dayi janib aur ek hissa bayi jaanib, uske baad sar par aur balo par sar band daal de, is ko na bandhe aur na hi lapete, is ke baad izaar lapet de, pehle bayi taraf lapete phir dayi taraf, is ke bad seena band bandh de, phir chadar lapet de, pehle bayi janib phir dayi janib, seena band ko sar band ke baad izaar laptne se pehle bandhna bhi Jaaiz hai aur sab kapdo se upar bandhna bhi durust hai*

*(📚Darul Iftah Binnauri town)*

    *NEXT PART 22 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 22*                              

           •┈┈┈┈••✦✿✦••┈┈┈┈•

*✿●•· Na baligh aur na tamam baccho ka Ghusl wa kafan*

*★ Jo baccha Zinda paida ho kar mar jaaye, to use Ghusl bhi diya jayega, kafan bhi pehnaya jayega aur namaze janaza bhi padhi jayegi aur uska naam bhi rakha jayega*

*★ Jo baccha murdah paida ho to usko nehlana chahiye lekin qayde ke mutabiq kafan na diya jaaye balke kisi kapde me lapet kar dafan kar diya jaaye Albatta uska bhi naam rakh dena chahiye*

*★ Bacche ka zyada jism nikal aane ke baad mara to ye samjha jaayega ke zindah paida hua, sar ki taraf se paida hua to seena Zyada niklne se aur ulta paida hua to naaf tak zinda niklne se ye samjha jaayega ke Zinda paida hua hai*

*★ Hamal gir jaane ki surat me agar bacche ke sath paun nakhun wagera koi azu bana hua ho to murdah bacche ke hukm me hai, aur agar koi uzu bana hua na ho, to hukm ye he ke na usko Ghusl diya jaaye na kafan diya jaaye, balke kisi kapde me lapet kar ek gadhe me dafan kar diya jaaye*

*(📔Behshti zewar 1/372)* 

    *NEXT PART (23) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 23*                              

           •┈┈┈┈••✦✿✦••┈┈┈┈•

*✿●•·Na Mukammal Aur Poshida Mayyat Ka Hukm*

*★ Agar Insan Ka Koi Azu Ya Aadha Jism Bagair Sar ke Paya Jaye To Isko Kisi Kapde Me Lapet Dena Kaafi Hai. Albatta Agar Aadhe Jisam ke sath Sar Bhi Ho ya Jism ka Aadhe Se Zyada ho AgarChe Sar Na Ho To in Do Surton Me Kafan Masnoon Dena Chahiye*

*★ (1) Kisi Insan Ki Qabar Khul Jaye ya Aur Kisi Wajah Se iski Laash Bahar Nikl aaye Aur Kafan Ke Bagair Ho To Isko Bhi Masnoon Kafan Dena Chahiye*

*★ (2) Bashrtke wo Lash Phati Na ho Aur Agar Phat Gayi Ho To Kisi Kapde Me Lapet Dena Kaafi Hai Masnoon Kafan ki Zarurat Nahi*

*( 📚 Bahashti Zewar 1/373)*

    *NEXT PART 24 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 24*                              

           •┈┈┈┈••✦✿✦••┈┈┈┈•

*✿●•· Qabar me ahad nama rakhna aur kafan par likhai*

*★ Qabar me ya kafan ke andar ahad nama ya apne pir ka shajra ya aur koi dua rakhna durust nahi, isi tarah kafan par ya sine wa peshani par roshnai se kalma wagera koi dua likha durust nahi*

*✿●•· Masnoon kafan se zaid kapde*

*★ Ba'az kapde logo ne kafan ke sath zaruri samjh rakhe hain, halanke wo masnoon nahi, aur mayyat ke tarke se unka kharidna jaiz nahi, wo ye he ke- 1.jaaye namaz- 2.patka, murdah ko qabar ke utarne ke liye kapda, 3. Damni, char se sat gareebo ko diya jata hai, ye aurat ke sath khas kiya gaya hai*

*(📚Baheshti zewar 1/374)*

    *NEXT PART (25) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 25*                              

           •┈┈┈┈••✦✿✦••┈┈┈┈•

*✿●•·. Joota pahen kar Namaze Janaza Padhne Ka Hukm*

  *★ Agar Namaze Janaza Khule Maidaan Mein Ada ki Jaari Ho To Jute Pahen kar Bhi Namaze Janaza Padh Sakte Hain Albatta Iski Do Surtein Mumkin hai*

  *★ (1) Agar Jute Ya Chappal Pahni Hui Hain To Is Baat ka Khayal rakhna Zaruri hai Ke Khade Hone Ki Jagah Aur Jute Dono Paak Ho*

  *★ (2) Agar Jute Pahne Hue Nahi Hain Balke Inke Upar Khade Hue hai To Sirf Jute ka Wo Hissa Jo Panw Se Laga Hua Hai uska Paak Hona Zaruri Hai Mukammal Jute ka Paak Hona Zaruri Nahi*

*( 📚 Bahashti Zewar 1/375)*

    *NEXT PART 26 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 26*                              

           •┈┈┈┈••✦✿✦••┈┈┈┈•

*✿●•·Namaze Janaza Sahi Hone ki sharait*

 *★Namaz janaza ke Sahi hone ke Liye do Qism Ki sharait Hain pahli qism Ki Sharait wo Hain jinka Talluq namaz padhne walon ke sath hai Ye Wahi Sharait Hain Jo Digar Namazon ke Liye hain maslan Taharat. Satar Chupana, Qible Ki Taraf Rukh karna, Niyat Karna Wagera Albatta Namaz e Janaza Ke Liye Waqt Shart Nahi Hai Yani Koi Khaas Waqt Nahi Hai Jiske Alawa Janaze Ki Namaz Na Hoti Ho Isi Tarah Namaze Janaze ke Choot Jane Ka Andesha Ho To Uske Liye Tayammum karna Jaiz Hai Ba khilaf Farz namazon ke Un Ke Waqt Ki Tangi ki Wajah se Tayammum Karna Jaiz Nahi*

*(📚 Bahashti Zewar 1/375)*

    *NEXT PART 27 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 27*                              

           •┈┈┈┈••✦✿✦••┈┈┈┈•

*✿●•· Namaz e janaza sahi hone ke Sharait*

 *★ Namaz e janaza sahi hone ke liye do Qism ki sharait hain Pehli Qism ka ta'alluq namaz padhne walo ke sath hai Jin ka mukhtasar bayan ho gaya hai, dusri Qism ke sharait ka ta'alluq mayyat ke sath hai wo 6 hain*

 *★ (1). Mayyat ka muslmaan hona*

*Namaz e janaza ke sahi hone ke liye mayyat ka muslmaan hona zaruri hai, lihaza kafir ya murtad par namaz e janaza padhna jaiz nahi, muslman agarche fasiq ya bid'ati aamli ho uski namaz sahi hai, siwaye chand muslmano ke ke unki ibrat ke liye namaz e janaza nahi padhi jaayegi*

 *★ (1). Jo log shar'ee hukmaran ke khilaf bagawat karte waqt Ayn ladayi me mar jaaye, han agar baad me tib'ee maut mar jaaye to namaz e janaza padhi jayegi*

 *★ (2). Jo shakhs daka zani karte waqt mara jaaye, uski namaz e janaza nhi padhi jayegi*

 *★ (3).jo shakhs apne Maa'n baap ko qatal kar de, aur us jurm ki saza me mara jaaye, to uski namaz e janaza bhi nahi padhi jayegi*

 *★ Jisne khud khushi ki ho, sahi qaul ke mutabiq uspr namaz e janaza padhna durst hai*

*(📚 Bahashti zewar 1/375)*

 

    *NEXT PART (28) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 28*                              

           •┈┈┈┈••✦✿✦••┈┈┈┈•

*✿●•· Namaz e janaza ke sahi hone ke sharait*

*Namaz e janaza sahi hone ke liye do Qism ke sharait hain*

*★ Pehli Qism ka ta'alluq namaz padhne walo ke sath hai, Jin ka mukhtasar bayan ho gaya hai, dusri Qism ka ta'alluq mayyat ke sath hai wo 6 hain*

*★ (2). Mayyat ke badan aur kafan ka najasate hukmiya aur najasate haqiqiyah se paak hona zaruri hai*

*★ Albatta agar najasate haqiqiyah uske badan se Ghusl ke baad kharij hui ho to koi haraj nahi, namaz durust hai*

*Agar kisi mayyat ko Ghusl na diya gaya ho ya Ghusl ke na mumkin hone ki surat me taymmum na karaya gaya ho, to uski namaz durust nahi hogi*

*★ Agar kisi mayyat par bagair Ghusl ke ya taymmum ke namaz padhi gayi ho aur dafan karne ke baad maloom hua, to uski namaz dobara uski qabar par padi jaayegi, us waqt tak jab tak mayyat ki laash ka na phatne ka yaqeen ho, laash phatne ki muddat har jagah aur musam ke etbaar se mukhtalif hoti hai, yahi Sahih qaul hai*

*Mayyat ki laash agar paak takht ya chaarpayi par rakhi gayi ho, to uske liye niche jagah ka paak hona zaruri nahi hai, Albatta agar charpayi ya* 

    *NEXT PART (39) IN'SHA ALLAH*

 

*📚 Bahashti Zewar 1/376* •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 29*                              

           •┈┈┈┈••✦✿✦••┈┈┈┈•

*✿●•· Namaz e janaza sahi hone ke Sharait*

*★ Namaz e janaza ke sahi hone ke liye do Qism ke Sharait hain*

*★ Pehli Qism ki Sharait ka ta'aluq namaz padhne walo ke sath hai, Jin ka mukhtasar bayan ho gaya, dusri Qism ka ta'aluq mayyat ke sath hai, woh 6 hain*

*(3). Mayyat ke jism ka wo hissa jise chupana wajib aur zaruri hai uska poshida hona, lihaza mayyat agar bilkul barhana ho to uski namaz e janaza durust nahi*

*(4). Mayyat namaz padhne walo ke aage hona,agar mayyat namaz padhne walo ke peeche ho to namaz durust nahi*

*(5). Mayyat ka ya jis cheez par mayyat ho us ka zamin par rakha hua hona, lehaza agar mayyat ko log hatho me uthaye hue ho ya kisi gadi ya kisi Janwar par ho aur uski halat me uski namaz e janaza padhi jaaye to sahi nahi*

*(6).mayyat ka wahan mojood hona, lihaza Ahnaaf ke nazdeek gaybana namaz e janaza durust nahi hai*

*(📚Baheshti zewar 1/376)* 

    *NEXT PART (30) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 30*                              

           •┈┈┈┈••✦✿✦••┈┈┈┈•

*✿●•· Namaz e janaza ke faraiz Namaz e janaza Me do Cheezain Farz hain*

*★ (1). Char martaba Allahu Akbar kehna, har Takbeer ek rakat ke qaaim maqam samjhi jati hai (2). Qayam yani khade ho kar namaz e janaza padhna, Lihaja uzar ke bagair namaz e janaza ada karna durst nahi*

*★ Ruku, sajdah, qaida wagera iski namaz Mein nahi hai*

*★ Namaz e janaza ki sunnate aur jama'at Namaz e janaza me Teen Cheezain sunnat hai*

*(1). Allah Ta'ala ki hamd bayan karna*

*(2). Rasoolullah ﷺ par darood bhejna*

*(3).Mayyat ke Liye dua karna*

*★ Namaz e janaza Me jama'at shart nahi, Lihaza Agar ek shakhs Bhi janaze ki namaz padh le to Farz ada ho jaayega, chahe namaz padhne wala Mard Ho ya aurat, Baligh ho ya Na baligh, Albatta Namaz e janaza Me jama'at ki Ahmiyat bahoot Zyada hai, is Liye ke ye mayyat ke Liye dua hai*

*(📚Bahishti zewar 1/376)*

    *NEXT PART (31) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 31*                              

           •┈┈┈┈••✦✿✦••┈┈┈┈•

*✿●•· NAMAZ E JANAZAH KA MASNOON TAREEQA*

*★ Namaz e janazah ka masnoon tareeqa ye hai ke Mayyat ko aage rakh kar imam uske seene ke muqabil khada hojaye, Aur sab loog niyyat karke haathon ko Kanon tak uthayein aur ek martaba "ALLAHU AKBAR" Kahe kar donon hath bandh lein, Phir "SUBHANAKALLAHUMMA" Aakhir tak padhein, Uske ba'ad Phir ek martaba "ALLAHU AKBAR" Kahein magar is martaba haath na uthayein, Uske ba'ad darood shareef padhein aur bahtar ye hai ke wahi darood shareef padha jaye jo namaz Mein padha jata hai, Phir ek martaba "ALLAHU AKBAR" Kahein is martaba bhi haath na uthayein, Is takbeer ke ba'ad Mayyat ke liye dua karein, Iske ba'ad Phir ek martaba "ALLAHU AKBAR" Kahein is martaba bhi haath na uthayein, Is takbeer ke ba'ad Mayyat ke liye dua karein, Iske ba'ad Phir ek martaba "ALLAHU AKBAR" Kahein is martaba bhi haath na uthayein, Is takbeer ke ba'ad salam pheir dein.*

*★ Namaz e janazah imaam aur muqtadi donon ke haqq Mein yeksan hai Sirf itna farq hai ke imam takbeerat aur salam buland aawaz se kahega aur muqtadi aahista, Baqi umoor sana darood aur dua donon aahista kahenge.*

*📚Hawala:*

*▪️Tas'heel baheshti zewar 1/377* 

    *NEXT PART 32 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 32*                              

           •┈┈┈┈••✦✿✦••┈┈┈┈•

*✿●•· MUFSIDAT E NAMAZ E JANAZAH*

*★ Janaze ki namaz bhi un cheezon se fasid hojati hai jin cheezon se doosri namazein fasid hoti hain, Sirf do masail Mein farq hai, Pahla ye ke janazeh ki namaz Mein Qahqaha lagane se wazu nahin toot'ta albatta namaz toot jati hai ba nisbat doosri namazon ke Inmein baligh ka wazu bhi toot jata hai, Aur doosra farq ye hai ke namaz e janazah Mein aurat ki muhazat (aurat ka barabar mein khada hona) se bhi Ismein fasad nahin aata.*

*✿●•· BAITH KAR YA SAWARI KI HALAT MEIN NAMAZ E JANAZAH PADHNE AUR JANAZE MEIN TAKHEER KA HUKM*

*★ Bila uzr janaze ki namaz baith kar ya sawari ki halat Mein padhna jayez nahin.*

*Mayyat ki namaz e janazah Mein is marz se taakheer karna ke jama'at zyada hojaye makrooh hai.*

*📚Hawala:*

*▪️Tas'heel baheshti zewar 1/379* 

    *NEXT PART 33 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 33*                              

           •┈┈┈┈••✦✿✦••┈┈┈┈•

*✿●•· AGAR KAYI JANAZE JAMA HOJAYEIN TO*

*★ Agar ek hi waqt Mein kayi janazein jama hojayein to bahtar ye hai ke har Mayyat ki namaz alaheda padhi jaye, Aur agar sabki ek hi namaz padhi jaye tab bhi jayez hai, Doosri soorat Mein Sab janazon ki saf qayem ki jaye, Jiski bahtar soorat ye hai ke ek janaze ke ba'ad doosra janaza rakha jaye bayein soorat ke sabke sar ek taraf ho aur seena imam ke samne ho aur ye soorat bahtar is liye hai ke Usmein sabka seena imam ke muqabil hojayega jo ke masnoon hai.*

*★ Agar janaze mukhtalif qism ke hon to is tarteeb se unki saf qayem ki jaye ke imam ke qareeb mardon ke janaze, unke ba'ad ladkon, Unke ba'ad baligh aurton ke aur unke ba'ad baligh ladkiyon ke.*

*📚Hawala:*

*▪️Tas'heel baheshti zewar 1/379*

 

    *NEXT PART 34 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 34*                              

           •┈┈┈┈••✦✿✦••┈┈┈┈•

*✿●•· NAMAZ E JANAZAH MEIN MASBOOQ KA HUKM*

*★ Agar koi shakhs janazeh ki namaz Mein aise waqt pahuncha ke kuch takbeerein uske aane se pahle ho chuki hon to usko chahiye ke aate hi fauran doosri namazon ki tarha takbeer e tahreema kahe kar shareek na ho balke imam ki agli takbeer کا intezar kare, Jab imam takbeer kahe to ye bhi imam ke sath takbeer kahe ye uski takbeer e tahreema shumar hogi Phir jab imam salam pheir de to ye shakhs apni chooti hui takbeeron ki qaza karle aur agar takbeeron ke darmiyan sana darood shareef aur dua waghera Mayyat ke uthane se qabl tak padh sakta ho to jaldi jaldi padh le warna Sirf takbeerat kahe kar salam pheir Le.*

*★ Agar koi shakhs aise waqt pahuncha ke imaam ne chauthi takbeer bhi kahi thi to is soorat mein ye shakhs fauran takbeer kahta hua imam ke sath shareek hojaye aur imam ke salam pheirne ke ba'ad baqiya teen takbeerat ki qaza karle.*

*★ Agar koi shakhs pahli takbeer ke waqt maujood tha Laikin susti ya kisi aur wajah se imam ke sath hi takbeer na kar saka to is soorat mein imaam ki doosri takbeer ka intezaar na kare balke fauran takbeer kahe aur imam ke sath shareek hojaye, Is soorat aur pahli soorat Mein thoda sa farq hai.*

*📚Hawala:*

*▪️Tas'heel baheshti zewar 1/380* 

    *NEXT PART 35 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 35*                              

           •┈┈┈┈••✦✿✦••┈┈┈┈•

*✿●•· NAMAZ E JANAZAH MEIN IMAMAT KA HAQQDAR*

*★ Janazeh ki namaz Mein imamat ka istehqaq sabse zyadah musalmanon ke ameer ko hai, Agarcha taqwa aur parheizgaari Mein isse bahtar loog wahan maujood hon, Agar ameer e waqt na hon to uska nayeb ya'ani shaher ka hakim, Who bhi na ho to shaher ka qaazi, Who bhi na ho to uska nayeb, Un loogon ke hote hue doosre shakhs ko imaam banana baghair unki ijazat ke durust nahin, Agar un loogon Mein se koi bhi wahan maujood na hon to mohalle ke imaam ka haqq hai ba'shart ye ke Mayyat ke rishte daaron Mein Koi shakhs usse afzal na ho warna Mayyat ka wali imamat ka haqq dar hai ya who shakhs jisko who ijazat dein.*

*📚Hawala:*

*▪️Tas'heel baheshti zewar 1/380* 

    *NEXT PART 36 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 36*                              

           •┈┈┈┈••✦✿✦••┈┈┈┈•

*✿●•· NAMAZ E JANAZAH KI TAKRAR KA HUKM*

*★ Agar Mayyat ke wali ki ijazat ke baghair kisi aise shakhs ne namaz padha di jisko imamat ka haqq nahin tha to wali ko ikhtiyar hai ke namaz dubara padhe hatta ke agar Mayyat ko dafnaya gaya ho to uski qabar par namaz padh sakta hai jab tak lash ke phat Jane ka khayal na ho.*

*★ Agar Mayyat ke wali ki ijazat ke baghair kisi aise shakhs ne namaz padha di jisko imamat ka istehqaq tha to Mayyat ka wali iyadah nahin kar sakta, Isi tarha agar Mayyat ke wali ne badshah e Waqt waghera ke maujood na hone ki haalat Mein namaz padha di to badshah e Waqt waghera ko iyadah je ikhtiyar nahin balke saheeh ye hai ke agar wali ne badshah e Waqt ke maujood hone ke halat Mein namaz padh li tab bhi badshahe Waqt ko iyadah ka ikhtiyar na hoga, Agarcha aisi halat Mein badshahe Waqt ke imam na banane se wajib chodne ka gunah Mayyat ke auliya'a par hoga.*

*★ Haasil ye hai ke janazeh ki namaz kayi martaba padhna jayez nahin magar Mayyat ke wali ke liye Sirf ek soorat Mein ke ghair mustaheq ne uski ijazat ke baghair namaz padhli ho.*

*📚Hawala :*

*▪️Tas'heel baheshti zewar 1/381*

    *NEXT PART 37 IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 37*                              

           •┈┈┈┈••✦✿✦••┈┈┈┈•

*✿●•· JANAZAH UTHANE AUR LE JANE KA MUSTAHEB TAREEQA*

*★ Janazah uthane ka mustaheb tareeqa ye hai ke pahle uska agla dayan paya apne kandhe par rakh kar kam se kam das (10) Qadam chale, Uske ba'ad uska pichla daayan paya apne kandhe par rakh kar kam se kam 10 qadam chale, Uske ba'ad agla bayan paya apne kandhe par rakh kar kam se kam 10 qadam chale Phir pichla bayan paya kandhe par rakh kar kam se kam 10 qadam chale taake chaaron paayon ko mila kar 40 qadam hojayein.*

*★ Ba'az ilaaqon Mein ye rasm hai ke pahle ek maulwi 40 qadam ginta hai Phir loog janaze ko utha kar chalte hain ye ek ghair shara'yi tareeqa hai asal tareeqa who hai jo upar bayan hua.*

*★ Agar Mayyat doodh peeta bachha ya usse kuch bada ho to loogon ko chahiye ke usko haathon Mein utha kar le jayein ya'ani ek aadmi usko donon haathon Mein uthayein aur Phir kuch chal kar doosra aadmi usse le le isi tarha badalte hue le jayein, Aur agar Mayyat koi bada aadmi ho to usko kisi chaar paayi par rakh kar le jaayein, Agar koi uzar na ho to Mayyat ko gaadi ya janwar par le jana makrooh hai.*

*★ Janazeh ko teiz qadam le jana masnoon hai magar is qadar teiz na ho ke Mayyat ko jhatke lagein.*

*📚Hawala:*

*▪️Tas'heel baheshti zewar 1/382* 

    *NEXT PART (38) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 38*                              

           •┈┈┈┈••✦✿✦••┈┈┈┈•

*✿●•· JANAZE KE SATH JANE WALON SE MUTA'ALLUQ MASAIL*

*★ Jo loog janaze ke hamrah jayein unke liye janazeh ko kandhe se utarne se pahle baithna makrooh hai, Albatta agar uzar ki wajah se zaroorat ho to haraj nahin,*

*★ Jo loog janaze ke sath na hon unke liye janazeh ko dekh kar khada nahin hona chahiye.*

*★ Jo loog janaze ke hamrah hon unke liye janazeh ke peeche chalna mustaheb hai agarcha aage chalna bhi jayez hai Albatta sab loogon ka aage hona makrooh hai isi tarha sawar aadmi ka bhi.*

*★ Jo loog janaze ke hamrah hon ab ke liye buland aawaz se zikar ya dua padhna makrooh hai.*

*★ Jo loog janaze ke hamrah hon ab ke liye buland aawaz se zikar ya dua padhna makrooh hai.*

*★ Aurton ka janazeh ke hamrah chalna makrooh e tahreemi hai.*

*★ Rone wali Aurton ya bain karne waliyon ka janazeh ke Saath jana mamnoo hai.*

*📚Hawala:*

*▪️Tas'heel baheshti zewar 1/382* 

    *NEXT PART (39) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 39*                              

           •┈┈┈┈••✦✿✦••┈┈┈┈•

*✿●•· Dafan se, muta'alluq chand masail*

*★ Mayyat ko Dafan karna farz e kafaya hai jis tarha uska ghusal aur namaz janazah farz e kafaya hai.*

*★ Jab Namaz e janazah se faraghat hojaye to fauran usko qabar ki taraf le jana zaroori hai, Ba'az ilaaqon Mein bayan hota hai ye shar' an durust nahin.*

*★ Agar Mayyat ko qabar Mein qibla rukh karna yaad na rahe aur Dafan karne aur mitti daalne ke ba'ad yaad aaye to isi soorat Mein qabar kholna jayez nahin Albatta agar Sirf takhte rakh ke hon mitti na dali gayi ho to takhte hata kar qibla rukh karna chahiye.*

*★ Agar koi shakhs bahri jahaz Mein mar jaaye aur zameen itni zyada door ho ke lash ke kharab hone ka andesha ho to Mayyat ko ghusal, kafan aur namaz e janazah ke ba'ad samandar Mein daal dein aur agar kinarah Zyaadah door na ho to lash ko zameen mein Dafan karne ke liye rahne dein*

*📚Hawala:*

*▪️Tas'heel baheshti zewar 1/383*

    *NEXT PART (40) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 40*                              

           •┈┈┈┈••✦✿✦••┈┈┈┈•

*✿●•· QABR SE MUTA'ALLUQ CHAND AHKAAM*

*★ Mayyat ki khabar kam se kam uske aadhe qad ke barabar khodi jaaye, Qad se zyada nahin honi chahiye aur qabar ki lambayi uske qad ke barabar ho,*

*★ Baghli khabar (Lahed) Sandoqi qabar (shaq) ki ba nisbat bahtar hai Laikin jahan qabar ke baith Jaane ka andesha ho wahan Sandoqi qabar khodi jaaye.*

*★ Jab Qabar Tayyar hojaye to qible ki taraf se qabar Mein utaar dein uski soorat ye hai ke janaza qabar se qible ki taraf rakha jaaye aur utarne wale qibla roo khade hon aur Mayyat ko utha kar qabar Mein rakh dein.*

*★ Qabar Mein utaarne walon ka taaq ya juft hona masnoon nahin, Nabi e kareem ﷺ ko 4 aadmiyon ne utara tha.*

*★ Qabar Mein rakhte Waqt (Bismillah wa Alaa millati Rasoolullah) Kahna mustaheb hai.*

*★ Mayyat ko khabar Mein rakh kar daayein karwat par qibla rukh karana masnoon hai.*

*★ Qabar Mein rakhne ke ba'ad kafan ke who giruh jo kafan ke khul Jaane ke khauf ki wajah se di gayi thi khol di jaaye, Uske ba'ad kachchi einton ya sar kunde se band kardein, Bila zaroorat pukhta einton ya lakdi ke takhton se band karna makrooh hai, Ba Waqt zaroorat gunjaish hai.*

*📚HAWALA*

*▪️Tas'heel baheshti zewar 1/383*

    *NEXT PART (41) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 41*                              

           •┈┈┈┈••✦✿✦••┈┈┈┈•

*✿●•· Qabar se mutalliq Chand masail Qist no. 2*

*★ Aurat ko gabar me utarte waqt pardah karna mustahab hai, aur agar badan khul jaane ka andesha ho to pardah karna wajib hai*

*★ Mard ko dafan karte waqt qabar par pardah na karna chahiye Albatta uzar ho Maslan barish ya sakht dhoop ho to jaiz hai*

*★ Sirhane ki taraf se qabar par matti dalne ki ibtida karna mustahab hai,har shakhs apne dono hatho me matti bhar kar daal de, aur pehli martaba pade (minha khlaqnaakum) aur dusri baar pade ( wa fiha nueedukum) aur tisri martaba (wa minha nukhrijukum taratan ukhra)*

*★ Matti daal dene ke baad qabar par pani chidak na mustahab hai*

*★ Kisi mayyat ko ghar ya makan ke andar dafan nahi karna chahiye, ke ye baat Ambiya iqraam ke saath khas hai*

*★ Qabar ko marba banana makruh hai, mustahab ye he ke qabar ko oont ke kuhan ki tarah utha kar banayi jaaye,uski bulandi ek balisht ya kuch zayada ho*

*(📚Beheshti zewar 1/384)* 

    *NEXT PART (42) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 42*                              

           •┈┈┈┈••✦✿✦••┈┈┈┈•

*✿●•· Qabar se mutaliq Chand masail Qist no 3*

*★ Qabar ko ek balish se bhi baland banana makruh e tehrimi hai*

*★ Qabar par plastar karna ya gare se leepna makruh hai, isi tarah qabar par Zeenat ki garz se koi imarat, gumbad ya qaba banana na jaiz aur mamnu hai*

*★ Mayyat ko qabar me rakhte waqt azan kehna mamnu hai*

*★ Jab Qabar par mitti daal di jaaye to uske baad mayyat ka qabar se nikalna jaiz nahi, Albatta agar kisi ki haq talfi hui ho to chand surto me ijazat hai, Maslan kisi gair ki zamin me dafan kiya gaya ho aur malik ki ijazat na ho, ya kis shakhs ka maal qabar me gir gaya ho*

*(📚 Bahashti zewar 1/384)* 

    *NEXT PART (43) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 43*                              

           •┈┈┈┈••✦✿✦••┈┈┈┈•

*✿●•·  Taziyat ka masnoon Tareeqa*

*★ Kisi muslmaan ke inteqaal par mayyat ke mutalliqeen se taziyat karna  (yani unko tasalli dena aur sabar ki talqeen karna) sunnat se sabit hai, taziyat ka masnoon Tareeqa  ye hai ke mayyat ki tadfeen se pehle ya agar moqa mile to tadfeen ke baad mayyat ke ghar walo ke yahan ja kar unko tasalli dein, unki dil joi kare, sabar ki talqeen kare, unke aur mayyat ke haq me duaye jumla kahe, taziyat ke alfaz aur mazmoon mutayyan nahi hai,sabar aur tasalli ke liye jo Alfaaz zyada  mozu hon wo jumle kahein, taziyat ki behtreen dua ye hai, *inna lillahi ma akhaza wa lahu ma a'ata,  wa kullu shayin indahu bi ajalim musamma, ya a'azamal  lahu ajraka wa ahsana aza'aka wa gafara li mayyatika* 

*is se zaid bhi esa mazmoon bayan kiya ja skta hai jis se gham bilkul halka ho sake aur aakhirat ki fikr paida ho*

*★ Baqi taziyat ke doran har aane wale ke sath hath utha kar dua krna sunnat se sabit nahi hai, aur na hi uske liye koi dua makhsoos hai, is liye isko lazim samjh kar karna durust nahi hai, Albatta lazim samjhe bagair maghfirat ki koi bhi dua ki jaaye, ya phir kabhi hath utha kar dua kar li to koi Harj nahi hai*

*(📓Darul Iftah binnuri taun fatawa no. 144001200433)*  

*Checked By Mohd: Shadab Nadvi*

    *NEXT PART (44) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

http://ateeq123456.blogspot.com/2022/11/ahkaam-ul-janaza.html

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 44*                              

           •┈┈┈┈••✦✿✦••┈┈┈┈•

*✿●•· Janaze ke mutafarriq masail Qist no. 1*

*★ Agar imam janaze ki namaz me char takbeer se zyada kahe to hanfi muqtadiyo ko chahiye ke zaaid taqbiro me imam ki ittiba na kare, jab imam Salam fere to salam fer dain*.

*★ Janaze ki namaz koi bhi padh le to ada ho jati hai, Maslan mard ho ya aurat, ek ho ya Zyada*

*★ Mayyat ki tareef karna chahiye nazam me ho ya nasar me, jaiz hai bashrt ke tareef me mubalga na ho aur aisi batein na ho jo mayyat me na thi*

*★ Apne liye kafan teyar rakhna makruh nahi Albatta qabar teyar rakhna makrooh hai*.

*(📚 Bahashti zewar 1/385)* 

    *NEXT PART (45) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 45*                              

           •┈┈┈┈••✦✿✦••┈┈┈┈•

*✿●•· Janaze ke mutafarriq masail Qist no.2*

*★ Mayyat ke kafan par roshnayi ke bagair ungli se koi dua likhna ya uske sine par bismillah ya peshani par kalma e tayyaba likhna jaiz hai, magar sahi hadees se iska saboot nahi, is liye usko masnoon ya mustahab Na samjhna chahiye, aur roshnayi se likhna mamnu hai*

*★ ek qabar me ek laash se zyada dafan nahi karna chahiye magar shadeed zarurat ke waqt jaiz hai, phir agar sab mard ho to jo sab se Afzal ho usko aage rakhe baqi sabko uske peeche darja ba darja rakhe aur agar kuch mard aur kuch aurten ho to mardo ko aage rakhe aur unke piche aurton ko*

*★ Qabro ki ziyarat karna mardo ke liye mustahab hai, behatr ye he ke hafte me kam se kam ek martaba ziyarat ki jaaye, aur usme Afzal Juma ka din hai, aurto ka hukm Insha Allah tafsili aane wala hai*

*(📚 Bahashti zewar 1/386)* 

    *NEXT PART (46) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 46*                              

           •┈┈┈┈••✦✿✦••┈┈┈┈•

*✿●•· Janaze ke mutafarriq masail Qist no.3*

*★ Agr kisi shakhs ko janaze ki masnoon dua yaad na ho to uske liye sirf (Allahummaghfir lil muminina wal muminaat) keh dena kafi hai, aur agar ye bhi na ho sake aur char takbeero par iktifa kiya jaaye tab bhi namaz ho jaayegi, kyunki dua Farz nahi hai isi tarah darood sharif aur sana bhi*

*★ Agar koi aurat mar jaaye aur uske pet me Zinda baccha ho to pet chak kar ke baccha nikal liya jaaye, isi tarah agar koi shakhs kisi ka maal nigal kar mar jaaye, aur maal wala apni cheez mange aur mayyat ne tarka me maal bhi na choda ho, to wo maal uska pet chak kar ke nikal liya jaaye, agar Malik mutalba na kare ya mayyat ne maal choda ho to tarka se ada kiya jaayega*

*(📚 Bahashti zewar 1/386)*

    *NEXT PART (47) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 47*                              

           •┈┈┈┈••✦✿✦••┈┈┈┈•

*✿●•· Qabristan me dua mangne ka tareeqa*

*★ Aam halaat me Qabristan ja kar dua karna sabit hai, chunache Hazart Ayesha Rz farmati hain ke Rasoolullah ﷺ jannatul baqi me tashreef laayi aur kafi der thehri rahi, phir teen martaba haath utha kar dua ki* *( muslim shareef 313)*

*★ Albatta Qabristan me dua mangne ki surat ye hona chahiye ke qibla e rukh ho kar haath uthaye jaaye, aur mayyat wa marhumeen ke liye dua ki jaaye, qabar ki taraf rukh kar ke dua na kare, take kisi ko fasade aaqidah ki Badghumani na ho, neez awaam aur na waqif logo ke aqide ke fasad ka zariya bhi na bane, Albatta jahan aisa ehtmaal na ho, (Maslan bilkul tanha Ho aur apna aqidah bilkul sahi ho) to kisi bhi rukh par dua mangi ja skti hai*

*(📚Darul Iftah binnuri taun fatawa no.143909201975)* 

    *NEXT PART (48) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 48*                              

           •┈┈┈┈••✦✿✦••┈┈┈┈•

*✿●•· Khawateen ke liye qabristan jane ka hukm*

*★ Aurto ke qabrastan jane se bahoot se ulama e ikraam wa fuqaha mana farmate hain, khususan aaj kal ke door me, Albatta ba'az ulama e ikraam ne chand sharait ke sath budhi aurto ko qabristan jane ki ijazat di hai, lihaza agar ye andesha ho ke aurten qabristan ja kar be sabri ka muzahera karte hue apne aqraba ki qabro par chilla kar royengi, sina kobi karengi, baal nochengi, pardeh ka khayal nahi rakhengi, buzurgo ki qabro ka tawaf krengi,unko sajdah krengi ya chadrein chadhayengi, to in surto me kisi ko bhi qabrastan jane ki ijazat Shar'an nahi hai, aur agar mazkura bala shirkiya wa bid'iya afaal ka indesha na ho to budhi aurto ko qabristan jane ki ijazat hai, ta ham na jane me ahtiyaat hai*

*(📚fatwa jamia faruqiyah karachi)* 

    *NEXT PART (49) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 49*                              

           •┈┈┈┈••✦✿✦••┈┈┈┈•

*✿●•· Qabar par sabz shakh ya sabz nasab karne ka hukm*

*★ Is baare me ulama e ikraam ke do qaul hain, ek jamat ka kahna hai ke chunke Rasoolullah ﷺ se iska subut milta hai, is liye ye mustahab hai, hakimul ummat Hazart Thanvi aur Hazrat maulana khalil Ahmad saharanpuri Rehmatullah bhi isi qaul ke qaail hain, dusre hazaraat Jin me ulama e ayni aur hafiz ibne hajar Rehmatullah Alaih wagera bade bade muhaddisin aur fuqaha shamil hain, unka kehna he ke Rasoolullah ﷺ ki khusisiyat thi har kisi ke liye aisa karna jaiz nahi iski wajah ye hai ke Rasoolullah ﷺ ko iska ilm bazariye wahi diya gaya tha, ke un qabro par azaab ho raha hai aur aapke haath ki barkat se usme kami ho sakti hai,lekin kisi dusre ko na to azaab ka ilm ho sakta hai aur na hi kami ka, Hazart mufti Mohammad shafi Rehmatullah Alaih dono aqwaal me tatbeeq dete hue farmate hain ke hadees se sabit hone wali har cheez ko usi had par rakhna chahiye jis had tak wo sabit hai,hadis me ek baar ya do baar shakh ka gadhna sabit hai,usse malum hota he ke kabhi kabar esa karna jaiz hai, (Hazar Thanvi aur Hazart saharanpuri Rehmatullah Alaih ka bhi yahi matlb hai) lekin ye sunnate jariya aur aadat e mustaqila banane ki cheez nahi hai, agar hoti to sahaba ikram ke ta'amal se maloom ho jata,halanke us hadis ke rawi khud Hazart Abdullah bin Abbas aur Abdullah bin jabir Raziallahu se ye manqul nahi ke unhone qabar ke azaab me takfeef ke liye ye tareeqa ikhtiyaar kiya ho,malum hua ke ye Rasoolullah ﷺ ki khusisiyat thi*

*(📚Tashhihul islaam sahib damat Barakatuhum)*

    *NEXT PART (50) IN'SHA ALLAH*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫

🥼🥼🥼    

   *BISMILLAHIRRAHMANIRRAHEEM*

       *💭KAFAN DAFAN KE MASAIL💭*

                      *POST - 50*                              

           •┈┈┈┈••✦✿✦••┈┈┈┈•

*✿●•· Namaz e janaza ke liye koi khas waqt muqarrar nahi*

*★ Namaz e janaza ke liye sharee'at me koi khaas waqt mutayyan nahi hai balke jab bhi janaza tayyar ho jaaye to wahi janaza padhne ka waqt hai, Albatta agar awqat e makruh ( Tulu aaftab,ya zawal ya guroob aaftab) ke waqt janaza tayyar ho jaaye to usi waqt padhna jaiz hai makruh nahi, Albatta agar awqaat makruh se pehle tayyar hua tha lekin kisi sabab se takhir ho gayi aur makruh waqt dakhil hua to ab us waqt namaz e janaza padhna makruh e tehrimi hai, makruh waqt ke baad ada kare, aur agar Farz namaz ke baad janaza teyar hua to pehle Farz pade fir namaze janaza aur uske baad sunnate ada kare, yahi asal hai lekin agar Farz ke baad sunnate mu'aqqidah padh le Phir janaza padhe tab bhi koi Harj nahi*

*( 📚 Fatawa Mahmoodiya 8/564)* 

*Alhamdulillah Mukammal Post*

  •─━━━━━══════━━━━━─•

  → *ƑOƦWΑƦD TO ALL GROUPS*

  ━═─────────────────═━

🪫🪫