Allah Ta'ala Se Mohabbat ka Raasta

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (01)*

*·•●✿ Allah Ta'ala ne irshad farmaya ke Aye Nabi ﷺ Aap Apni Ummat se Farma dijiye ke Agar Allah Ta'ala se muhabbat Karna chahte ho Allah Ta'ala ki Muhabbat Ka tareeqa ye Hai k Meri itteba karo ,Yani Huzoor ﷺ ke Naqsge Qadam per Chalo*

*✦ Is Per ek Baat Arz karta hu'n k Jitna Qadam qeemti hota Hai utna hi qeemti Naqsge Qadam hota Hai ,Aur poori Kaaynaat mai Huzoor ﷺ ke qadme Mubarak se badh Kar kisi makhlooq Ka qadam nahi Hai , isliye Allah Ta'ala Apne Mehboob se kehalwa raha Hai ke agar Allah Ta'ala se Muhabbat Karna chahte ho to Meri itteba karo*

*✦ Yani Jo Baat Huzoor ﷺ Tumhe ata farmaye usko sar Aankho per Rakh lo aur Jis Baat se Mana farmaye usse Bach jao , Jis Shakhs ne Sarware Aalam ﷺ ke irshade Mubarak mai aur Allah Ta'ala ke irshade Mubarak mai Farq Kiya usne Allah Ta'ala ke irshade Mubarak ki qadar na ki Kyunke Allah Ta'ala farmate hai' mere Rasool Tumko Jo ahkaam ataa Farma Rahe hai unko sar Aankho per rakh lo aur Jis Baat se Huzoor ﷺ Mana farmaye usse ruk jao*

*✦ Allah Ta'ala ne Sarware Aalam ﷺ Ka muqaam Bayan farma Diya ke Jin Baato Ka humne Hukm diya unko bhi karo aur Jin Baato Ka hukm hamara Rasool de unko Bhi karo aur Jin cheezo se humne Mana Kiya Hai usse bhi ruko aur Jin cheezo se hamare Rasool Mana karte hai'n unse bhi ruko , Khabardar mere ahkaam Mai  aur mere Rasool ke ahkaam mai Farq na Karna Kyunki mere Nabi Apni taraf se kuchh nahi kehte ,Wo mere hi farman ke safeer Hai ,unka Farman Mera hi farman Hai , Jis Cheez ko Allah Ta'ala farmate hai Wahi Aap ﷺ ki zubane Mubarak se nikalta Hai*

     *▦══─────────────══▦*

   *❂ NEXT PART (02) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (02)*

*·•●✿ Mohabbat Ki Do Qisme'n*

                 

*✦ Maloom hua k Har Mohabbat Allah Ta'ala ke yaha maqbool nahi , Mohabbat ki do Qisme'n hai Ek Mohabbat maqbool aur ek Mohabbat mardood ,Yani gair maqbool,*

*✦ Jaisa Asar ki Namaz ke Baad Koi nifli Namaz padhi , Bukhari Sharif ki Hadees mai Hai k Sarware Do Aalam ﷺ irshad farmate hai k Asar ki Namaz ke Baad Koi nifl Jaa'iz nahi*

*✦ Agar Koi ye Kahe k Bhai Hume to Allah Ta'ala se Mohabbat karni Hai aur Wo ikhlaas ke Saath darwaze band Kar ke nifle padhe aur ikhlaas bhi itna k use na Biwi Bachche dekh rahe hai na Koi makhlooq dekh rahi Hai, Khaalis Allah ke liye nifle padh raha Hai, Magar Rasoole Khuda ﷺ ki nafarmani ki Wajah se na uska ikhlaas qubool, na uski nifl qubool*

*✦ Lihaza Saabit hua k Allah Ta'ala ki Mohabbat itteba e Sunnat ke zariye milti Hai*

     *▦══─────────────══▦*

   *❂ NEXT PART (03) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (03)*

*·•●✿ ISHQE Rasool Ki Buniyaad itteba e Rasool ﷺ Hai,*

                 

*✦ Sahaba Kiraam Raziyallahu Anhum mai yahi Baat thi ke Aap ﷺ ki ek ek Sunnat per fida the Sarware Do Aalam ﷺ Juma Ka khutba farma rahe the , Kuchh log khade hue they, Aapne unko irshad farmaya- Beth jao*

*✦ Hazrat Abdullah ibne Masoud Raziyallahu Anhu Jinke Liye Muhaddise Azeem Mulla Ali Qari Reh.ne Mirqaat Sharif mai Likha Hai Khulfa e Rashideen ke Baad Sabse Afzal Sahabi the, Aur Apni Soorat ke Aitbaar se Sarware Do Aalam ﷺ ki Shaql Mubarak se Bahut mushabe the*

*✦ To Hazrat Abdullah ibne Masoud Raziyallahu Anhu ne jaise hi Aap ﷺ ka irshad Suna To masjid ke darwaze per Jooto mai Beth gaye , Sarware Do Aalam ﷺ ne unko dekh liya aur farmaya Abdullah ibne Masoud andar aa jao*

*✦ Muhaddiseen likhte Hai ke ye Hazrat Abdullah ibne Masoud Raziyallahu Anhu ki intehayi qadar aur Nigaahe Risalat mai intehayi Shaane Mehbubiyat ki alaamat Hai ,k Aap ﷺ ko gawara nahi hua ke Hazrat Abdullah ibne Masoud Raziyallahu Anhu Jooto mai Beth Jaye ,Lekin Hazrat Abdullah ibne Masoud Raziyallahu Anhu ki itteba Dekhiye ke Unhone agar Magar nahi ki , Jo agar Magar karta Hai Wo Aashiq nahi hota*

*✦ Ek Allah wale buzurg farmate hai ke Marzi Teri har Waqt Peshe Nazar Hai ,Bas uski Zabaa'n per na agar Hai na Magar Hai*

*✦ Jo ye Kahe k agar hum Daadhi rakh lenge to Biwi ki naraazgi to bardasht ho jayegi Magar Log Kya kahenge To Samajh lo ye agar Magar karne Wala Hai Aashiq nahi Hai*

     *▦══─────────────══▦*

   *❂ NEXT PART (04) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (04)*

*·•●✿ Na-Farmani Ke Saath Ishqe Rasool_ﷺ_Ka Daava Baatil Hai*

                 

*✦ Bukhari Sharif mai Sarware Do Aalam ﷺ irshad farmate hai k Aye Logon Daadhiyo ko badhaao aur Moonchho ko kataao , aur Tamaam Zindagi Mubarak Aapne Ek Musht Daadhi rakhi ,Doosre Nabiyo'n ne rakhi ,Tamaam Sahaba Kiraam ne rakhi , itteba e ishqe Rasool ﷺ yaha'n dikhaao*

*✦ Aap ﷺ ke farmaan e Alishaan kw parakhche udate ho Rasoolullah ﷺ ki Na Farmani karte ho aur Muhabbat aur Aaahiqi Ka daava karte ho ,*

     *▦══─────────────══▦*

   *❂ NEXT PART (05) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (05)*

*·•●✿ Gharo mai Tasveer Lagane Ki Hurmat,*

*✦ Aap ﷺ ne farmaya Tasveero ko gharo mai mat rakho , Jaha'n Tasveere hoti hai'n , Waha'n Rahmat ke Farishte nahi aate , Aaj ummat ke Ghar Ghar mai Tasveere lagi hai'n , Lekin Daava e ishqe mai Sabse aage hai'n aur Na-Farmani Ke Saath ye konsi Aaahiqi hai ? Kya Muhabbat Ka yahi Haq Hai ?*

*✦ Aur Sahaba Kiraam Raziyallahu Anhum ki Kya Shaan thi k ek Shakhs ne Hazrat Umar Raziyallahu Anhu ki Dawat ki ,Aap Dawat ke liye tashreef le gaye, Jab Unke Ghar pahunche to dekha k Ghar mai Tasveer thi , Farmaya k Umar ese Ghar mai nahi khayega Jisme Na-Farmani e Rasool ho rahi ho , Huzoor ﷺ ke Farmaan e Alishaan ki khilaf varzi ki ja rahi ho , Hum aise khaane se Baaz aaye ,Ye Mohabbat Hai iska Naam ishq Hai*

*✦ Aaj ummat ko dekh Kar Dil kudhta Hai ,Wazife khoob padh rahe hai'n Lekin gunaho se bachne Ka ahatmaam nahi Hai , Ek Marne wale per Surah Yaseen ke Kai khatm Hui Magar uski Rooh nahi nikal rahi , Doctor Abdul Ha'yi Sahab Reh. ne khud Mujhse farmaya k wo log mujhe le gaye they,Teen Din ho gaye Magar Rooh nahi nikal rahi Hai Halanki Hazaar dafa Yaseen Sharif padhi ja chuki Hai,*

*✦ Maine dekha k Waha ( Ghar mai) Liyaqat Ali Khan ki Tasveer lagi Hui thi ,Maine kaha k Tasveer rakhte hue Yaseen Sharif Ka Amal kar rahe ho , Na-Farmani e Rasoolullah ﷺ ki nahusat se Rahmat ke Farishte Ghar mai kaise aayenge , Lihaza abhi Tasveer nikalo , Chunache jese hi Tasveer hatayi gayi foran Rooh nikal gayi*

*✦ Ishqe Rasool Naam Hai itteba e Rasoolullah ﷺ Ka ,Sunnat per Jaan de do ,Chahe Duniya kuchh bhi kehti rahe aur Aapka kitna hi Mazaaq udaati rahe,*

     *▦══─────────────══▦*

   *❂ NEXT PART (06) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (06)*

*·•●✿ Takhne Chhupana  Rasool_ﷺ_Ki Na-Farmani Hai,*

                 

*✦ Bukhari Sharif ki Hadees Hai - Jiska Takhna ouper se aane wale libaas Maslan Salwaar ,Pajama ,Lungi vagera se chhupa rahega utna hissa Jahannam mai Jalega*

*✦ Doosri Hadees mai Hai Jo Tadabbur se Aisa Karega is Hadees ko le kar Aaj log khoob Hoshiyariya'n aur chalakiya'n dikha rahe hai'n, Ke Janab Mera Takhna Tadabbur ki Wajah se nahi dhaka raha Hai, Halanki Kabhi kisi Sahabi ne Takhna nahi dhaka*

*✦ Hazrat Abu Bakar Siddiq Raziyallahu Anhu Ka pet nikla hua Tha isliye Aapka pajama latak Jata Tha lekin Aap har Waqt usko ahatmaam se ouper karte rehte they ,aur Wahi e ﷺ ki zubane Risalat se is Baat Ka elaan hua k Hazrat Abu Bakar Siddiq Raziyallahu Anhu Tadabbur se Paak hai' Lihaza Jo log Takhne dhak rahe hai'n wo Huzoor ﷺ ki Na-Farmani Kar rahe hai'*

*✦ Allama ibne Hajar Reh. jinko ek Laakh Hadeese Raaviyo'n ke naamo ke Saath Zubaani Yaad thi, Wo Fatahul Baari- Sharah Bukhari Sharif - Jild -6 mai Tamaam Hadeese Saamne rakh Kar Faisla likhte hai'n k :Chahe Tadabbur ho ya na ho Har haal mai Takhna Chhupana Haraam Hai*

*✦ Allama ibne Hajar Asqlani Hafizul Hadees hai'n , Jinhe ek Laakh Hadeese Sanad ke Saath Zubaani Yaad thi aur  Jinhone Bukhari Sharif ki  14 Jildo mai Sharah likhi hai'n, Unse badh kar Aaj Koi Kya Hadees Bayan Karega , Aaj to Chand Kitaabe padh le aur Allama ban gaye ,Ye log Allama nahi zallama hai'n , Wo ibne Hajar Reh Tamaam majmu'a Ahadees ki Roshni mai farmate hai Ke Tamaam Ahadees dalalat karti hai'n k Takhna Chhupana Haraam Hai,*

     *▦══─────────────══▦*

   *❂ NEXT PART (07) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (07)*

*·•●✿ Zikre Rasool_ﷺ_Ke Barakaat*

                 

*✦ Hakeemul Ummat Mujaddid e Millat Maulana Ashraf Ali Thanvi Reh. ne Sarware Do Aalam ﷺ ki Mohabbat mai Ek Kitaab likhi Jiska Naam " Nashrul Tayyib Fi Zikrul Nabiul Habeeb _ﷺ_ " Hai ,Ye Kitaab ishqe Rasool_ﷺ_ mai doobi Hui Hai ,Jisse maloom hua k iska musannif kitna bada Aashiqe Rasool Hai ,itne bade Aashiqe Rasool ko Jo log Badnaam karte hai'n Kal Qayamat ke Din unko jawab dena padega*

*✦ Bahar haal Hazrat Thanvi Reh.Huzoor ﷺ ke ke faza'il per is Kitaab ko likh rahe they Us Zamane mai Thaana Bhoon mai Taoon ( Bimaari ) faila hua Tha to Jis Din Kitaab likhte us Din Qasbe mai Koi Maut nahi hoti thi aur Jis Din naaga ho jata Tha Us Din Kai Maut ho jati thi,*

*✦ Jab Hazrat ko musalsal ye Baat pahunchi to Aap Rozana likhne lage aur Jab Rozana Sarware Do Aalam ﷺ ke Faza'il aur Aapki Shaan ko likhne lage to waha'n Taoon khatm ho gaya*

*✦ Lihaza Darood Sharif ki Kasrat balao'n ko taalne ke liye bhi akseer Hai aur ek Darood Sharif per Das darje Buland Hote hai'n , Das Nekiya'n milti hai'n ,aur Das gunaah maaf Hote hai'n aur Huzoor ﷺ ki Muhabbat Ka Haq bhi Ada hota Hai* 

     *▦══─────────────══▦*

   *❂ NEXT PART (08) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (08)*

*·•●✿ Uhad aur Taa'if Huzoor ﷺ Ka Khoon Mubarak Kis Liye baha ?*

                 

*✦ Bataiye ! Agar Aapka Khoon Mubarak Taa'if ke Bazaar mai na behta aur Aapke dandane Mubarak Uhad ke maidaan mai Shaheed na Hote To hum Tak islam Kaise pahunchta ?*

*✦ Sarware Do Aalam ﷺ Uhad ke daaman mai Apne Haatho se Apne khoone Mubarak ko poonchh Rahe The aur farma rahe The ke Kya haal hai Aisi Qaum Ka Jo Apne Paigambar ko Lahu luhaan karti hai*

*✦ is Khoone Nabuwat se hum ko islam mila hai Warna Hum Ram Prasad aur Ram Chandar Hote ,Batiye ! Saare Aalam mai islam kaise faila ? Sarware Do Aalam ﷺ ke Khoone Nabuwat ke Sadqe mai aur Sahaba Kiraam Raziyallahu Anhum ke Khoone Mubarak ke Sadqe mai Aaj hum Musalman hai'n ,*

                  *▦══─────────────══▦*

   *❂ NEXT PART (09) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (09)*

*·•●✿ Gaane Bajane Ki Hurmat*

                 

*✦ Pyaare Rasoolullah ﷺ ne Gaane Ko bhi Mana farmaya Hai , Hadees Paak mai Hai k Sarware Do Aalam ﷺ tashreef le ja Rahe The Kahi Se Gaane bajane ki awaaz aa rahi thi , Aap ﷺ ne Apni ungliya'n kaano mai Rakh Li Aur  Sahaba Kiraam Raziyallahu Anhum se poochhte rahe k ab bhi awaaz aa rahi Hai ya nahi ? Jab Sahaba ne ittela di k ab awaaz nahi aa rahi Hai tab Aapne Ungli Mubarak ko Kaan se nikaala*

*✦ Aah Jis Cheez ko Sarware Do Aalam ﷺ farmate hai'n k Mai'n gaana bajana mitaane ke liye paida Kiya gaya hu'n ,Aaj Ummat Raat Din Usi Gaane bajane mai garq Hai ,Hazrat Abdullah ibne Masoud Raziyallahu Anhu Jese Sahabi Farmate hai' Gaana Sunne se Zina Ka maadda paida hota Hai Sarware Do Aalam ﷺ farmate hai'n k - Gaana Bajana ese Be-imaani paida karta jaise Paani Kheti ko ugaati Hai ,*

*✦ Ab isko darja e ibaadat aur qurbe ilaahi samjha Jata Hai, Afsos ki Baat Hai ya Nahi ? Jab Deen mukammal ho gaya to Jin Na-farmainyo se Sarware Do Aalam Sallallahu Alaihivasallam ne Mana farmaya ab Usi Na-Farmani ko ummat ke Baaz nadaan log qurbe ilaahi Ka zariya samajhte hai'*

*✦ Maine Apni Aankho se dekha Hai k ek jagah ek taraf to isha ki Namaz ho rahi thi aur Doosri taraf Qawwali ho rahi thi ,Kisi ne bhi Namaz ada nahi ki Table baj rahe they aur bethe gardan hila rahe they, Tehqeeq ki to pata Chala k Qawwalo ne is Waqt Sharaab pi Hui Hai  ye Raat bhar jaag nahi sakte ,na itni gardan hila sakte hai'n , ye Sab nashe mai Hai hai' Bataiye ! Isha ki Namaz zaroori Hai ya Sharabiyo ki Qawwali Sunna zaruri hai ? Baaz jagah Apni Aankho se dekha Hai k Qawwali ho rahi Hai aur Peer Sahab ko Sajda Kiya ja raha Hai aur Namaz Ka ahatmaam nahi ,*

*✦ Allama Shaami " Ibne Aabideen Fiqha Shaami " mai aur Sultan Nizamuddin Awliya Reh.Apni Kitaab mai likhte hai'n k Chaar Sharte hai'n Jinse Ash'aar Ka Sunna Jaa'iz Hai ,Chahe Hamd mai ho ya Sarware Do Aalam Sallallahu Alaihivasallam ki Muhabbat mai Naat Sharif ho ,*

*✦(1) Sunne Wala Nafs Ka Banda gulaam na ho Yani ishq mizaaji mai mubtila na ho ,Gairullah se Paak ho ,*

*✦(2) Ash'aar Ke mazmoon Shari'at ke khilaf na ho ,( Shirk v Bid'aat se Paak ho )*

*✦ (3 Saarangi Tabla na ho Yani Mosiqi ( Music ) na ho ,Gaane Bajane Ka samaan na ho ,*

*✦(4) Jo Ash'aar Suna Raha Hai Wo bager Daadhi Moonchh Ka ladka na ho aur Aurat na ho ,*                 

                  *▦══─────────────══▦*

   *❂ NEXT PART (10) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (10)*

*·•●✿ Mohabbat Ka in'aam e Azeem*

                 

*✦Ek Sahabi Sarware Do Aalam ﷺ ko bager Palke Jhapkaye taktaki baandh Kar dekh rahe they to Aapne farmaya- Kya Baat Hai ? Aaj tum itni Muhabbat se mujhe dekh rahe ho k Aankh jhapak bhi nahi rahi Hai,  Unhone arz Kiya k isliye dekh raha hu'n k yaha'n to jab Dil tadapta hai to aakar Aapki ziyarat Kar leta hu'n , Lekin Jannat mai Aapka darja Bahut ouncha hoga , Waha hum Aapko Jaise dekhenge ? Aap ﷺ ne farmaya:- Jisko Jisse Mohabbat Hai Wo Usi ke Saath rahega*

*✦ Dekha Aapne Muhabbat kesi ni'amat Hai ! Muhabbat wale ki Do raka'at gair Muhabbat wale ki Laakh raka'at se Afzal Hai*

*✦ isliye Allah Ta'ala ne irshad farmaya k Agar Allah Ta'ala se Muhabbat Ka daava karte ho to Aye Nabi ﷺ  Aap Elaan farmaiye k Meri itteba Karo , Allah Ta'ala tumko Mehboob Kar lega , Maloom hua k Allah Ta'ala Ka pyara Wahi hai Jo Muttaba e Sunnat Hai*                  

                  *▦══─────────────══▦*

   *❂ NEXT PART (11) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (11)*

*·•●✿ Ahlullaah Ka Ahatmaam e itteba e Sunnat*

                 

*✦ Maine ilaahbaad Ke Ek Buzurg Hazrat Maulana Muhammad Ahmad Sahab ko dekha Jo Hazrat Shaah Fazlur Rahman Sahab Ganj Muradabaadi Reh.Ke Khalifa Sayyad Badr Ali Shaah Ke Khalifa hai'n, Unko dekha k Unka Kurta utaarne wale Khaadim ne dahine Haath ki taraf se Kurta utaar diya , Halanki Sunnat ye hai k Kurta Pehante Waqt Pehle Dahine haath mai pehne aur Utaarte Waqt Pehle Baaye Haath se utaare ,Joota ho ya Kurta ho ya Pajama ho ,Dahini taraf se pehno aur Baayi taraf se utaaro ,*

*✦ Mai'n us Waqt Waha'n mojood Tha , Hazrat ne Khaadim ko daant Kar farmaya Jaise bewaqoof ho ? Tumko is Sunnat Ka ilm nahi ,Tumne Mera Kurta Sunnat ke khilaf utaar diya, Ab dobara pehnaao , Dobara Dahine haath mai pehna aur farmaya k ab Baaye haath Ki Taraf se utaaro,*

*✦ Ek martaba ek Shakhs ne Hazrat Maulana Shaah Abrarul Haq Sahab Hardoi Ka moza utaara to Pehle Dahine taraf se utaar diya , Farmaya- Phir pehnaao aur pehle Baayi taraf se utaaro ,*

*✦ Moza ,Joota ,Libaas Pehante Waqt Sunnat per Amal Karo ,Sunnat per Amal se har Waqt Huzoor ﷺ ki Yaad Taza hoti hai ,Maslan Joota ya libaas Pehante Waqt Khayal aayega k Sarware Do Aalam ﷺ ke Hukme Aali per Amal ho raha Hai*

*✦ Agar Aap is Sunnat per Amal karenge to Din bhar mai jitni baar bhi Joota pehnenge aur utaarenge to Kya Aap ﷺ ki Yaad Taza nahi hoga ? Dil yaqeenan Masroor hoga k hum Sarware Do Aalam ﷺ ke Hukme Mubarak per Amal Kar rahe hai'n , Muhabbat isi Ka naam hai, Muhabbat Amal Ka Naam Hai ,Khaali Zubaan se Keh dete hai'n aur Amal Ka Waqt aata Hai to Maashra Society gaalib ho jati hai , Bivi Ka Khof ,Daftar walo Ka Khof aa Jata Hai Jisse hum log Huzoor ﷺ ke sareeh hukm ki khilaf varzi karte hai'*                

                  *▦══─────────────══▦*

   *❂ NEXT PART (12) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (12)*

*·•●✿ Daadhi Mundhane Walo se Huzoor ﷺ Ka izhare Nafrat*

                 

*✦ imaam Abu Hanifa ,imaam Maalik ,imaam Shafa'i,imaam Ahmad bin Hambal Chaaro Imaamo Ka ijma Hai m k ek Musht Daadhi Teeno taraf se rakhna Waajib Hai ,Yani Daayi taraf se ,Baayi taraf se aur Saamne se , Lihaza agar Qayamat ke Din Sarware Do Aalam ﷺ ye daryaft farma le k Ek mere ummati ! Tume mere chehre mai Kya ayb paya Jo mere jesi shakl nahi banayi , To bataiye hum log Kya jawab denge ?*

*✦ Jabki Zindagi Mubarak mai Aap  ﷺ ko Daadhi mundhi shaklo se Sakht Nafrat thi ,Ek martaba iraan ke do Safeer Aapke saamne haazir hue ,Jinki Daadhi mundhi Hui thi aur Moonchhe badi badi thi , Aap ﷺ ne Apna Chehra Mubarak fayr  liya , Ab agar Qayamat ke Din Esi Shakle banane per humse bhi Nafrat se Chehra Mubarak fayr liya to Shafa'at ke ummedwaro Kaha'n Jaoge ,?*

*✦ Kisko Khush Kar rahe ho ,Biwi ko Khush Kar rahe ho ,Apne Nafs ko Khush Kar rahe ho? Ye gaal tumhari milkiyat nahi Hai ,Ye gaal Allah Ta'ala ke hai'n , Yaad rakho ! Bande ki har Cheez Khuda ki gulaam Hai , Rasulullah ﷺ ki Mohabbat mai Daadhi Rakh lo , Hum kuchh bhi nahi hai'n ,Ek bhangi bhi agar Sarkaar Ka Elaan karta To Aap Sarkaar Ka Elaan samajh Kar us per Amal karte ho ,ye nahi dekhte k Elaan karne Wala Bhangi Hai , Agar Mujhe intehayi Haqeer samajhte ho mujhe manzoor Hai ,Lekin Sarware Do Aalam ﷺ ki Mohabbat mai Daadhi rakh lo Qayamat ke Din ye Keh Sako k*

*Teri Muhabbat ki Ya Rab Shabahat le ke aaya hu'n ,*

*Haqeeqat isko kar de Mai'n Soorat le ke aaya hu'n,*

*✦ Aur agar Daadhi rakhne per Koi Aap per hansta Hai to ye Shayr padh diya Karo*

*Aye Dekhne Walo Mujhe Hans Hans ke na Dekho,*

*Tumko bhi Muhabbat Kahi mujh sa na bana de,* 

                  *▦══─────────────══▦*

   *❂ NEXT PART (13) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (13)*

*·•●✿ Badi Moonchhe Rakhne Per Wa'ied,*

                 

*✦ Aise hi Aaj dekhne mai aata Hai k Log Lambi Lambi Moonchhe Rakhe hue hai'n ,Sharah Mo'ata imaam Malik ,Hadees ki badi mustanad Kitaab Hai ,Jo 14 Jildo mai Hai ,Likha Hai Huzoor ﷺ farmate hai'n k Jisne Apni Moonchho ko badhaya Meri Shafa'at see mehroom kar diya jayega aur Hauze Kausar per nahi aane payega aur Sawal Jawab ke liye Qabr mai Munkar Nakeer ko Gusse mai bheja jayega ,Unke liye dardnaak azaab Hai agar Tauba kiye bager Mar gaya*

*✦ Jo Nafarmani Kar Khuda e Ta'ala ko naraaz karta Hai Uski misaal Kati Hui patang ki si Hai , Jab Allah se Kat gaya to Jo Chahe usko loot le ,Noch khasot le ,Kati Hui patang Ka hashr Kya hota Hai ?*

*✦ Ek Professor Sahab Kehne lage k Sahab Mai'n bhi Kati Hui patang hu'n ,Lekin Mai'n chahta hu'n k Mujhe Koi Allah Wala loot le ,, Maine kaha Allah wale ese nahi loot te ,Lutwane ke liye Khanqaho mai Jana Padta Hai ,Wo lootne ke liye darwaze darwaze nahi firte ,lekin Allah Ta'ala ki tofeeq se kabhi kabhi Dawat illallaah ke liye bhi Safar Kar lete hai'n,aur Lootne Ka Matlab ye nahi k wo tumhara Maal loot lete hai'n,balki Apni islaahi Tadbeer se tumhari bad akhlaqi ko loot Kar Husne Akhlaaq se muzayyan farma dete hai'n* 

                  *▦══─────────────══▦*

   *❂ NEXT PART (14) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (14)*

*·•●✿ Har Kaam Ulma Kiraam Se Poochh Kar Kijiye*

                 

*✦ Aap Jo Kaam bhi kijiye Ulma Kiraam Se Poochh Kar Kijiye k Sarware Do Aalam ﷺ ko Allah Ta'ala ne Nabuwat dene ke 23 baras Baad Tak Zindagi ata farmayi , 13 Saal Makka Sharif mai aur 10 Saal Madina Sharif mai , To is Arse mai Aapne Kya Khushiya'n manayi , Kitne Logon Ka yaume Wiladat manaya ,Kitne logo Ka yaume wafaat manaya ,Isko Ulma Kiraam Se Poochhiye ,*

*✦ Aap ﷺ ko Saare Nabiyo se badh kar Hazrat Ibrahim Alaihissalam se Mohabbat thi isliye Darood Sharif mai bhi Aapke Naam ke saath Zikr Hai ,Aur kisi Nabi Ka naam Kyu nahi liya ? Kyunke Huzoor ﷺ ko Hazrat Ibrahim Alaihissalam ne maanga Tha k Ya Allah ! Makka Sharif mai ek Paigambar Paida farma , Hazrat Ibrahim Alaihissalam ki Dua se Aapki baisat Hui , Lihaza kisi tabqe Ka Aalim ,Kisi Jama'at Ka Aalim ye Saabit kar de k Sarware Do ﷺ ne Kisi Paigambar Ka ye Kisi Shakhs Ka Day ( Birthday ) manaya ho ? Isliye Kehta hu'n k Ulma Kiraam Se Poochh lo aur Poochh Poochh Kar Amal Karo ,Hamari Baat na maano To Tehqeeq kar lo,*

*✦ Hazrat Siddiqe Akbar Raziyallahu Anhu ne Khilafat Milne ke baad Dhaayi Saal Zindagi payi , Poochho k Unhone konsa Din manaya ? Ye cheeze kab se Shuru Hui ? Sahaba Kiraam Raziyallahu Anhum aur Salfe Saleheen Ki Zindagiyo mai Kahi ye Khurafaat Aapko nahi milegi ,*

*✦ Are ! Hamari Har Saans Sarware Do Aalam ﷺ per ,Aapki Hayaate Tayyaba per Fida honi chahiye,Har Subeh ,Har Shaam ,Har Waqt Hume unko Yaad Rakhna Hai , Ishqe Rasool ﷺ Ka haasil to ye Tha k Huzoor ke naqshe qadam per Zindgi ki har Saans fida karte ,Subeh Shaam Koi din naaga na karte ,Kasrat se Darood Sharif padhte aur Kasrat se Aapki Sunnato Ka muzakra karte ,*

*✦ Agar hum log ek ek Sunnat zinda karte to Aap ﷺ ki Roohe Mubarak kitni Khush hoti ,Agar Aaj Ummat ke Sabhi Mard Daadhi rakh le ,Paancho Waqt ki Namaz Jama'at ke Saath padhne lage ,Apne Takhne khol le aur Jitni Sunnate Hai'n Sab per Amal Kare ,Gaana Bajana Chhod de ,To bataiye Huzoor ﷺ ki Roohe Mubarak kitni Khush hogi ,*

*✦ Wo Shakhs Zaalim Hai Jo Second ko bhi Huzoor ﷺ ki Zaate Giraami ko Bhool Jaye ,Aapki Muhabbat imaan Ka juzv hai ,Lihaza Jo Shakhs Aapki Risalat per imaan na laye uska Kalma Durust nahi Hai Agarche Raat Din "Laa ilaaha illallaah " padhe , use Nijaat nahi milegi Jab Tak wo " Muhammadur Rasoolullaah " nahi padhega ,Yani agar Aapki Risalat per imaan nahi layega to Jahannam mai jayega ,Allah Ta'ala ke Baad poori Kaaynaat mai Aap ﷺ se badh kar kisi Ka darja nahi Hai ,*

                   *▦══─────────────══▦*

   *❂ NEXT PART (15) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (15)*

*·•●✿ Aap ﷺ Ka Azimush Shaan Rutba ,*

                 

*✦ Ulma ne likha hai k Kaaynaat mai Allah Ta'ala ke Baad Sarware Do Aalam ﷺ se badh kar Koi nahi Hai ,Imaam Maalik Reh. Farmate hai'n k agar Koi Shakhs ye Keh de k Maine Nabi Paak ﷺ ki Qabr ki ziyarat ki to Aisa kehna makrooh Hai ,Balki yu'n kehna chahiye k Maine Huzoor ﷺ ki ziyarat ki ,*

*✦ Kyunki Aap Ba Hayaat Tayyaba Khaas Hayaat se Musharraf hai'n aur Roza e Mubarak per Haazir ho Kar Jo Salaato Salaam Padhta Hai To Aap ﷺ uske Salaato Salaam ko sunte hai'n aur Jawab bhi ata farmate hai'n ,*

*✦ Isi tarah Ulma Kiraam Ka ye bhi Faisla Hai k Zameen Ke Jis Tukde per Sarware Do Aalam ﷺ Ka Jisme Mubarak rakha hua Hai Zameen Ka Wo Tukda Arshe Aazam se Afzal Hai , Aap ﷺ ki Mohabbat Juzv e imaan hai , iske Bagair imaan hi Qubool nahi ,* 

                  *▦══─────────────══▦*

   *❂ NEXT PART (16) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (16)*

*·•●✿ Charaaga Karne aur Makhsoos Din Manane Ki Haqeeqat-*

                 

*✦ Aaj is Mubarak Mahine ke bare mai Kuchh arz karna Hai Kyunki is Zamane mai Bahut se Aise A'amaal Hone lage hai'n ( Jinka Shari'at se Koi Maslan Talluq nahi ) Kahi Raat Din Qawwaliya ho rahi Hai aur Kahi Juloos nikal rahe hai'n,*

*✦ Aisi Soorat mai agar Haq Baat ko pesh nahi kiya Jaye to Baaz log hamari taraf se badgumani karenge ke inko Huzoor ﷺ se ishq Wa Mohabbat nahi Hai ,tabhi To inhone Roshni nahi ki ,Chiraaga nahi kiya ,Juloos nahi nikala , Qawwali nahi ki aur Apne log Jo Kam ilm ke hai'n unhe bhi ahsaas ho Sakta Hai, Shaitaan Waswasa daal Sakta Hai k Shayad hum logo ke andar Koi kami hai ,*

*✦ Is Silsile mai ek Hadees Pesh karta hu'n, Sayyadul Ambiya ﷺ irshad farmate hai'n k qayamat ke qareeb Meri Ummat Tehattar ( 73 ) Firqo mai taqseem ho jayegi ,Jisme ek Firqa Nijaat payega ,*

*Sahaba Kiraam Raziyallahu Anhum ne puchha k wo konsa Firqa hoga ?Huzoor ﷺ ne irshad farmaya Jis per Mai'n aur Mere Sahaba hai'n ,*

*✦ Wo Raasta Jis per Allah ka Rasool hai aur Wo Raasta Jis per Sahaba hai'n , Maloom hua ke Huzoor ﷺ Ka Jo tareeqa hai aur Sahaba Kiraam Ka Jo tareeqa hai us per chalne wale Nijaat payenge ,*

*✦ Aaj Kal akhbaar mai aata Hai k Kahi Fala ki wafaat Ka jalsa Hai ,Kahi Fala ki Paidaish Ka jalsa Hai , isliye Baaz log kehte hai'n k Huzoor ﷺ Ka Yaume  Paidaish manane mai Kya harj Hai ?*

*(Post Jaari hai )*

                  *▦══─────────────══▦*

   *❂ NEXT PART (17) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (17)*

*·•●✿ Charaage karne Aur Makhsoos Din Manane Ki Haqqeeqat*

                 

*✦ Sawal ye Hai k Sayyadul Ambiya ﷺ ne Apne Zamana e Nabuwat mai Jisme 13 Saal Aapne Makka Mukarrama mai guzaare aur 10 Saal Madina Sharif mai guzaare to Kya us Zamane mai Aapne Kisi Paigambar ki wafaat Ka Din manaya ? Kisi Paigambar Ki Paidaish Ka Din manaya ?*

*✦ Aap ﷺ ki Biviyo'n mai se Hazrat Khadijatul Kubra Raziyallahu Anha Ka inteqal hua , Kya Aapne Agle saal wo Din manaya k Pichhle Saal is Din ko hamari Biwi Ka inteqal hua Tha Lihaza Aaj ke din Kuchh Deg Weg paka Kar sawab pahuncha do Taki Unki Yaad Taza ho Jaye ? Jisko Aaj Kal Day Manana Kehte hai'n ,*

*✦ Asal mai Jab Pet zyada bhar Jata To moonh se Day Day nikalta Hai, Ye Wo log hai'n Jinke maide mai gair islami ,gair Shara'i,Sunnat ke khilaf itni zyada Rasme'n ghus gayi hai'n k inke moonh se Day Day nikal raha Hai ,isko sawab se kya Talluq ? Ye Cheez Yuroup se aayi Hai ,Kisi ki Paidaish Ka kisi ki gami Ka din manana Yuroup walo ne ye Kaam Shuru Kiya ,*

*✦ Lihaza Aap logo ko samjhane ke liye aur Apne Dil ko Aapke Dil ko itminaan dilane ke liye Aaj mujhe is masle ki thodi si wazahat karni Hai Taki Aapko ahsaas na ho k Hum Huzoor ﷺ ke Aashiq nahi hai'n aur Kisi ko badgumani Ka moqa na mile k Sahab inki Masjido mai Charaaga nahi hua maloom hota Hai k ye log Rasoolullah ﷺ se Mohabbat karne wale nahi hai'n ,*

*✦ Lihaza Mai'n Aap Logo se Sawal karra hu'n k Huzoor ﷺ se Sahaba Ko ishq Tha ya nahi ? Hamara Aapka to Zubaani ishq Hai Lekin Sahaba Kiraam ne to Jaan qurban Kar di ,Khoon baha diya ,Uhad ke Daaman mai ek hi Din mai Sattar Sahaba Shaheed ho gaye Sarware Do Aalam ﷺ ne sabki Namaze Janaza padhayi ,Kya Kaamyab Zindgi thi ,Ek to Shahadat Ka darja Buland fir Namaze Janaza padhane Wala bhi kesa ! Tamaam Nabiyo Ka Sardaar ,Vajahe Vajoode Kaaynaat,*

*✦ Jab Tak Allah ki Mohabbat mai khudi nahi hoti Bandgi mai Rooh nahi aati , Kitaabo se ye Mohabbat nahi milti , Mohabbat to Ahle Mohabbat ki Sohbat se milti Hai ,*

*✦ Lihaza mai ye Sawal karta hu'n k Huzoor ﷺ Jab Duniya se Tashreef le gaye to Hazrat*

*(Post Jaari hai )*

                  *▦══─────────────══▦*

   *❂ NEXT PART (18) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (18)*

*·•●✿ Charaage karne Aur Makhsoos Din Manane Ki Haqqeeqat*

                 

*✦ Hai k Hazrat Abu Bakar Siddiq Raziyallahu Anhu ne Rabiul Awwal mai Masjide Nabvi mai Rogane Zetoon se Chiraaga Kiya ho ? Yaha'n to Aaj Kal Bulb hai'n us Zamane mai to Bulb nahi they Lekin Abu Bakar Siddiq Raziyallahu Anhu Bahut se Chhiraag to jala sakte they Lekin Koi Chiraaga nahi jalaya ,Kya Abu Bakar Siddiq Raziyallahu Anhu Jinhone Apni jaan fida ki ,Jinke bare mai Sayyadna Umar Raziyallahu Anhu farmate hai'n k Abu Bakar Siddiq ki ek din ki ibaadat Umar ki Saari Zindgi ki ibaadat se Afzal Hai ,*

*✦ Aur ek Us Raat ki ibaadat jab unhone Huzoor ﷺ ke Saath Hijrat ki thi ,Meri Tamaam Raato ki ibaadat se afzal Hai , itna bada Aashiq Jiske bare mai Huzoor Sallallahu Alaihivasallam farmate hai'n k agar Ek palde mai Saare Paigambaro ki Ummat ke Sahaba Ka aur mere Sahaba Ka imaan rakha Jaye aur Doosre Palde mai Siddiqe Akbar Ka imaan rakha Jaye to unka palda Jhuk jayega ,*

*✦ Yani is Ummat ke Sahaba aur Pichhli tamaam Ummato ke Sahaba ke imaan se zyada Hazrat Abu Bakar Siddiq Raziyallahu Anhu Ka imaan hai to is Sabse bade Aashiqe Rasool ne Dhaayi Saal Hukumat ki aur Dhaayi Saal andar Do baar Rabiul Awwal aaya Tha Magar Hazrat Abu Bakar Siddiq Raziyallahu Anhu ne Koi Chiraaga nahi Kiya ,*

*✦ Aur Sayyadna Usman Raziyallahu Anhu ke paas Kya kami thi ,Bahut Maaldaar they aur Hazrat Abdur Rahman bin Auf Raziyallahu Anhu Bahut bade Tajir they ,Bahut Maaldaar they,in Maaldaar Sahaba ne bhi Koi Chiraag nahi jalaya ,Wo Apne Dil mai Chiraag jalate they ,Sahaba Apne Dilo mai itteba e Sunnat ke Noor se Chiraag jalate they ,*

                  *▦══─────────────══▦*

   *❂ NEXT PART (19) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (19)*

*·•●✿ Na-Farmani Karna Ishqe Rasool_ﷺ_Ke Khilaf Hai,*

                 

*✦ Aaj Daadhya'n mundhi ja rahi Hai, Moonchhe badi badi rakhi hai'n,Table Sarangiya'n baj rahi hai ,  Ye Kesa ishq Hai k Jama'at Jama'at se Namaze Chhoot rahi Hai,Masjide Khaali hai'n aur Juloos mai Sab Aadmi ghuse chale ja rahe hai'n,*

*✦ Kya Sahaba Ke andar ye samajh nahi thi k Wo Juloos nikaalte ? Khushi tab qubool hogi jab wo Sahaba ke Tareeqe per hogi , Ye Dekho k Sahaba Kiraam ne kese Khushiya'n manayi ? Unse Allah raazi ho gaya , Allah unse Raazi to Unke A'amaal se bhi raazi ,Lihaza Jese Sahaba Kiraam ek ek Sunnat per Jaan dete they hum bhi Sunnat per Jaan dena sikhe*

*✦ Dekho ! Hazrat Umar Raziyallahu Anhu ne us Ghar mai naashta nahi Kiya Jis Ghar mai Tasveer thi aur Aaj Aashiqe Rasool bane hue hai'n aur Saara Ghar Tasveero se bhara hua Hai ,Gaane bajane Raat din ho rahe , Bas 12 Rabiul Awwal per Charaaga Kar liya aur Juloos nikaal liya to Bahut bade Aashiqe Rasool ho gaye ,Saabit Karo k Sayyadna Abu Bakar Siddiq Raziyallahu Anhu aur Hazrat  Umar Raziyallahu Anhu , Hazrat Usman Raziyallahu Anhu,Hazrat Ali Raziyallahu Anhu, in Hazraat ne Rabiul Awwal manaya , Chiraaga kiya balki kisi ek Sahabi se Saabit kar do k Unhone Rabiul Awwal manaya ho ?*

                 

*(Post Jaari Hai)*

                  *▦══─────────────══▦*

   *❂ NEXT PART (20) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (20)*

*·•●✿ Na-Farmani Karna Ishqe Rasool_ﷺ_Ke Khilaf Hai,*

                 

*✦ Hamara Rabiul Awwal to tamaam saal Hai ,Hamara milaad Sharif hamari Zindgi ki har Saans Hai ,Hamari Har Saans Rasoolullah ﷺ ki Mohabbat mai doobi Hui Hai ,Ye nahi k saal mai ek martaba jhoom jhoom Kar padh liya aur Saare saal Nafarmani karte rahe ,Jo bhi itteba e Sunnat karta Hai uska Saara saal Rabiul Awwal Hai Kyunki Huzoor ﷺ Ka Duniya mai tashreef lane Ka maqsad ye Tha k Bande Allah Ta'ala ki marzi per chale aur Khuda ke gazab aur qahar ke A'amaal se Bache ,Ye Asal milaad Sharif Hai , Huzoor ﷺ ki Mohabbat Ka Haq wo Ada karte hai'n jo gunaah Chhod de aur Allah Ta'ala ke hukmo per Jaan fida Kar de ,*

*✦ Ek Ek Sunnat ko seekhe aur us per Amal Kare ,Ye Hai Rabiul Awwal, Sarware Do Aalam ﷺ isi liye tashreef laye they ,isliye tashreef nahi laye k Saal mai ek dafa Hindu'o ki Diwali ki tarah Chiraaga Kar lo ,Juloos aur Reliya'n nikaal Kar Gaane bajane Karo , Sabse bada Rabiul Awwal Hai k hum gunaah Chhod de ,Ek ek Sunnat ko seekhe aur Amal kare ,aur Huzoor ﷺ per Raat Din Darood Sharif padhe ,Ye Asal Cheez Hai ,*

                  *▦══─────────────══▦*

   *❂ NEXT PART (21) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (21)*

*·•●✿ Asal Ishqe Rasool itteba e Rasool ﷺ Hai,*

                 

*✦ Asal Rabiul Awwal uska Hai Jo Raat Din har Waqt Huzoor ﷺ ko Yaad rakhta hai ,Saal mai ek Mahine ke liye nahi ,ek Din ke liye nahi Jiski har Saans 12 Rabiul Awwal Hai,Jo Allah ke Nabi ki Sunnat per zinda Rehti Hai,har Saans mai sochta Hai aur Ahle ilm se poochhta Hai ke Khushi kaise manayi Jaye ,Shaadi Kaise ho ? Gami Kaise ho ? Saari Sunnate poochhta ho aur Sunnat ke mutabiq Khushi aur Gami ki taqribaat karta Hai ,*

*✦ Rabiul Awwal ke Juloos aur Charaaga Karna agar achchi Cheez hoti to Sahaba zaroor karte Kyunki wo Jaan fida karne wale they, Shama e Risalat ke parwane they , Wo is per Amal zaroor karte ,Lekin Shari'at ne in cheezo se Mana Kiya Hai k israaf v fizool kharchi mat Karo , Aag jalana aur jagah jagah Charaaga Karna Hindu'o aur Majusiyo'n Ka Tareeqa Hai ,Hume Sahaba Kiraam ke Tareeqo per Rabiul Awwal guzaarna Hai ,*

                 

*(Post Jaari hai)*

                  *▦══─────────────══▦*

   *❂ NEXT PART (22) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (22)*

*·•●✿ Asal Ishq e Rasool itteva e Rasool ﷺ hai*

*✦ Rabiul Awwal ke Juloos aur Charaaga Karna agar achchi Cheez hoti to Sahaba zaroor karte Kyunki wo Jaan fida karne wale the Shama e Risalat ke parwane the Wo is per Amal zaroor karte ,Lekin Shari'at ne in cheezo se Mana Kiya Hai k israaf v fizool kharchi mat Karo , Aag jalana aur jagah jagah Charaaga Karna Hindu'o aur Majusiyo'n Ka Tareeqa Hai ,Hume Sahaba Kiraam ke Tareeqo per Rabiul Awwal guzaarna Hai ,*

*✦ Hazrat Umar Raziyallahu Anhu farmate hai'n k logo ! Agar Darood Sharif nahi padhoge to tumhari Dua Asmaan ke ouper nahi jayegi Lekin Aapne toheed ki hifazat ke liye us darakht ko katwa diya Jis per Nabi ﷺ ne Apni peeth Ka Sahara le kar Sahaba Kiraam ko Jihaad ke liye bayt Kiya Tha , Baaz Log barkat ke Liye us darakht ke paas beth Kar Dua maangne lage ,*

*✦ Hazrat Umar Raziyallahu Anhu ne Socha k Aaj To yahi Hai ke log us darakht ko isliye Mubarak samajh Kar Dua Kar rahe hai'n k Nabi Kareem ﷺ ne is darakht se peeth Ka Sahara Laga Kar Sahaba Se Bayt li thi Lekin Kal is darakht ko Sajde Shuru ho jayenge ,aur Khuda ko Chhod kar darakhto ki Pooja Shuru ho jayegi , Ye Sayyadna Umar Raziyallahu Anhu Ka Yaqeen Tha ,Unki Toheed ki himmad thi k ese Mubarak darakht ko kaat Diya Tha k Ummat ka imaan zaaya na ho aur Toheed Jo Maqsade Risalat Hai usko nuqsaan na pahunche , Nabiyo'n Ka maqsad ye Hai k Logo ko Gairullah se kaat Kar Allah se Jode , Aap ﷺ ne Mana farmaya ke Khabardar ! Meri Qabr ko ibaadat gaah mat banana ,*

*✦ Aaj Kal ke log Sayyadna Umar Raziyallahu Anhu per bhi Fatwa laga denge k Nauzubillah Wo bhi Auliya Allah ke qaa'il nahi The*                  

                  *▦══─────────────══▦*

   *❂ NEXT PART (23) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (23)*

*·•●✿ Risalat Ka Asal Maqsad Toheed Hai,*

                 

*✦ Hum Auliya Allah Ke gulaam hai'n ,Jo log kehte hai'n k hum Auliya Ko nahi maante Wo hum per Bohtaan baandhte hai'n , Qayamat ke Din unko jawab dena padega ,Hum to Auliya Allah ke gulaam hai'n, Hamare Buzurg Chaaro silsilo per Bayt karte hai'n, Haa'n Hum Auliya Allah ko Khuda nahi samajhte balki Allah Ta'ala  Ka maqbool Banda samajhte hai'n,*

*✦ Lekin ye Baat Hai k hum Khilafe Sunnat Baato ko Mana karte hai'n to Jo log Khilafe Sunnat kaamo mai mubtila hai'n wo Hume Apne kabaab mai Haddi samajhte hai'n , Unhone Apne Halwe  Maande ke liye Hume Badnaam Kiya Hai k hum buzurgo ko nahi maante ,Hakimul Ummat Hazrat Thanvi Reh.farmate hai'n k Baaz log nadaani se Angrezo ki chaalo ki Wajah se humko Auliya Allah ka mukhalif kehte hai'n, Qayamat ke Din Hum ko Badnaam Karne Ka Allah ke yaha'n jawab dena padega ,*

*(Post Jaari hai)*                 

                  *▦══─────────────══▦*

   *❂ NEXT PART (24) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (24)*

*·•●✿ Risalat Ka Asal Maqsad Toheed Hai,*

                 

*✦ Un logo ko hum Kya Jane Jo hum Auliya Allah ko nahi maante , Hum to Allah Ta'ala ke kalame Paak , Sarware Do Aalam ﷺ ki Hadeese Paak aur Sahaba Kiraam ke A'amaal Jaante hai'n aur maante hai'n aur Hum Auliya Allah ki Jootiyo'n ki khaak ke zarrraat ko Badshaho ke taajo ke Motiyo'n se Afzal samajhte hai'n,*

*✦ Allama Anwar Shaah Kashmiri Reh ne Bukhari Sharif ke khatm per Apne sagirdo se farmaya Tha Molviyo'n Bukhari Sharif khatm ho gayi Lekin Bukhari Sharif ki Rooh jab haasil hogi jab kuchh Din Kisi Allah wale ki Jootiya'n uthaoge ,Kuchh Din Khuda ke Ashiqo ki Muhabbat mai Reh lo tab pata chalega k Bukhari Sharif Kya Cheez Hai ,*

*✦ Maulana Gangoi Reh.farmaya karte they k Hadees Padhne Padhane Ka maza tab hai jab Padhne Wala bhi Sahibe Nisbat ho aur Padhane Wala bhi Sahibe Nisbat ho aur Nisbat se Kya muraad Hai ? Wali Allah ho ,usko Allah Ta'ala Ka Khaas Talluq haasil ho*

                  *▦══─────────────══▦*

   *❂ NEXT PART (25) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (25)*

*·•●✿ Auliya Allah Se Barahe Raast Maangna Shirk hai*

                 

*✦ Lekin Afsos Hai Un per k ( Saara Qur'an v Hadees Unko Suna do ,Khoob Toheed Bayan kar do Magar ) Jab Tak unko Shirk ki chatni na mil Jaye us Waqt Tak unko maza hi nahi aata ,Laakh Hadeese Suna do maza nahi aayega Magar ye Suna do k Shekh Abdul Qadir Jilani Reh. Ki gyaarvi Sharif ki biryani ki ek Haddi ko kawwa le gaya aur uski giraft se chhoot Kar qabristan mai gir gayi to gyaarvi Sharif ki biryani ki Haddi ki barkat se Sab qabristan wale bakhsh diye gaye Aisi Wahiyaat Baato se inko bada maza aata Hai ,Lekin Allah Ta'ala ki azmat , Rasoolullah ﷺ ki Sunnato ki azmat ke Bayan mai inko maza nahi aata ,*

*✦ Auliya Allah ka Wasila to Jaa'iz Hai Lekin unse Barahe Raast Maangna Shirk hai ,Kisi Qabr se kehna k Hume Bachcha de do ,Hamari roZi nahi Hai Hume Rizq de do ,Ye bilkul Kufr Hai Aisa Shakhs Agar Tauba na kare to*

                 

*(Post Jaari Hai)*

                  *▦══─────────────══▦*

   *❂ NEXT PART (26) IN'SHA ALLAH ❂*

         *○═┅═┅═┅═┅═┅═┅═┅═┅○*

🌈🌈

🌊🌊

       *💧Bismillahirrahmanirraheem💧* 

       ➖➖➖➖➖➖➖➖➖➖         

           *Allah Ta'ala Se Muhabbat Ka*

       *Raasta itteba e Rasool_ﷺ_Hai,*

          *•·•·•·•·•·•·•·•·•·•·•·•·•·•·•·•·•·•·•·•·•·•*         

                        *Post No (26)*

*·•●✿ Kaafir ho kar Jahannam mai jayega, Lekin ye kehna k Ya Allah ! Apne maqbool Bando ke Sadqe mai ,Apne Auliya ke Sadqe mai aur Sabse badh kar hamare pyare Rasoolullah ﷺ ke Sadqe mai humari Duao'n ko qubool farma lijiye*

*✦ Bata diya k Ambiya aur Auliya Ka Wasila Jaa'iz Hai Yani Unke wasile se Allah Ta'ala se Maangna Jaa'iz Hai Barahe Raast Ambiya v Auliya ki qabro se Maangna Shirk hai,*

*✦ Shukr Ada kare k Sahaba Kiraam Raziyallahu Anhum ke mutabiq hamara Rabiul Awwal guzra Hai baqi Mahine bhi Allah Ta'ala isi tarah guzaarne ki tofeeq de , ( Aameen ) Jinka nahi guzra Allah unko Aqle Saleem ata Wo kare aur Wo Niyat Kare k in Sha Allah Ta'ala Hum Sunnat aur Shari'at ke mutabiq Sahaba Kiraam Raziyallahu Anhum ke Tareeqe ke mutabiq Apni Zindgi ko guzaarenge,,*

*✦ Allah Ta'ala Apni Rehmat se Hum Sabko Sarware Do Aalam ﷺ ke naqshe qadam per Aapki ek ek Sunnat per Jaan dene ki tofeeq ata farmaye aur Sarware Do Aalam ﷺ ki Muhabbat ko hamare seeno mai bhar de , Aameen ,*

  *Alhamdulillah Post Mukammal ,*

*(📓 ✍🏻Hazrat Maulana Shah Hakeem Muhammad Akhtar Sahab Reh)*                 

                  *○═┅═┅═┅═┅═┅═┅═┅═┅○*

🌈🌈